„ტორტინის“ მენეჯმენტის აზრით, სახელმწიფოსგან ბიზნესს უფრო მეტი ხელშეწყობა უნდა ჰქონდეს

„ტორტინის“ მენეჯმენტის აზრით, სახელმწიფოსგან ბიზნესს უფრო მეტი ხელშეწყობა უნდა ჰქონდეს

person access_time2016-10-13 18:30:23

თბილისში, ვაჟა-ფშაველას გამზირზე #7 - ში, 64მ²-ზე უცნაური კონცეფციის ახალი საკონდიტრო მაღაზია რამდენიმე თვის წინ გაიხსნა. Tortini ტროტუარზეა აშენებული. „ტორტინის" ქსელების მფლობელები ირაკლი საყვარელიძე, სოსო ბოღლოციშვილი, ალეკო კოზმანაშვილი და დავით მდივანი არიან. „ტორტინი"-ს მომსახურებისა და მისი სერვისების შესახებ „კომერსანტთან" ვაჟა-ფშაველას ფილიალის მენეჯერმა ნინო ჯღარკავამ ისაუბრა.



როგორია „ტორტინის" შექმნის ისტორია და რატომ აქვს შენობას ასეთი უცნაური ფორმა?

 

 

რადგან ფართის სიმცირიდან გამომდინარე შეზღუდულები ვიყავით, ვეცადეთ, რომ მილიმეტრებშიც კი ჩავტეულიყავით და გვსურდა მერიასთან დადებული ხელშეკრულების ფარგლებში გვემოქმედა. ეს ფილიალი წელს, 23 აპრილს გაიხსნა, მაგრამ რეალურად ის ორი წლის განმავლობაში შენდებოდა. რაც შეეხება „ტორტინის" შენობის ფორმას, ჩვენ ტერიტორიის სწორ და მაქსიმალურ ათვისებაზე ვიყავით ორიენტირებულები. როგორც ხედავთ საკონდიტრო ტროტუარზეა აშენებული, სწორედ ამიტომ აქვს მას უსწორმასწორო ფორმა.
აქ ბევრი სხვადასხვა სახის ობიექტია და გამვლელებს ხელი „ტორტინის" შენობამ არ უნდა შეუშალოს, ამიტომ ვცდილობთ ჩვენი წილი ფართი მაქსიმალურად უპრობლემოდ გამოვიყენოთ. ეს ტერიტორია იმიტომ ავარჩიეთ რომ უბანი ცენტრალურია.

 

 

როგორც იცით, ბოლო პერიოდში თბილისში საკონდიტროების რაოდენობამ იმატა, რითია გამორჩეული „ტორტინი" სხვა საკონდიტროებისგან?

 

 

გამორჩეულები ვართ იმით, რომ ჩვენთან აბსოლუტურად ყველაფერი ნატურალურ პროდუქტზე მზადდება, ამას უკვე მომხმარებელიც ატყობს. რაც მთავარია ეს პროდუქცია უსაფრთხოა ბავშვებისთვის. ნებისმიერ ინგრედიენტს დიდი ყურადღებითა და მონდომებით ვარჩევთ. ჩვენ პროდუქციაში კონსერვანტებს არ ვიყენებთ, ამ ყველაფერს მომხმარებელი ძალიან კარგად ხვდება და მათი რაოდენობა გახსნის დღიდან მატულობს. ვადებს ყველა პროდუქტზე მაქსიმალურად ვაკონტროლებთ. საკვებში როგორც ცივი, ასევე ცხელი ხაზი გვაქვს.

 

 

რამდენად ხელმისაწვდომია „ტორტინის" ფასები, ნებისმიერი შემოსავლის მქონე ადამიანს შეუძლია თქვენი პროდუქციის შეძენა?

 

 

ჩვენი ძირითადი ბერკეტი ნატურალური პროდუქცია და ყველა სეგმენტზე გათვლილი ფასებია. ჩვენთან როგორც შეძლებულებს, ისე დაბალი ფენის წარმომადგენელსაც თავისუფლად შეუძლია შემოსვლა და პროდუქტის შეძენა. გვსურს, რომ აქ შემოსული მომხმარებლები მინიმალურ ფასში ჩავტიოთ. უკვე ჩვენი მომხმარებელი გვყავს და მათ ჩვენგან ბევრი პროდუქცია მიაქვთ.

 


ტორტის ადგილზე მიტანის სერვისი გვაქვს და ის ქალაქში 5-ი ან 10-ი ლარი ღირს, ხოლო თბილისთან ახლოს, მიმდებარე ტერიტორიებზე სერვისის ღირებულება15-დან 20-ლარამდეა. ჩვენი მთავარი პრინციპი არის ის, რომ მომხმარებელი ხარისხით, მომსახურებითა და ფასებით კმაყოფილი იყოს.

 

რომელი ტკბილეულია თქვენთან ყველაზე იაფი და რომელი ყველაზე ძვირი?

 


ფასები მინიმალურია და ის ყველა სეგმენტზეა გათვლილი. მაგალითად ნამცხვრები 40 თეთრიდან იწყება და ყველაზე ძვირი 1,90-იანია. ჯერ საკონდიტრო 6 თვისაა და გარკვეული მაჩვენებელი უკვე გვაქვს. რაც შეეხება ტორტებს ის 5 ლარიდან იწყება და მისი ღირებულება მაქსიმუმ 25 ლარამდე ადის. მომხმარებელს როგორი მოთხოვნაც აქვს, ზუსტად ისეთ პროდუქციას ვუმზადებთ.

 

 

აპირებთ თუ არა გაფართოებას და სხვა ქალაქებშიც „ტორტინის" ქსელის შექმნას?

 


ჩვენი საკონდიტრო ქსელის გაფართოება იგეგმება და ვაპირებთ, რომ უახლოეს მომავალში თბილისში ერეთი ან ორი მაღაზია დავამატოთ, რაც შეეხება ქალაქგარეთ გასვლას, ეს ძალიან შორეული გეგმაა. გარდა ვაჟა-ფშაველას გამზირისა „ტორტინის" ორი ქსელი გლდანში, ხიზანიშვილის ქ. 14/47 უკვე ორი წელია, რაც არსებობს. ძალიან შორეული გეგმაა, თუმცა თბილისის შემოგარენში ქსელის გაფართოება სამომავლოდ იგეგმება.

 

 

 

ქვეყანაში ეკონომიკური მდგომარეობა არც ისე სახარბიელოა. ეს პროცესები, თუნდაც ლარის გაუფასურება თქვენ ბიზნესზე რა გავლენას ახდენს?

 


როგორი ეკონომიკური პროცესებიც არ უნდა მიმდინარეობდეს ქვეყანაში, ჩვენ პროდუქციას ფასი არ ემატება. მომხმარებელს ეს პრობლემები არ აინტერესებს და იგი როგორ ფასზეცაა მიჩვეული, მოთხოვნაც ისეთივე აქვს.
სახელმწიფოს მხრიდან ბიზნესს მეტი ხელშეწყობა უნდა ჰქონდეს. ჩვენ „ტორტინის" წინ კაფის გაკეთება გვსურდა, თუმცა ეს ვერ მოხერხდა. საქართველოში წინსვლის საშუალება მარტივად არ არის. ჩვენ ყველაფერს ვაკეთებთ იმისათვის, რომ ამ ბიზნესით წინ წავიდეთ.

 

 

როგორ ფიქრობთ, როდის გექნებათ მოგება?

 


ჯერ 6 თვისაა ჩვენი ქსელი და საკუთარ თავს დახმარებების გარეშე მეორე თვიდან ინახავს. 95%-ით შემიძლია ვთქვა, რომ ასეთი კარგი ტემპით მოგებაზე ნოემბრიდან უკვე გავალთ.

 

 

თქვენი აზრით, მომგებიანია თუ არა საკონდიტრო ქსელების ბიზნესი?

 


კი რა თქმა უნდა, მომგებიანია, უბრალოდ ბევრ რამეს სწორად დაგეგმვა უნდა. მარკვეტინგული გათვლები აუცილებელია და შესაძლო ზარალისთვის მზადყოფნაა საჭირო.

 

 

 

 

 

ვინც ახლა იწყებს ტორტების ბიზნესს რას ურჩევდით?

 


ვინც ახლა ამ ბიზნესის წამოწყებას ცდილობს, ეს ძალიან კარგია, მაგრამ აუცილებლად უნდა გაითვალისწინონ, რომ ხარისხზე მუშაობა მნიშვნელოვანია. როგორც კი ხარისხიან პროდუქციას დაამზადებ შემდგომ ყველაფერი თავისთავად გამოდის.

 

და ბოლოს, რას იტყვით სამომავლო გეგმებზე?

 


ვაჟა-ფშაველას გამზირზე დიდი სამზარეულო კეთდება, რომელსაც შემდგომ კორპორატიული კლიენტებისთვისაც გამოვიყენებთ. მზარეულებს იქ ყველანაირი აღჭურვილობა ექნებათ. სამზარეულო ამ ეტაპზე რემონტის პროცესშია და მაქსიმუმ 3 კვირაში გახსნისთვის მზად იქნება.

 

 




ბიძინა ივანიშვილის გარემოცვა ჩართული არის ელიტარულ კორუფციაში

ბიძინა ივანიშვილის გარემოცვა ჩართული არის ელიტარულ კორუფციაში
access_time2020-02-25 19:00:51
პარლამენტის დარგობრივ სხდომაზე ფინანსთა მინისტრი არ მივიდა. ფრაქცია „დამოუკიდებელი დეპუტატების“ წევრმა ლევან კობერიძემ გადაცემაში „პოლიტიკის ფორმულა“  განაცხადა,რომ ფინანსთა მინისტრმა ისინი მოატყუა. „ჩვენ გავაგზავნეთ ფინანსთა და ჯანდაცვის მინისტრებთან წერილი,რომ მობრძანებულიყვნენ ფრაქციაში და კონკრეტულ საკითხებზე გვესაუბრა. ეს საკითხებია დღგ-ს ნაწილში ყალბი აქტივის შექმნა, ტელევიზიების მიერ არგადახდილი დღგ და აზარტული თამაშები.  კითხვები გვქონდა...

როგორ მივაღწიოთ ინკლუზიურ ეკონომიკურ ზრდას საქართველოში?

როგორ მივაღწიოთ ინკლუზიურ ეკონომიკურ ზრდას საქართველოში?
access_time2020-02-25 17:00:17
ISET-ი ინკლუზიურ ეკონომიკურ ზრდასთან დაკავშირებით კვლევას აქვეყნებს. მათი ინფორმაციით,საქართველოში ბოლო ათწლეულებში ეკონომიკური პოლიტიკის გარკვეული ინიციატივები ერთმანეთთან შეუსაბამობაში მოდის. მაგალითად, ერთი მხრივ, მთავრობა ცდილობს, წაახალისოს მცირე ფერმერები, გადაინაცვლონ ეკონომიკის სხვა სექტორებში (რისთვისაც წარმოების ხელშემწყობ სააგენტოებს აარსებს), მეორე მხრივ, ეხმარება მათ სხვადასხვა პროგრამებით (მაგ. კოოპერატივების მხარდაჭერით), აიმაღლონ პროდუქტიულობა და დარჩნენ სოფლის მეურნეობაში....

გლობალური პანდემია შესაძლოა მსოფლიოს 1 ტრილიონი დოლარი დაუჯდეს

გლობალური პანდემია შესაძლოა მსოფლიოს 1 ტრილიონი დოლარი დაუჯდეს
access_time2020-02-25 20:00:35
შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე. კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა.  იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ...

876 ათასი ლარი ავეჯის შესაძენად – ვინ მართავს ბათუმის სტადიონს

876 ათასი ლარი ავეჯის შესაძენად – ვინ მართავს ბათუმის სტადიონს
access_time2020-02-25 18:00:17
ბათუმის საფეხბურთო სტადიონისთვის ავეჯის შესაძენად აჭარის ფინანსთა და ეკონომიკის სამინისტროს შპს „სტადიონმა“ ელექტრონული ტენდერი გამოაცხადა. სკამების, მაგიდების, დივნების, კარადების და სხვა ინვენტარის შესაძენად აჭარის ბიუჯეტიდან 876 ათასი ლარია გამოყოფილი.ავეჯის დიზაინი, დეტალური ტექნიკური მახასიათებლები, განლაგების სქემა და ნახაზები ტენდერის პირობებშია...

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან
access_time2020-02-25 15:45:46
თხევადი აირი (LPG) სულ უფრო პოპულარული ხდება ქართველ მომხმარებელში და ამას აქვს არაერთი მიზეზი. მაგალითად არაოფიციალური მონაცემებით (ოფიციალური სტატისტიკა არ იწარმოება), თუ 2 წლის წინ ამ საწვავზე მომუშავე ავტომანქანების რაოდენობა 1 000 ავტომობილს აღწევდა, დღეს მათი რიცხვი 10 000 ავტომობილს აჭარბებს. LPG -ის სწრაფი პოპულარობის მიზეზი კი როგორც ვახსენეთ რამდენიმეა. პირველი და, რა თქმა უნდა, მთავარი არის ფასი. ერთი კოლოგრამი LPG-ის ღირებულება, საშუალოდ 1.25 ლარია. საგულისხმოა ის გარემოებაც, რომ...


მსგავსი სიახლეები

up