„თბილისის მერია იძულებული გახდა ამნისტია გამოეცხადებინა“ - თორნიკე აბულაძე მიზეზებს განმარტავს

„თბილისის მერია იძულებული გახდა ამნისტია გამოეცხადებინა“ - თორნიკე აბულაძე მიზეზებს განმარტავს

access_time2019-06-20 09:00:00

„თბილისის მერია იძულებული გახდა ამნისტია გამოეცხადებინა,“-ამის შესახებ „კომერსანტს“ „საქართველოს მენაშენეთა ასოციაციის“  აღმასრულებელმა დირექტორმა თორნიკე აბულაძემ თბილისის მერის იმ ახალი საკანონმდებლო ინიციატივის კომენტირებისას განუცხადა,  რომლის თანახმადაც, თბილისის მერია უკვე დასრულებულ, მაგრამ ექსპლუატაციაში მიუღებელ შენობებზე ამნისტიას აცხადებს. გარდა ამისა, სამშენებლო სექტორს მშენებლობის პროცესში რიგი კანონდაღვევის შემთხვევაში, სისხლის სამართლებრივი პასუხისმგებლობა დაეკისრება. სიახლეა ისიც, რომ თბილისის მერიის გადაწყვეტილებით, შეუძლებელი იქნება იმ შენობა-ნაგებობაში ადამიანების შესვლა და ცხოვრება, რომელიც არ არის ექსპლუატაციაში მიღებული.


როგორც „მენაშენეთა ასოციაციის“ აღმასრულებელი დირექტორი თორნიკე  აბულაძე  განმარტავს, როდესაც ამნისტიას აცხადებენ ხდება განვლილი პროცესების ჩამოწერა, მეორეს მხრივ, ამკაცრებენ მშენებლობის პირობებს.


მისი განმარტებით, ეს არის ისეთი შენობები, სადაც ხალხი ისედაც ცხოვრობს და სხვადასხვა დარღვევების გამო ვერ მოხდა მისი ექსპლუატაციაში მიღება. პრაქტიკულად მათი დანგრევა შეუძლებელია.


„ამნისტია ცხადდება მაშინ, როდესაც ახალი ფურცელი იწყება. დადებითი მხარე აქვს იმას, რომ 600 შენობის მაცხოვრებელი, ვინც დღეს იქ ცხოვრობს, კრედიტის საჭირო ოდენობას , ობიექტის დაბალი ღირებულების გამო ვერ იღებენ. აღნიშნული შენობა წერია როგორც მშენებარე და არა დასრულებული. საბოლოო ჯამში ეს არის ფაქტის აღიარება. ისინი დღეს ჰაერში არიან გამოკიდებულები  და ამ არსებულ სტატუსკვოს ოფიციალურ მხარეს აძლევენ,“-აცხადებს აბულაძე.  


მისივე განმარტებით, შექმნილი ვითარებიდან გამომდინარე, თბილისის მერია იძულებული გახდა ამნისტია გამოეცხადებინა. მეორეს მხრივ, მათ უნდოდათ სამშენებელო ადმინისტრირების გამკაცრება. ამას კი ვერ გააკეთებდნენ მაშინ, როდესაც ამდენი ექსლოატაციაში მიუღებელი შენობა იყო.



კითხვაზე, რამდენად მძიმეა დეველოპერული სექტორისთვის ის ჩანაწერი, რომ დარღვევების შემთხვევაში საქმე სისხლის დანაშაულად ჩაითვლება, აბულაძე განმარტავს, რომ დარღვევები ნებისმიერ მშენებლობაზე ფიქსირდება.


„არ არსებობს მძღოლი, რომელსაც საგზაო მოძრაობის დროს არასდროს არაფერი დაურღვევია. იგივეა მშენებლობებზე. აქაც ხდება მცირე გადაცდომები. აგიხსნით რა შემთხვევაშია სისხლის სამართლის პასუხისმგებლობა. პირველ რიგში, ეს უნდა იყოს განზრახ ჩადენილი ქმედება. დღეს არის ისეთი ფაქტები, როდესაც ობიექტზე მივიდა ზედამხედველობა, ნახა დარღვევები და ობიექტი გააჩერა. სამშენებლომ მერიის ეს აქტი არ გაითვალისწინა და მშენებლობა პირატულად გააგრძელა. აი ასეთ შემთხვევაში ხდება სისხლის სამართლის საქმის აღძვრა. მეორე მაგალითს მოვიყვან, როცა შეთანხმებულია 9- სართულიანი შენობა და რეალურად მშენებელი აშენებს 10 სართულიანს,“-აცხადებს აბულაძე.


კითხვაზე, საჭიროა თუ არა ამ ტიპის რეგულაციების და ამნისტიების ამოქმედება, აბულაძე განმარტავს, რომ, სამწუხაროდ, ეს არის პასუხი იმ გამოწვევაზე, რომელიც არსებობს. მისი განმარტებით, დღეს, როდესაც მეტი ბიუროკრატიაა, ხდება სხვადასხვა ხერხებით კანონისთვის თავის არიდება.  შესაბამისად, მერიის ეს რეგულაციები და ამნისტია არის პრევენცია იმისთვის, რომ ასეთი რამე არ მოხდეს.


გახდება თუ არა პრობლემური დეველოპერებისთვის ექსპლოატაციაში მიუღებელ ბინებში მოსახლეობის განთავების უფლების აკრძალვა და ხომ არ გამოიწვევს მოთხოვნის შემცირებიდან გამომდინარე ფასების ზრდას, აბულაძე განმარტავს, რომ ამის გამო ფასები არ გაიზრდება, თუმცა ეს არის გამოწვევა როგორც დეველოპერისთვის, ისე ზედამხედველობის სამსახურისთვის.


„მათ უნდა შეძლონ იყვნენ ოპერატიულები. ამ მოცემულობაში ამის განხორციელება მგონია რომ პრობლემაა. იდეა და თეორიის დონეზე ეს სწორია, თუმცა, შესაძლოა აღსრულების თვალსაზრისით გარკვეული პრობლემები შეიქმნას,“-აღნიშნავს აბულაძე.


სოფო ქსოვრელი

 




მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 

მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 
access_time2021-04-14 10:00:02
მედიკამენტების ფასები საქართველოს მოსახლობის ყველაზე დიდი, მოუგვარებელი პრობლემაა, პრობლემა რომლის შესახებაც იცის ყველამ. საკითხზე წლებია საუბრობს როგორც მმართველი გუნდი, ისე ოპოზიციური პარტიებიც და თვითონ ფარმაცევტული კომპანიებიც, თუმცა ფაქტი ერთია, საუბართან ერთად ფასები მხოლოდ და მხოლოდ იზრდება. 2011 წლიდან საქსტატის მონაცემებით სისხლძარღვთა გამაფართოებელი მედიკამენტების ფასი 105 პროცენტით, ტკივილგამაყუჩებელი მედიკამენტები 60 პროცენტით, ხოლო ანტიბიოტიკები 78 პროცენტით გაიზარდა. როგორც...

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა
access_time2021-04-13 18:30:53
„სავალუტო ფონდის პროგნოზით საქართველოს მიმდინარე ანგარიშის დეფიციტი 2021 წლიდან გაუმჯობესდება, 2022 წელს 7.98%_მდე დაიწევს, 2024 წლიდან კი 6%_ს ჩამოცდება და 2026 წლისთვის 5.56%_მდე შემცირდება. ერთ სულ მოსახლეზე მშპ აშშ დოლარში 2021-2026 წლებში 60%_ით გაიზრდება და ერთ სულზე 6782 აშშ დოლარი გახდება“ - ამის შესახებ საქართველოს ფინანსთა მინისტრის მოადგილე მიხეილ დუნდუამ „კომერსანტთან“ განაცხადა. მიხეილ დუნდუას განცხადებით, საერთაშორისო სავალუტო ფონდის...

13 აპრილი - რეგიონში მხოლოდ ქართული ლარი გაუფასურდა

13 აპრილი - რეგიონში მხოლოდ ქართული ლარი გაუფასურდა
access_time2021-04-13 18:00:28
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 13 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 15 პუნქტით გაუფასურდა. შედარებისთვის, დაახლოებით 68 პუნქტით არის გაუფასურებული თურქული ლირა, სომხური დრამი 16 პუნქტით გაუფასურდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 13 აპრილის ვაჭრობის შედეგად (რომლის ოფიციალური კურსი 14 აპრილისთვისაა) ეროვნული...

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს
access_time2021-04-13 16:10:00
საქართველოს ფინანსთა სამინისტრომ, შერჩეულ საერთაშორისო და ადგილობრივ საინვესტიციო ბანკებთან (JP Morgan, Goldman Sachs, ICBC Standard, TBC Capital და Galt & Taggart), იურიდიულ მრჩევლებთან (Backer & McKenzie და BLC) და საერთაშორისო ფისკალურ აგენტთან (Citi) ერთად, დაასრულა ევრობონდების ლონდონის საფონდო ბირჟაზე განთავსებისთვის მოსამზადებელი ეტაპი. ინფორმაციას სამინისტრო ავრცელებს. „ტრანზაქცია დღეს ოფიციალურად გამოცხადდა Bloomberg-ის სავაჭრო პლატფორმაზე. 13 და 14...

დღის Top 10 საინტერესო ამბავი

დღის Top 10 საინტერესო ამბავი
access_time2021-04-13 21:00:13
დღის Top 10 საინტერესო ამბავი: 1.„ნამახვანჰესის მოქმედი ხელშეკრულებით აშენება მიუღებელია“ - სოციალური სამართლიანობის ცენტრი მშენებარე ნამახვანჰესის გარშემო პროტესტი გრძელდება. აქტივისტები პროექტის სრულ გაუქმებას ითხოვენ. მოწინააღმდეგეთა ერთი ნაწილისთვის თავად ჰესი...


მსგავსი სიახლეები

up