„წინა ხელისუფლების დროსაც ვმუშაობდი ეკონომიკის მინისტრის მოადგილედ და დავინახე წყალგამყოფი, როდის დაანებეთ თავი რეფორმების გატარებას და გადახვედით ბიზნესის ტერორზე, - ამის შესახებ ეკონომიკისა და მდგრადი განვითარების მინისტრმა პარლამენტში გამოსვლისას განაცხადა. ნათია თურნავამ პლენარულ სხდომაზე ოპოზიციის საპასუხოდ იმ არაეფექტურ პროგრამებზე ისაუბრა, რომელიც ერთიანმა ნაციონალურმა მოძრაობამ წინა მმართველობის დროს გაატარა.
„წინა ხელისუფლების დროს ვმუშაობდი ეკონომიკის მინისიტრის მოადგილედ და მაშინაც ვემსახურებოდი ჩემს საქმეს 2006 წლის ნოემბრამდე. მე ეს ძალიან მეხმარება თქვენ შეფასებაში. დავინახე ის წყალგამყოფი, როდის დაანებეთ თავი რეფორმების გატარებას და გადახვედით ბიზნესის ტერორზე.
არაეფექტურ პროგრამებზე როდესაც საუბრობთ, არაეფექტური პროგრამის თავლსაჩინო მაგალითი არის ის, რომ სახელმწიფო რკინიგზას აკიდეთ 500 მლნ დოლარის ვალი, სესხი ორი ურთიერთ გამომრიცხავი პროექტის შესასრულებლად. ერთის მხრივ მოდერნიზაცია, რომელსაც დღეს ჩვენ ვამთავრებთ და ეს არის რკინიგზის გამტარუნარიანობის გაფართოვება და მეორეს მხრივ თბილისის შემოვლითი რკინიგზა რომელიც ამცირებდა ამ გამტარუნარიანობას. ამას ერთდროულად აფინანსებდით . ასევე არაეფექტური პროგრამის მაგალითი არის პომპეზური შენობები რომელიც დღეს საპრივატიზებოდ გვაქვს და რთულად თუ მოიძებნება ფუნქციონალი რითი დავტვირთოთ და თავის დროზე საკმაოდ ძირი დაჯდა საბიუჯეტო ხარჯებიდან“, - განაცხადა თურნავამ.
კომერსანტი