„თქმა-ლანკანი“ ინოვაციური ჭურჭლის ბრენდი, რომელზეც ვეფხისტყაოსნის ფრაზებს ამოიკითხავთ

„თქმა-ლანკანი“ ინოვაციური ჭურჭლის ბრენდი, რომელზეც ვეფხისტყაოსნის ფრაზებს ამოიკითხავთ

access_time2020-01-16 15:40:48

ქართველების სავიზიტო ბარათი და არამატერიალური კულტურული მემკვიდრეობის ძეგლი, რომელიც ყოველდღიური გამოყენების საშუალებას იძლევა უკვე ჭურჭელზეა. „ვეფხისტყაოსნის“ ციტატებით დაპრინტული სერვირების თითოეული ელემენტი შესაძლებელია თქვენი სადღესასწაულო სუფრის მნიშვნელოვან ნაწილი გახდეს. „კომერსანტი“ დაინტერესდა თუ როგორ გაჩნდა შოთა რუსთაველის პოემის ჭურჭელზე გადმოტანის იდეა და რატომ შეაჩერა კომპანიამ არჩევანი ვეფხისტყაოსანზე და სად გაიყიდება ინოვაციური ჭურჭელი?

 

„თქმა-ლანკანი“ სწორედ ასე ჰქვია ჭურჭლის ბრენდს, რომელზეც ვეფხისტყაოსნის ფრაზებს ამოიკითხავთ. პროექტის ავტორი კომპანია „MINIMA“-აა. კომპანიის დამფუძნებელი, თამთა რაბათელი „კომერსანტთან“ საუბარში განმარტავს, რომ „თქმა-ლანკანი“ ფორმის და შინაარსის ჰარმონიაა მაგიდაზე, რომელზეც თითოეული ობიექტი კონკრეტული შინაარსის მატარებელია.  




„იდეა გაჩნდა იმ არსებული ქართული სუფრის ფორმისა და შინაარსისგან, უფრო სწორად შინაარსის დაცლილობისაგან და უფორმობისგან, რომელიც დღეს ადამიანების უმრავლესობას საოცრად მოსაწყენად ეჩვენება. ქართული სუფრა დღევანდელი ფორმით და „ტრადიციით“ არც  დიდი ხნის არის როგორც ეს ბევრს ჰგონია. გაგიკვირდებათ და სულხან-საბას სიტყვის  კონაში საერთოდ არ იძებნება სიტყვები სადღეგრძელო და თამადა. ისინი დაახლოებით იმ წლოვანებისაა, რაც რუსეთის იმპერია ჩვენთან ოფიციალურად შემოვიდა და ქართველებს რეალური საზრუნავი, საშრომი და საბრძოლი ერთგვარ ვირტუალურ სივრცეში  -  სუფრაზე დარჩათ. მკაცრი რეგლამენტი, მეთოდურობა, ერთი და იგივე თემატიკა, სადღეგრძელოების რიგითობა, თამადის მორჩილება და ტოტალიტარული განწყობა - ეს ყველაფერი ტრაგიკომიკურად  სწორედ თავისი უშინაარსობის გამო, დღეს  აღიქმება. „თქმა-ლანკანი“ იქნება ერთგვარი სიმბოლური გამოხატულება ყოველდღიურ ცხოვრებაში, იმ ქართულ-ევროპული ფასეულობების დაბრუნებისა, რომლებსაც გააჩნიათ კონკრეტული შინაარსი და რომლებიც წარმოადგენდა და წარმოადგენს ჩვენი კულტურის შეუქცევად განმავითარებელ ინდივიდუალურ ძალას და გზას თანამედროვე სამყაროში“, - განმარტავს თამთა რაბათელი.

 

როგორც იდეის ავტორი აცხადებს, პირველი ექსკლუზიური კოლექცია შოთა რუსთაველს მიეძღვნა და ამ ფორმით და შინაარსით „თქმა-ლანკანი“ აღარ განმეორდება. სწორედ ამიტომ თამთა რაბათელი ამბობს რომ ჭურჭლის მომავალ მფლობელს ძალიან გაუმართლა.

 




„პირველი აუცილებლად უნდა ყოფილიყო შოთა და ვეფხისტყაოსანი, რადგან მიკერძოებული ვარ ნამდვილად და ის ჩემთვის დიდი სიყვარულის საგანია. ჩემთვის ვეფხისტყაოსანი ქართული კულტურის „identity card“-ია,რომელიც მსოფლიო ცივილიზაციის განუყოფელი ნაწილია და მასთან ყოველი ურთიერთობა ხელახალი გააზრებაა იმ ლიბერალური ღირებულებების,რაც ნამდვილად ქართულია და რასაც საერთო არაფერი აქვს „იმ ორას წელთან“ რომელმაც ფსევდოღირებულებები, სტერეოტიპები და სხვა მრავალი უხვად შემოგვიყარა და დღემდე წარმოუდგენელი ძალისხმევა გვჭირდება მათ მოსაშორებლად. სწორედ ამიტომ, პირველი ექსკლუზიური თქმა-ლანკანი, ისევე როგორც ქართული პურობა, შოთას გარეშე არ გამოვიდოდა“ - „თქმა-ლანკანი“-ს იდეის ავტორი.

 

კომპანია „MINIMA“-ს დამფუძნებელი ამბობს, რომ კერამიკული ნაწარმი, ჭურჭელი რომელიც  იქნა გამოყენებული „Rosenthal Bianchi“ -ია. მისი თქმით, ეს არის მაღალი ხარისხის პროდუქციის მწარმოებელი ევროპული ბრენდი, რომელიც მრავალი ათწლეულის მანძილზე ღირსეული ტრადიციის მატარებელია. კოლექციაში წარმოდგენილია სერვირება 8 პერსონაზე და მასში შედის: 8 ცალი მთავარი თეფში, 8 დესერტის თეფში, 8 ჩაის ფინჯანი, 8 ყავის ფინჯანი, ორი წყვილი საშაქრე და სარძევე, დიდ ზომის ჭიქა წყლისთვის/ყავისთვის/ლუდისთვის ორი წყვილი სამარილე და საპილპილე. სერვიზის შეძენა დახლოებით 1 500 ლარი დაგიჯდებათ, პროექტის ინვესტიცია კი 15 000 ლარია.

 



„თქმა-ლანკანი“ გაიყიდება „MINIMA“-ს ოფიციალურ facebook გვერდზე, უმარტივესი პროცედურით, რომელსაც ხუმრობით „1 ზარით 1 საათში“ ვეძახით  -  უარყოფილია მოსაწყენი პროცედურები რეგისტრაციის, ნივთის კალათაში ჩაგდების და ა.შ... მომხმარებელი იღებს ტელეფონს და რეკავს, ხდება შეთანხმება, ტრანსფერი და მისამართზე მისდის შეკვეთიდან საშუალოდ ერთ საათში. ასევე, შეთანხმება მიღწეულია Buyers.ge-სთან, რომელიც ჩემი  აზრით, საუკეთესო ონლაინ პლატფორმაა, ხარისხზე ორიენტირებული კონტენტით. მინდოდა „თქმა-ლანკანი“ ფართო საზოგადოებისთვის სწორედ ამ პლათფორმიდან ყოფილიყო ხელმისაწვდომი.

 

ჩემი სურვილია „თქმა-ლანკანი“ იყოს ყველა ოჯახში, ამისათვის ყველანაირად ვეცდებით ისეთი ფასები იყოს შეთავაზებული მომხმარებლისთვის რომ მისი სურვილი შეძენის სურვილად არ დარჩეს. რაც ზუსტად ვიცი, მას შეიძენენ კონკრეტული ღირებულებების ადამიანები, განურჩევლად მათი სქესის, ეროვნების, რელიგიის, სექსუალური ორიენტაციის თუ პოლიტიკური შეხედულებების. დაპრინტული კონცეპტების შინაარსი ამას ბუნებრივად უზრუნველყოფს“- განაცხადა თამთა რაბათელმა.

 



თამთა რაბათელი „კომერსანტს“ უყვება, რომ „თქმა-ლანკანი“-ს შემდეგ  სერიებში მომხმარებელი იხილავს იმ ქართველი მოაზროვნეების კონცეპტებს, რომლებიც ლიბერალური ღირებულებების მატარებლები არიან და თავიანთი მემკვიდრეობით ქართული კულტურა მსოფლიო ცივილიზაციის ნაწილად აქციეს. როგორც თვითონ ამბობს, იგეგმება „თქმა-ლანკანი“- საოცარი სერიები და უახლოეს მომავალში ჭურჭელზე უკვე ვიხილავთ ილის, ვაჟას, გალაკტიონის, მიხეილ ჯავახიშვილის, კლდიაშვილის ნაწარმოებებს.


ბაჩო ადამია





ტერაბანკმა იურიდიული პირებისთვის მობაილბანკი შექმნა

ტერაბანკმა იურიდიული პირებისთვის მობაილბანკი შექმნა
access_time2020-02-19 09:30:19
ტერაბანკი დისტანციური მომსახურების არხების განვითარებას განაგრძობს და წლის პირველ სიახლეს იურიდიულ პირებს სთავაზობს. ამიერიდან მათ უკვე მობაილბანკით სარგებლობა და სხვადასხვა ოპერაციის აპლიკაციის დახმარებით შესრულება შეუძლიათ. მობაილბანკის დახმარებით იურიდიულ პირებს შესაძლებლობა აქვთ, საკუთარი ან სხვის მიერ შექმნილი დავალებები დაადასტურონ, საინფორმაციო გზავნილებისა თუ დასადასტურებელი დავალებების შესახებ Push შეტყობინებები მიიღონ და მარტივი ავტორიზაციით —...

რუსეთი ჩინეთის მოქალაქეებისთვის საზღვრებს კეტავს

რუსეთი ჩინეთის მოქალაქეებისთვის საზღვრებს კეტავს
access_time2020-02-19 10:50:56
რუსეთი ჩინეთის მოქალაქეებისთვის საზღვრებს კეტავს. 20 თებერვლიდან რუსეთში შესვლა ჩინეთიდან ყველა ვიზიტორისთვის აკრძალული იქნება. პრემიერ-მინისტრმა მიხეილ მიშუსტინმა ხელი მოაწერა ბრძანებულებას, რომელიც ჩინეთის მოქალაქეების რუსეთში შესვლას კრძალავს. ამის შესახებ ინფორმაცია, ჟურნალისტებს კორონავირუსის წინააღმდეგ ბრძოლის ოპერატიული შტაბში განუცხადეს. რუსეთში დაწესებული აკრძალვა...

გიორგი გახარია - ფონდების შესახებ კანონზე მუშაობა დასრულებულია და პარლამენტს გადაეგზავნება

გიორგი გახარია - ფონდების შესახებ კანონზე მუშაობა დასრულებულია და პარლამენტს გადაეგზავნება
access_time2020-02-19 10:40:28
„ფონდების შესახებ კანონი არის უაღრესად აუცილებელი კაპიტალის ბაზრის შემდგომი განვითარებისთვის“, - ამის შესახებ საქართველოს პრემიერ-მინისტრმა გიორგი გახარიამ დღეს, მთავრობის სხდომაზე განაცხადა. პრემიერის თქმით, ფონდების შესახებ კანონზე მუშაობა დასრულებულია და პარლამენტს გადაეგზავნება. „ფონდების შესახებ კანონი, რომელზეც მუშაობა მიმდინარეობდა დაახლოებით ოთხი წელი, დასრულდა წარმატებულად. ყველაზე მნიშვნელოვანი...

ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი

ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი
access_time2020-02-18 19:32:12
ყველაზე მეტი ქართული ღვინო კვლავ რუსეთში გაიყიდა. „კომერსანტმა“ საქართველოს სტატისტიკის ეროვნული  სამსახურიდან გამოითხოვა ინფორმაცია თუ რომელი ქვეყანა ყიდულობს ქართულ ღვინოს ყველაზე დიდი რაოდენობით. მათ მიერ მოწოდებული ინფორმაციით ირკვევა, რომ 2018 წელთან შედარებით 2019 წელს რუსეთში 4 366,2 ათასი ლიტრით მეტი ღვინის ექსპორტირება მოხდა. ჯამში 2019 წელს რუსეთში 133 251,5 აშშ დოლარის ღვინო...

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა
access_time2020-02-18 15:30:46
17 თებერვალს, „m2 დეველოპმენტმა“ ალ. ყაზბეგის #15-ში, გაყიდვების ახალი ოფისი გახსნა. ოფისის გახსნას უკავშირდება უპრეცედენტო ფასდაკლების აქციაც, რომელიც თითო ბინაზე 30 000 ლარამდე ფასდაკლებას ითვალისწინებს, ფასდაკლება გავრცელდება როგორც სტუდიოს ტიპის, ისე ორსაძინებლიან 30 ბინაზე. ოფისი თანამედროვედ მოწყობილი საქმიანი სივრცეა. აქ ბინის შეძენის, მსურველები, მიმდინარე თუ დასრულებული კომპლექსების შესახებ ამომწურავ ინფორმაციას მიიღებენ, გაეცნობიან ამა თუ იმ პროექტის ძირითად...


მსგავსი სიახლეები

up