თორნიკე აბულაძე: „ბანკმა არ უნდა ააშენოს და დეველოპერებმა სესხი არ უნდა გასცეს“

თორნიკე აბულაძე: „ბანკმა არ უნდა ააშენოს და დეველოპერებმა სესხი არ უნდა გასცეს“

access_time2019-06-12 10:00:30

„საქართველოს მენაშენეთა ასოციაციის“ დირექტორი თორნიკე აბულაძე „კომერსანტთან“ დეველოპერული კომპანიების მიერ შიდა განვადებების გაცემის  თემას აგრძელებს. როგორც ცნობილია, პარლამენტის დამოუკიდებელი დეპუტატი დავით ჭიჭინაძე საპარლამენტო მოსმენაზე,  სადაც ეროვნულმა ბანკის პრეზიდენტმა კობა გვენეტაძე წლიურ ანგარიშს წარადგინა, დეველოპერული კომპანიების მიერ შიდა განვადებების მიმართ  ეროვნული ბანკის კონტროლის მექანიზმებით დაინტერესდა. 


არ შეიძლება 8,  10 და 12  წლიანი განვადებები არსებობდეს, ეს არ არის განვადება, ნებისმიერი პროექტი მთავრდება 2-3 წელიწადში.  ჩვენ მაშინ უნდა ვიცოდეთ ამ კომპანიას საიდან გააჩნია ის ფინანსური რესურსი, რომ 10 და 12 წელი მისცეს ვიღაცას, არ შეიძლება ვიღაცის გადახდილი ფული ჩვენ რისკის ქვეშ დავაყენოთ, გაგვიმეორდება ცენტრ პოინტი-განაცხადა ჭიჭინაძემ.


აბულაძის განმარტებით, რეგულაციები, რომლებიც მიღებულია იპოთეკურ სესხებზე, ავტომატურად ურტყამს დეველოპერულ ბიზნეს. მისი განცხადებით, ჭარბვალიანობის პრობლემა გასაგებია, თუმცა ამის გამო მკაცრი რეგულაციების ყველაზე ერთნაირად გავრცელება, სწორი არ არის.


„ეს იგივეა ვთქვათ, რომ რომელიღაც საავადმყოფოში,ყველას ჰქონდეს  38 გრადუსი სიცხე “-აცხადებს აბულაძე.


მისივე განცხადებით, დეველოპერულ ბიზნესში გაფუჭებული სესხების ოდენობა 0.98 პროცენტია. შესაბამისად, ეს ნიშნავს იმასაც, რომ ადამიანი, ვინც პირობითად იღებს 40 000-დოლარიან სესხს, ის ბევრად უფრო პასუხისმგებლიანია, ვიდრე ის, ვინც მაგალითად, ახალი მოდელის ტელეფონს ყიდულობს. აბულაძე ეროვნული ბანკის შეცდომად აფასებს იმას, რომ მარეგულირებელმა ყველა ეს კატეგორია „ერთ ქვაბში მოხარშა“. შესაბამისად, აბულაძის მოსაზრებით, ამ მიმართულებით გარკვეული ცვლილებები განსახორციელებელია.



„ჩვენს სექტორთან მიმართებაში ცვლილებები ნამდვილად განსახორციელებელია იმიტომ, რომ საშუალოდ 40%-ით არის შემცირებული იპოთეკური სესხების გაცემა და გაყიდვები. ამას თავად ბანკებიც ადასტურებენ,“-აცხადებს აბულაძე.


მის განმარტებით, იგი წლების განმავლობაში ებრძოდა არაპროფილური აქტივების საკითხს. შესაბამისად, როგორც მაშინ თვლიდა არასწორად იმას,  რომ ბანკებს ეკეთებინათ  დეველოპმენტი  და არაპროფილური ბიზნესები ჰქონოდათ,ზუსტად ასევე არასწორად მიაჩნია ის, რომ დეველოპერმა გრძელვადიანი განვადება გასცეს. აბულაძის განმარტებით, არ შეიძლება იმიტომ, რომ ეს არის სხვა რისკმენეჯმენტი და ამ შემთხვევაში სხვა საფრთხეებს შეიცავს.


კითხვაზე, კონკრეტულად რა საფრთხეებს შეიცავს დეველოპერის მხრიდან განვადებების გაცემა, აბულაძე განმარტავს, რომ ამას სხვა ფინანსური უზრუნველყოფა სჭირდება.


„ყველამ თავისი საქმე უნდა აკეთოს. პური მეპურემ უნდა გამოაცხოს. დეველოპერმა აშენოს და განვადება ბანკმა გააკეთოს. ეს პირიქით არ უნდა ხდებოდეს. ბანკმა არ უნდა ააშენოს და დეველოპერებმა სესხი არ უნდა გასცეს,“ აღნიშნავს აბულაძე.


კითხვაზე, როდესაც დეველოპერი განვადებას აკეთებს, რა რისკები შეიძლება წარმოიშვას როგორც კომპანიისთვის, ისე კლიენტისთვის, აბულაძე აცხადებს, რომ ორივე შემთხვევაში რისკების  რაოდენობა საკმარისზე მეტი იქნება.


„იმის გამო, რომ  ბანკია სესხის გამცემი ორგანიზაცია, მათთვის სპეციალურადაა შექმნილი  რეგულატორი. გარდა ამისა, იარსებებს წესები, რომლის უფლებაც აქვთ ბანკებს, მაგრამ არ აქვთ სხვა ორგანიზაციებს. იგივე კრედიტ ინფოში გადამოწმება და ასე შემდეგ. ძალიან ბევრი დეტალია, რომელიც საბანკო სექტორში დარეგულირებულია. ახლა კი ჩვენ, დეველოპერული სექტორი იძულებულები გავხდით, რომ სესხები გავცეთ, რაც აბსოლუტურად არასწორია. ასევე არასწორია ბანკების მიერ დაწყებული მშენებლობები,“-აღნიშნავს აბულაძე.


სოფო ქსოვრელი

 

 





დღის Top 10 საინტერესო ამბავი

დღის Top 10 საინტერესო ამბავი
access_time2020-10-26 21:00:58
დღის Top 10 საინტერესო ამბავი: 1.კეთილდღეობის და სწრაფი განვითარების ლოზუნგით მოსული „ქართული ოცნების“ დეპუტატები 4 წლიან საქმიანობას აჯამებენ „კომერსანტი“ დაინტერესდა ამ დროის განმავლობაში რა გააკეთეს მმართველი პარტიის დეპუტატებმა მთავარი დანაპირების - „კეთილდღეობის და სწრაფი განვითარების“ შესასრულებლად, რის გამოც ოთხი წლის წინ ამომრჩევლებს ხმას სთხოვდნენ. როგორ აფასებენ...

26 ოქტომბერი - რეგიონში ყველა ვალუტა გაუფასურდა

26 ოქტომბერი - რეგიონში ყველა ვალუტა გაუფასურდა
access_time2020-10-26 18:30:27
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.2285 ლარი...

„საწარმოები რეფორმით გათვალისწინებული მოთხოვნების შესასრულებლად, მზად არ არიან“ - როგორია ფინანსური ანგარიშგებისა და აუდიტის რეფორმის შედეგები 4 წლის შემდეგ

„საწარმოები რეფორმით გათვალისწინებული მოთხოვნების შესასრულებლად, მზად არ არიან“ - როგორია ფინანსური ანგარიშგებისა და აუდიტის რეფორმის შედეგები 4 წლის შემდეგ
access_time2020-10-26 18:00:06
ფინანსური ანგარიშგებისა და აუდიტის რეფორმა პანდემიის პირობებში, როგორია რეფორმის შედეგები 4 წლის შემდეგ და რა მოლოდინები აქვთ აუდიტორულ კომპანიებს. „გრანთ თორნთონის“ მმართველი პარტნიორი, ვახტანგ ცაბაძე რადიო კომერსანტის გადაცემაში „ჩემი აუდიტორი“ მეოთხე კატეგორიის კომპანიებზე საუბრობს და აღნიშნავს, რომ საწარმოები რეფორმით გათვალისწინებული მოთხოვნების შესასრულებლად, ჯერჯერობით, მზად არ...

მთავრობა 48 მილიონი ლარის ღირებულების საწოლფონდის შესყიდვას გეგმავს

მთავრობა 48 მილიონი ლარის ღირებულების საწოლფონდის შესყიდვას გეგმავს
access_time2020-10-26 16:30:39
მთავრობამ საწოლფონდის შესაძენად გამარტივებული შესყიდვა გამოაცხადა. შესაბამისი განაცხადი უკვე ფიქსირდება სახელმწიფო შესყიდვების ეროვნული სააგენტოს ვებგვერდზე. სოციალური მომსახურების სააგენტომ კლინიკებთან უკვე გააფორმა ხელშეკრულებები 5,645,320 ლარის საწოლფონდის შესაძენად. შესყიდული საწოლი ადგილები თბილისსა და ქვეყნის სხვა რეგიონებში არის გადანაწილებული. ჯამურად, სოციალური მომსახურების სააგენტო 48 მილიონი ლარის ღირებულების საწოლფონდის შესყიდვას...

KTW მზის ენერგიის გამოყენებას იწყებს - პროექტში ჯგუფი 3 წელში $3-4 მლნ-ს ჩადებს

KTW მზის ენერგიის გამოყენებას იწყებს - პროექტში ჯგუფი 3 წელში $3-4 მლნ-ს ჩადებს
access_time2020-10-26 14:30:55
კომპანია KTW ჯგუფი მზის ენერგიის გამოყენებას იწყებს. მომავალი 3 წლის განმავლობაში კომპანია პროექტში 3-4 მლნ დოლარის ინვესტიციას განახორციელებს. როგორც „ბიზნესპარტნიორს“ KTW ჯგუფის დამფუძნებელმა ზურაბ ჩხაიძემ განუცხადა, ამ დროისთვის უკვე განხორციელებულია 0,5 მლნ დოლარის ინვესტიცია, წლის ბოლომდე კი ჯგუფს ამ მიმართულებით 1 მლნ დოლარის ინვესტიცია ექნება განხორციელებული. მიკროელექტროსადგურის საშუალებით საწარმო გარემოზე მავნე ზემოქმედების გარეშე იღებს...


მსგავსი სიახლეები

up