Traveling Den-ი თიბისის მხარდაჭერით ბიზნესის გაფართოებას გეგმავს

Traveling Den-ი თიბისის მხარდაჭერით ბიზნესის გაფართოებას გეგმავს

access_time2021-06-18 17:30:00

საქართველოში ბოლო ათწლეულში ტურისტული ბიზნესი ერთ-ერთი ყველაზე წარმატებულია. უამრავი მცირე თუ მსხვილი კომპანიაა ჩართული შესაბამისი ინფრასტრუქტურისა და სერვისების განვითარებაში, თუმცაღა ეს ყველაფერი, ძირითადად, სტანდარტულ მომსახურებასა და უკვე არაერთგზის ნაცად იდეებს ეფუძნება. ნამდვილი ინოვაციები ამ სფეროში იშვიათობაა, რადგან დიდ ფინანსებსა და არანაკლებ გამბედაობას მოითხოვს. კომპანია Traveling Den-ის დაფუძნებლებს, ანა სვანიძეს და ინა მარგველაშვილს, საქმიანობის დასაწყისში საკმარისად მხოლოდ ეს უკანასკნელი ჰქონდათ. მართლაც დიდ გამბედაობას მოითხოვდა შეზღუდული სახსრებით იდეის განხორციელება, რომელიც საქართველოსთვის სრულიად ახალი იყო. ევროპულ ქვეყნებში საგანგებოდ აღჭურვილი ფურგონის ტიპის ავტომობილით მოგზაურობა ძალზე პოპულარულია, მაგრამ საქართველოში მსგავსი გამოცდილება არ არსებობს. სწორედ ამის გამოსწორება და უცხოელი თუ ადგილობრივი მოგზაურებისთვის შესაბამისი სერვისის შეთავაზებაა Traveling Den-ის მიზანი.


ანა სვანიძე კომპანიის შექმნაზე სერიოზულად მას შემდეგ დაფიქრდა, რაც ბიზნესპარტნიორთან ერთად რეგიონებში მოგზაურობისას დასარჩენი ადგილის პრობლემას გამუდმებით აწყდებოდა:


“მივხვდით, რომ ამ მიმართულებით ცოტა გასაქანია და გადავწყვიტეთ, მოგზაურობისას სასურველ ადგილზე დარჩენის პრობლემა აღმოგვეფხვრა. ერთ ზაფხულს ჩვენი მისაბმელი ფურგონით, ეგრეთწოდებული “ქარავანით”, ვიყავით აჭარაში. ვიქირავეთ ადგილი და გავმართეთ კემპსაიტი. თავადაც ვისვენებდით და სხვებსაც ვთავაზობდით ამ სერვისს”- ამბობს კომპანიის ერთ-ერთი დამფუძნებელი, ანა სვანიძე.


მოგვიანებით, Traveling Den-მა მინი-ვენი შეიძინა და მის შესაბამისად აღჭურვას შეუდგა.


“კეთების პროცესი რთული იყო, რადგან მხოლოდ ორნი ვიყავით, ტექნიკურად კი ერთმა ადამიანმა გაგვიმართა ყველაფერი. მსგავსი არასტანდარტული პროექტისთვის ხელოსნის მონახვა არც ისე იოლი აღმოჩნდა. ამას პანდემიაც დაემატა და საქმეც ერთი-ორად გართულდა, მაგრამ საბოლოოდ მაინც შევძელით იმის მიღება, რაც გვუსრდა, თუმცა არსებული გარემოებებიდან და შეზღუდული რესურსიდან გამომდინარე მოგვიწია პატარა მოდიფიკაციების გაკეთება”.



ფურგონი სრულად გამოშიგნეს, საგანგებოდ დაათბუნეს, მზის პანელები დაამონტაჟეს, ბიო-ტუალეტით აღჭურვეს და მანქანა საცხოვრებლად კომფორტული გახადეს. ასეთ მანქანაში შხაპის მიღება და სამზარეულოთი სარგებლობა დაუბრკოლებლად შეგიძლიათ. ტექნიკურად ყველაფერი ბოლომდეა გამართული. მიზანიც ეს იყო – მაქსიმალური კომფორტი შეზღუდულ სივრცეში.


Traveling Den-ისთვის მოგზაურების მსგავსი სერვისით უზრუნველყოფა ორ იდეას უკავშირდება – ნელი მოგზაურობისა და ბუნებრივი რესურების აზრიანად ხარჯვის. დამფუძნებლებისთვის ორივე მათგანი მნიშვნელოვანია:


“მინი-ვენით მოგზაურობისას წინასწარ განსაზღვრულ გეოგრაფიულ პუნქტში ნავარაუდევ დროში ჩასვლის სტრესი მოხსნილია. ადგილს თავად ირჩევ, ხშირად სპონტანურადაც. მსგავს რიტმში მოგზაურობა ძალიან განსხვავდება სასტუმროში გაჩერებისაგან. ფაქტობრივად ახლიდან სწავლობ ერთი შეხედვით კარგად ნაცნობ ქვეყანას. ჩერდები იქ, სადაც ადრე აზრადაც არ მოგივიდოდა. გარდა ამისა, გაზი, წყალი, ენერგია შეზღუდული რაოდენობით გაქვს და მის აზრიანად ხარჯვასაც სწავლობ. ესეც ძალზე მნიშვნელოვანია. რაც მთავარია, ბუნებასთან და საკუთარ თავთან ხანგრძლივად პირისპირ დარჩენის ძვირფას გამოცდილებას იძენ”.


მსგავსი ტიპის მოგზაურობა პანდემიის პერიოდში განსაკუთრებით მომხიბლავია, რადგან, სურვილისამებრ, სრული ან ნაწილობრივი იზოლაციის საშუალებას იძლევა, თანაც გადაადგილების შეზღუდვის გარეშე. აღსანიშნავია, რომ საქართველოში, ევროპისა და აშშ-საგან განსხვავებით, მსგავსი მინი-ვენებით მოგზაურობის რეგულაციები ჯერჯერობით არ არსებობს და ადამიანებს შეუძლიათ ნებისმიერ ადგილას გაჩერდნენ ღამის გასათევად. ჯერჯერობით Traveling Den-ის მომსახურებით, ძირითადად, უცხოელები სარგებლობენ.


“თრეველინგ-დენის” თიბისისთან ურთიერთობა ავტომობილის თანამედროვე სტანდარტებით აღჭურვის ეტაპზე დაიწყო და თიბისის მხარდაჭერა კომპანიას სამომავლო გეგმებშიც დასჭირდება.


“სამომავლოდ დიდი სურვილი გვაქვს კემპსაიტების მოწყობის და შესაბამისი ინფრასტრუქტურის გამართვის რეგიონებში, რაც გულისხმობს როგორც უფროსებისთვის ისე ბავშვებისთვის განტვირთვისთვის აუცილებელი სივრცეების შექმნას. პირველ ეტაპზე კი, გვინდა გავმართოთ კიდევ ერთი მანქანა, რაზე მუშაობაც უკვე დაწყებული გვაქვს. ხსნებული იდეების განხორციელება კი რა თქმა უნდა რთული იქნება საიმედო პარტნიორების გარეშე. ეს ყველაფერი, ცხადია, თიბისისთან, უკვე გამოცდილ და საიმედო პარტნიორთან ერთად წარმოგვიდგენია”, - ამბობს კომპანიის დამფუძნებელი.


NS


თეგები:
თიბისი



საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-30 21:00:51
დღის TOP 10 მნიშვნელოვანი ამბავი:   1. ორნიშნა ეკონომიკური ზრდა ივნისშიც გაგრძელდა ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.   2. ქართული არქიტექტურული პროექტი...

საქართველოში დიპლომიანი მოქალაქეების 32 - 38 % უმუშევარია

საქართველოში დიპლომიანი მოქალაქეების 32 - 38 % უმუშევარია
access_time2021-07-31 11:00:30
დღემდე საქართველოს ეკონომიკისთვის უმუშევრობა მნიშვნელოვან პრობლემად რჩება, ხოლო საზოგადოებისთვის მთავარ გამოწვევად. წლების მანძილზე, სხვადასხვა საზოგადოებრივი აზრის გამოკითხვა აჩვენებს, რომ ეროვნულ დონეზე მთავარ პრიორიტეტად სამუშაო ადგილები სახელდება. 2020 წელს,  NDI-ის მიერ ჩატარებული გამოკითხვის თანახმად, გამოკითხულთა 46%-ისთვის მთავარი პრობლემას, კვლავ უმუშევრობა წარმოადგენდა.   2017-2020 წლებში საქართველოში უმუშევრობის ტენდენციებსა და COVID-19-ისგან გამოწვეული...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...


მსგავსი სიახლეები

up