ტრანსპორტის ამუშავების გეგმა რამდენიმე დღეში ცნობილი იქნება

ტრანსპორტის ამუშავების გეგმა რამდენიმე დღეში ცნობილი იქნება

access_time2020-05-12 10:40:11

11 მაისიდან შემსუბუქებულმა შეზღუდვებმა და სამუშაო ადგილების დიდი ნაწილის ამუშავებამ, უფრო მეტად გააჩინა მოთხოვნა საზოგადოებრივ ტრანსპორტზე. ხელისუფლებას ზუსტი გეგმა აქვს, როდის გაიხსნება საქართველოს ცა და თვითმფრინავებით მგზავრების გადაყვანა როდიდან გახდება შესაძლებელი, თუმცა ჯერ კიდევ არ არის ოფიციალურად ცნობილი, როდის ამოქმედდება მეტრო და ავტობუსები. თუმცა, კახა კალაძის მოადგილის კომენტარიდან, ცნობილი გახდა, რომ ეს თემა მერიაში უკვე აქტიურად განიხილება.

,,ბიზნეს-რეზონანსი“ დაინტერესდა, კონკრეტულად რა არის გარკვეული და როდიდან უნდა ელოდონ მოქალაქეები, რომელთა შემოსავალი ისედაც შემცირებულია, ტაქსის ნაცვლად, მუნიციპალური ტრანსპორტით გადაადგილების შესაძლებლობას. მერიაში ამბობენ, რომ ეს სრულად, საკოორდინაციო საბჭოს მიერ მიღებულ გადაწყვეტილებაზეა დამოკიდებული.

,,მოგეხსენებათ, მერი არ იღებს გადაწყვეტილებას აღნიშნულ საკითხთან დაკავშირებით. ჩვენც ველოდებით. გადაწყვეტილება უნდა მიიღოს საკოორდინაციო საბჭომ, ეპიემიოლოგიური სიტუაციის ანალიზის შედეგად. სავარაუდოდ, ამ დღეებში გაიმართება საბჭოს სხდომა და ჩვენ გვექნება მეტი ინფორმაცია, რომლის მიხედვითაც მიიღებული იქნება გადაწყვეტილება და მოსახლეობას მივაწვდით მეტ ინფორმაციას. ამ ეტაპზე ჩვენც ველოდებით“, - უთრეს ,,ბიზნეს-რეზონანსს“ დედაქალაქის მერიაში.

ტრანსპორტის საჭიროება რომ უკვე მწვავედ დგას იმ დასაქმეულებისათვის, რომელთა სამსახურიც 11 მაისიდან ამუშავდა, უკვე ყველა ხედავს. ტრანსპორტის სფეროს სპეციალისტები, დიდი ხანია გასცემენ კონკრეტულ რეკომენდაციებსაც, რომლის დაცვის შემთხვევაში მგზავრობის აღდგენა საფრთხეც არ წარმოშობს

საქართველოს ტრანსპორტისა და გზების ასოციაციის დამფუძნებელი, დავით მესხიშვილი მუნიციპალური ტრანსპორტის სასწრაფოდ აღდგენას მოითხოვს. მისი ინფორმაციით, სრული აკრძალვა არსად მომხდარა გარდა საქართველოსი.

„საზოგადოებრივი ტრანსპორტის მუშაობა დაუყოვნებლივ უნდა აღდგეს და ის არც უნდა შეეჩერებინათ. როდესაც ქვეყანაში იზრდება დაავადების მაჩვენებელი, სახელმწიფომ უნდა უზრუნველყოს მოქალაქეთა მიმართვიანობა საავადმყოფოებში, განსაკუთრებით ეპიდემიების დროს; ანუ საზოგადოებრივი ტრანსპორტი კი არ უნდა აკრძალოს, არამედ, პირიქით, უნდა გაზარდოს მათი რაოდენობა. ტრანსპორტის აკრძალვით საავადმყოფოების გზა პრაქტიკულად გადაუკეტეს სოციალურად დაუცველებს და სიღარიბის ზღვარს მყოფ ოჯახებს. მათ არ ჰყავთ კერძო ავტომობილები და არც ტაქსის ფული აქვთ.

საკორდინაციო საბჭომ გადაწყვიტა, რომ გაიხსნება სავაჭრო თუ საწარმო ობიექტები. ამ შემთხვევაშიც კი ეკონომიკა ვერ გაცოცხლდება ტრანსპორტის გარეშე. როგორ მივა პერსონალი სამუშაოდ? როგორ მივა მომხმარებელი სავაჭრო ობიექტზე? კერძო ავტომობილებით? ტაქსით? ეს არ არის რეალური! 300-1000 ლარის ხელფასის მქონე პერსონალი ტაქსით სამსახურში ვერ გამოცხადდება, მათი გადაადგილების საშუალება არის საზტრანსპორტი. ერთი მხრივ ჩვენ მივიღეთ უფლება, რომ გაიხსნას სავაჭრო ობიექტები, ხოლო მეორე მხრივ არავინ იცის პერსონალი და მომხმარებელი როგორ აღმოჩნდებიან ადგილზე. ტრანსპორტის აკრძალვით უკვე მივიღეთ გაუარესებული სოციალური მდგომარეობა, ათიათასობით უმუშევარი ადამიანი, შემოსავლის გარეშე დარჩენილი ოჯახები.



საერთაშორისო გამოცდილება გვეუბნება რომ საზოგადოებრივი ტრანსპორტის აკრძალვა დაუშვებელია, ვინაიდან აუარესებს ადამიანების ჯანმრთელობის მდგომარეობას, იწვევს სიღატაკეს, შიმშილს და მოაქვს გამოუსწორებელი ეკონომიკური ზიანი ქვეყნებისთვის. ტრანსპორტი, პრაქტიკულად, არსად აკრძალულა საქართველოს გარდა!“ - აღნიშნა მესხიშვილმა.


რაც უფრო მეტი ადამიანი გამოვა სამსახურებში, საზოგადოებრივი ტრანსპორტის საჭიროება მეტად დადგება და გახსნის პროცესს დააჩქარებს, - ასეთი მინიშნება კი უკვე თბილისის მერის მოადგილემ, მაია ბითაძემ გააკეთა.


„კორონავირუსის გავრცელების პრევენციისთვის შექმნილი უწყებათაშორისი საბჭოს გადაწყვეტილებას ველოდებით. როგორც კი იქნება ეს გადაწყვეტილება, იქნება რეკომენდაციებიც. მხოლოდ ამ პრევენციული ზომების ჩართვით მოხდება ყველა გადაწყვეტილების მიღება. ჩვენც არ გვაქვს ჯერ საბოლოო ინფორმაცია, როდის გადაწყდება საზოგადოებრივი ტრანსპორტის, როგორც მეტროს, ასევე ავტობუსების და საბაგიროების ამოქმედება“, - განაცხადა ბითაძემ.


კითხვაზე შესაძლოა, საგანგებო სიტუაციის დასრულების შემდეგაც გადაიწიოს საზოგადოებრივი ტრანსპორტის ამოქმედების ვადამ? ბითაძემ უპასუხა: „არ ვიცი, ამას უნდა დაველოდოთ“.


გაჩერებული ტრანსპორტი, საზოგადოების დიდ დისკომფორტს არ უქმნიდა, სანამ სამსახურების აღდგენა დაიწყებოდა, თუმცა ორშაბათიდან რეალობა რომ შეიცვალა, ამაზე სპეციალისტები ერთხმად საუბრობენ.


რეზონანსი


თეგები:
ტრანსპორტი



14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა
access_time2021-05-14 16:00:30
ეროვნულმა ბანკმა კომერციული ბანკი, მიკროსაფინანსო ორგანიზაცია, საგადახდო მომსახურების პროვაიდერი და ვალუტის გადამცვლელი პუნქტი (რაოდენობა უცნობია) ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევისათვის დააჯარიმა. ფულის გათეთრებისა...

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“
access_time2021-05-14 17:00:56
,,კარგი მოვლის შემთხვევაში, 1 ჰექტრიდან 8-9 ათასი დოლარის შემოსავლის მიღება არის შესაძლებელი“ - ამის შესახებ ,,ბიზნესპრესნიუსთან“ საუბრისას ,,ქართული ზეთისხილის დამფუძნებელმა და მსოფლიო ზეთისხილის საბჭოს პრეზიდენტმა განაცხადა.   გიორგი სვანიძის თქმით, წელს გასულ წელთან შედარებით 2-ჯერ გაზრდილ მოსავალს ელოდებიან, ქართული ზეთისხილი კი რუსეთსა და ნიდერლანდებშიც გაიყიდება.   ,,წელს, საკმაოდ კარგი მოლოდინი გვაქვს მოსავლის კუთხით. დაახლოებით 2-ჯერ მეტს...

Forbes: მიშვებული კონფლიქტი ისრაელს და პალესტინას შორის

Forbes: მიშვებული კონფლიქტი ისრაელს და პალესტინას შორის
access_time2021-05-14 18:00:05
ერთხელ ისრაელის პრემიერ-მინისტრის არიელ შარონის ერთ-ერთმა მრჩეველმა ცხელ გულზე განაცხადა - „იერუსალიმში ვაშინგტონის ნებართვის გარეშე ტუალეტსაც კი ვერ ჩადგამ“.   გარკვეულწილად ეს ასეც არის, თუმცა, გასაგებია რატომაც - იერუსალიმის საკითხი ისრაელის შიდა საქმეების კატეგორიას კარგა ხანია გასცდა და ის მთელს მსოფლიო პოლიტიკაზე მოქმედებს.   რეალურ ცხოვრებაში, ამ ქალაქის ერთიანი სტატუსის მიუხედავად, რამდენიმე, განცალკევებული და თითქმის ავტონომიური...

"ჯერჯერობით კონსესუსს ვერ მივაღწიეთ" - ლუდის ინდუსტრია ხელისუფლებისგან შეღავათებს ითხოვს

access_time2021-05-14 15:00:48
ლუდის სექტორსა და სახელმწიფოს შორის რიგ საკითხებზე შეთანხმების მიღწევა ამ დრომდე ვერ ხერხდება. კორონავირუსის პანდემიის პირობებში ინდუსტრია მთავრობისგან დახმარებას ითხოვდა, თუმცა უშედეგოდ. სექტორის მხრიდან წაყენებულ მოთხოვნებს შორის აქციზის გადახედვა და დღგ-ს გადავადება პრიორიტეტულ საკითხებად სახელდებოდა.   როგორც კომპანია „ზედაზენის“ დირექტორი, კახაბერ კოტრიკაძე აცხადებს, სექტორს მძიმე ტვირთად დააწვა ახლად ამოქმედებული რეგულაციებიც.   „სახელმწიფოს...


მსგავსი სიახლეები

up