ტაქსების რეფორმის მესამე ტალღა სავარაუდოდ ავტომობილის ასაკის განსაზღვრას გულისხმობს

ტაქსების რეფორმის მესამე ტალღა სავარაუდოდ ავტომობილის ასაკის განსაზღვრას გულისხმობს

access_time2019-10-16 11:00:45

დედაქალაქის მერის, კახა კალაძის განცხადებით, უახლოეს მომავალში ტაქსების რეფორმის მესამე ეტაპი ამოქმედდება. როგორც თბილისის მერმა აღნიშნა, რეფორმის მესამე ეტაპი მორგებული იქნება უკეთეს ხარისხზე და ტაქსების ბაზარზე სტაბილურ და ეკონომიკურ პირობებზე. მერი ჯერჯერობით დამატებით დეტალებზე არ საუბრობს,რასაც ვერ ვიტყვით  არასამთავრობო სექტორზე. 


 საქართველოს ტრანსპორტისა და გზების ასოციაციის“ თავმჯდომარე დავით მესხიშვილი ვარაუდობს, რომ რეფორმის მესამე ტალღა ავტომობილის ასაკის განსაზღვრას გულისხმობს,რაც დამატებითი წნეხი იქნება თვითდასაქმებულებისთვის და ტაქსით მომსახურებას კიდევ უფრო გააძვირებს.

 

მისივე თქმით,ტაქსების ბიზნესი გამსხვილდება და რამდენიმე მსხვილი კომპანიის ხელში ჩავარდება, რის შემდეგაც თვითდასაქმებულები ან ამ კომპანიებს შეუერთდებიან ან ბაზრიდან საერთოდ გავლენ, რადგან რეგულაციების დაძლევა გაუჭირდებათ.

 

„ჩვენ ტაქსების მოწესრიგებას არ ვაპროტესტებთ, ჩვენი კრიტიკა მიმართულია იმისკენ, რომ  რეფორმები არ ცხადდება, რათა თვითდასაქმებულმა თავად გადაწყვიტოს  გავიდეს ბაზრიდან და სხვა საქმეს მოჰკიდოს ხელი თუ დარჩეს და გააგრძელოს ეს საქმე. თბილისის მერი რის მიხედვით აფასებს წარმატებას ვერ ვხვდები, ჩემთვის გაუგებარია რამ გამოიწვია რეფორმის წარმატება? ამ შემთხვეაში წარმატება  გაზომავდი არ არის, რადგან არ ვიცით რა იყო ზოგადად რეფორმის მიზანი. ჩემი აზრით, დროთა განმავლობაში თბილისის მერია მანქანების ასაკს შეზღუდავს და შედარებით ახალ ავტომობილებს მისცემენ საშუალებას ტაქსის სერვისი განახორციელონ. ტრანსპორტის საქალაქო სამსახურის უფროსმა ერთხელ თქვა,  რომ ამ რეფორმის გატარებას ფიქრობენ. საბოლოოდ ეს ისეთი სიმძიმის რეგულაციებია, რომელსაც თვითდასაქმებულთა უმეტესობა ვერ დააკმაყოფილებს, რაც გამოიწვევს იმას, რომ ბაზარზე შემოვა ერთ ან ორი კომპანია რომელიც ტაქსებით მომსახურების ბაზარს დაარეგულირებს“, - განაცხადა დავით მესხიშვილმა.

დავით მესხიშვილი, ამბობს, რომ არ ჩანს რა არის ამ რეფორმების საბოლოო მიზანი, მისი თქმით საკითხთან დაკავშირებით კითხვა უფრო მეტია ვიდრე პასუხი. როგორც „საქართველოს ტრანსპორტისა და გზების ასოციაციის“ თავმჯდომარე ამბობს აუცილებელია ტაქსების რეგულაციის გადახედვა, რადგან ტაქსით მომსახურება გაძვირებულია, რის გამოც დატვირთულია საზოგადოებრივი ტრანსპორტი, რომელიც მგზავრთნაკადის გაზრდისთვის მზად არ არის.


„სინამდვილეში ეს არ არის რეფორმა, ეს არის რეგულაციები. რეფორმები უნდა ეყრდნობოდეს კვლევებს, ისე შემოიღეს სალიცენზიო პირობები, რომ კვლევაც არ არის ჩატარებული. ნორმალურ ქვეყნებში ტაქსები კონკურენციაში არიან საზოგადოებრივ ტრანსპორტთან, მიუხედავად იმისა, რომ ფასები რადიკალურად განსხვავდება. როდესაც საზოგადოებრივი ტრანსპორტი არის კარგად განვითარებული, მძღოლები ცდილობენ ტაქსის მომსახურების დონის გაუმჯობესებას, რათა მომხმარებელს ჰქონდეს მეტი კომფორტი. რეალურად ჩვენთან კონკურენტული გარემო არ არის, რადგან ყველამ კარგად ვიცით რა მდგომარეობაა საზოგადოებრივი ტრანსპორტში. ჩვენ საჯაროდ ვაფრთხილებდით მერიას რომ რეგულაციები არ შემოეღო მანამ სანამ არ იქნებოდა საზოგადოებრივ ტრანსპორტში საკმარისი რაოდენობის ადგილები, რადგან ერთ დროს იაფიანი ტაქსი გახდა ძვირი და მგზავრთნაკადი საზოგადოებრივ ტრანსპორტს დაემატა “,- განაცხადა დავით მესხიშვილმა.

 

კახა კალაძის განცხადებით, ტაქსების რეფორმის შემდეგ ეტაპზე თბილისის მერია გააკონტროლებს, რომ დაცული იყოს სალონის სისუფთავე  და ავტომობილი იყოს გამართული. საკითხთან დაკავშირებით რადიკალურად განსხვავებული პოზიცია აქვს არასამთვრობო სექტორს. დავით მესხიშვილის თქმით, ავტომობილების ტექნიკური ინსპექტირება ყველა სატრანსპორტო საშუალებას ეხება, სწორედ ამიტომ მისთვის გაუგებარია რას ემსახურება ტაქსების ლიცენზირება.

 

„მოსახლეობა შეცდომაშია შეყვანილი იმ კუთხით, რომ ლიცენზიის აღების შემდეგ ტაქსი გახდება ტექნიკურად გამართული. ტექნიკურ გამართულობას უზრუნველყოფს ტექ. ინსპექტირება რომელიც ეხება ყველას, იქნება ეს ტაქსი, მიკროავტობუსი თუ კერძო ავტომობილი. ამ ფონზე ჩნდება კითხვა რას ემსახურება ლიცენზია? თბილისის მერიას რომ ეჩვენებინა ყველა ეტაპი, საერთო სურათი მაინც გვექნებოდა რეფორმებთან დაკავშირებით, ეს უპასუხისმგებლობაა. მეორე უპასუხისმგებლობა არის ის სამსახურები, რომლებიც მერიაში ტაქსებთან დაკავშირებით რეფორმებს ახორციელებენ. მათ არანაირი გამოცდილება არ გააჩნიათ. ჩვენ გვეუბნებიან, რომ საერთაშორისო გამოცდილებას მიჰყვებიან, მაგრამ საერთაშორისო გამოცდილება ცნობს კვლევების ჩატარებას, რომელიც არ არის ჩატარებული. არ შეიძლებოდა ამ რეგულაციების ამოქმედება, რადგან დედაქალაქში საზოგადოებრივი ტრანსპორტი არის მოუწესრიგებელი“- განმარტავს დავით მესხიშვილი.

 

 

როგორც თბილისის მერმა განაცხადა რეფორმა დიდ როლს შეასრულებს თბილისელების კეთილდღეობაში. თუმცა, ბოლოს განვითარებულმა მოვლენებმა აჩვენა, რომ თვითდასაქმებულმა ტაქსის მძღოლებმა და თბილისის მოსახლეობამ ამოქმედებული რეგულაციებით კეთილდღეობა ვერა მაგრამ,ტაქსის გაძვირებული  ტარიფი ნამდვილად მიიღეს.


ბაჩო ადამია 




მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე
access_time2020-05-25 20:00:15
სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში რომ გაეხვა, ამის შესახებ ინფორმაცია სომხეთის ყოფილმა ელჩმა ვატიკანში მიკაელ მინასიანმა გაავრცელა. „კომერსანტმა“ მოიპოვა მასალა, სადაც მინასიანი თავის ვიდეომიმართვაში განმარტავს, რომ სქემის მიხედვით, სომხეთის პრემიერ-მინისტრის ნიკოლ ფაშინიანის ოჯახი სიგარეტის ექსპორტს ახორციელებს და ეს...

მთავრობამ Air Baltic-ს საქართველოს მიმართულებით ფრენების განახლების ნებართვა მისცა

მთავრობამ Air Baltic-ს საქართველოს მიმართულებით ფრენების განახლების ნებართვა მისცა
access_time2020-05-25 19:30:03
„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანების მიმოსვლის დროს უსაფრთხოება იქნება დაცული. ეს არის სწრაფი და ეფექტური გზა იქითკენ, რომ ჩვენ, ზაფხულის სეზონზე, შევძლოთ ვუმასპინძლოთ ტურისტებს როგორც ლატვიიდან, ასევე მთლიანად ბალტიის ქვეყნებიდან უსაფრთხოების ყველა ნორმის დაცვით,” – განაცხადა ეკონომიკისა და მდგრადი განვითარების...

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა
access_time2020-05-25 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.      ეროვნული ბანკის მიერ გამოქვეყნებული 25 მაისის ვაჭრობის შედეგად, ქართული ლარის კურსი აშშ დოლართან...

უძრავი ქონების პლკატფორმა Livo იპოთეკური სესხების 4%-იან სუბსიდირებას ვარაუდობს

უძრავი ქონების პლკატფორმა Livo იპოთეკური სესხების  4%-იან სუბსიდირებას ვარაუდობს
access_time2020-05-25 18:00:49
უძრავი ქონების პლკატფორმა Livo ვარაუდობს, რომ მთავრობა იპოთეკურ სესხებს 4%-ით დაასუბსიდირებს.როგორც პლატფორმის დამფუძნებელმა გადაცემა „ბიზნესპარტნიორში“ განაცხადა, თუ სახელმწიფო ამ გადაწყვეტილებას მიიღებს, წელს თბილისში საცხოვრებელი ქონების დონე 2019 წლის მაჩვენებელს დაუბრუნდება. კითხვაზე თუ აქვს მოლოდინი რომ მთავრობა იპოთეკური სესხების 4%-ით სუბსიდირებაზე დადებით გადაწყვეტილებას მიიღებს, გიორგი ჩუმაშვილი ამბობს, რომ ეს არის ერთადერთი ჭეშმარიტი, სწორი და სამართლიანი...

დღის Top-10 საინტერესო ამბავი

დღის Top-10 საინტერესო ამბავი
access_time2020-05-25 21:30:49
დღის Top-10 საინტერესო ამბავი 1.ივლისიდან გადაუდებელ სამედიცინო დახმარებასა და კარდიოქირურგიაში სანებართვო მოთხოვნები მკაცრდება საქართველოს მთავრობის № 520-ე დადგენილების ამოქმედების შემდეგ ახალი ცვლილებების დრო დადგა. ამჯერად, საქმე ეხება №385-ე...


მსგავსი სიახლეები

up