Apple-ის ხელმძღვანელი ტიმ კუკი კონფერენციაზე „კომპიუტერები, კონფიდენციალურობა და მონაცემთა დაცვა“ სიტყვით გამოვიდა, სადაც რამდენიმე მნიშვნელოვანი ფრაზა გააჟღერა, რაც უსაფრთხოებას მონაცემთა დაცვასა და ტექნოლოგიების რეგულირებას შეეხება
მონაცემთა დაცვის შესახებ
„რაც შეეხება კონფიდენციალურობას, ვფიქრობ, რომ ეს 21-ე საუკუნის უდიდესი პრობლემაა. ის კლიმატის ცვლილების პრობლემის დონესთან ახლოსაა თავისი მნიშვნელობით“
„ეთიკური ხელოვნური ინტელექტი ისეთივე მნიშვნელოვანია, როგორც პერსონალური მონაცემების მოგროვება. არ შეიძლება ერთ რომელიმეზე კონცენტრირება - ისინი მჭიდრო კავშირში არიან და დღეს უდიდეს როლს თამაშობენ ყოველდღიურობაში
„დეზინფორმაციისა და კონსპირაცილი თეორიების პერიოდში, ჩვენ ვერ ამოვეფარებით თეორიას იმის შესახებ, რომ ნებისმიერი ურთიერთქმედება ტექნოლოგიების სფეროში - სასიკეთოა, რომ რაც შეიძლება მეტი ინფორმაცია უნდა მოგროვდეს. არ უნდა დავუშვათ, რომ სოციალური დილემა სოციალურ კატასტროფად იქცეს,“
ტექნოლოგიები არ საჭიროებენ უზარმაზარი მოცულობის პირად მონაცემებს, ათობით ვებგვერდისა და აპლიკაციის გაერთიანებას. რეკლამა არსებობდა და ვითარდებოდა ათწლეულების მანძილზე, ამის გარეშეც,
„როგორც ჩანს არანაირი ინფორმაცია არ არის ზედმეტად პრივატული, რომ მისი მოპოვება არ იყოს შესაძლებელი, ასევე მონეტიზირება. შედეგი ისაა, რომ თქვენ უკვე აღარ ხართ მომხმარებელი - თქვენ პროდუქტი ხართ“
ტექნოლოგიების რეგულირების შესახებ
„ვფიქრობ, რომ პირად მონაცემთა დაცვის საერთო რეგლამენტი შესანიშნავი ფუნდამენტია. ის უნდა იყოს მიღებული მთელს მსოფლიოში და მასზე დაყრდნობით უნდა გადავიდეთ შემდეგ ეტაპზე“
„ჩვენ გვჭირდება, რომ მსოფლიოს ყველა ქვეყნის ხელისუფლებები შემოგვიერთდნენ და დავნერგოთ ერთიანი მსოფლიო სტანდარტი მონაცემთა დაცვის შესახებ“
ტექნოლოგიები რეგულირებას საჭიროებს. ამჟამად არსებობს ზედმეტად ბევრი მაგალითი, როდესაც შეზღუდვის არარსებობამ საზოგადოებას დიდი ზიანი მიაყენა“
საზოგადოების პოლარიზაციისა და კაპიტოლიუმის შტურმის შესახებ
„ტექნოლოგიების გამოყენება პროგრესისთვის შეიძლება, ძალისხმევის ოპტიმიზაციისთვუს, ზოგჯერ კი ადამიანების აზროვნებით მანიპულირებისთვისაც. კაპიტოლიუმის შტურმის შემთხვევაში, ტექნოლოგიები უდავოდ არაჯანსაღი მიზნებისთვის გამოიყენეს. ჩვენ ყველაფერი უნდა გავაკეთოთ იმისთვის, რომ ეს არ განმეორდეს. სხვა შემთხვევაში როგორ ვაპირებთ გავხდეთ უკეთესები?“
„დიდი ხანია უნდა შევწყვიტოთ თავის მოტყუება რომ ჩვენ მიდგომა ტექნოლოგიების გამოყენებასთან დაკავშირებით ზიანს არ მოიტანს - საზოაგდოების პოლარიზაცია, ნდობის დაკარგვა და დიახ - ძალადობა“
„როგორი იქნება იმის შედეგი, რომ ათასობით მომხმარებელი ექსტრემისტულ ჯგუფებს უერთდბეა და შემდეგ ალგორითმი უფრო მეტ ასეთ ჯგუფებს სთავაზობს მათ რეკომენდაციის სახით?“
მომავლის შესახებ
„იქნება თუ არა ჩვენი მომავალი ინოვაციებით გადატვირთული, რომელიც ჩვენს ცხოვრებას უკეთესს გახდის, სრულფასოვანს და უფრო ადამიანურს? თუ ის იქნება უფრო და უფრო აგრესიული გამიზნული რეკლამის მომავალი“
„თუ ჩვეულებრივ და გარდაუვალ მოვლენად მივიღებთ იმას, რომ ჩვენი ცხოვრების ყველა დეტალი შეიძლება ქსელში აღმოჩნდეს, მაშინ დავკარგავთ უფრო მეტს ვიდრე პირადი მონაცემებია. დავკარგავთ თავისუფლებას, ვიყოთ ადამიანები“
„ჩვენი პრობლემები - ტექნოლოგიებში, პოლიტიკაში, სადაც გინდათ - ეს ადამიანური პრობლემებია. ედემის ბაღიდან დაწყებული დღევანდელ დღემდე სწორედ კაცობრიობამ ჩაგვითრია ამ ქაოსში და სწორეთ მან უნდა გაგვათავისუფლოს“
„ნუ ეცდებით მიბაძოთ ადამიანებს, ვინც თქვენამდე იყვნენ, მიიღოთ ის ფორმა რაც არ შეგეფერებათ. ეს ზედმეტად დიდ გონებრივ შესაძლებლობებს მოითხოვს, რომელიც უმჯობესია შექმნისკენ მიმართოთ. იყავით განსხვავებული. დატოვეთ რამე ღირებული. და მუდამ გახსოვდეთ, რომ დანატოვარის თან წაღება არ შეიძლება. მოგიწევთ ის შთამომავლობას გადასცეთ.“
Trends.rbk.ru
მარიამ მორგოშია