კომერციული ბანკების ფინანსური ანგარიშგებების 2020 წლის IV კვარტლის მონაცემების მიხედვით, Top 5 კომერციული ბანკის „ტოქსიკური“ სესხების ოდენობა თითქმის 4-ჯერ გაიზარდა. მიმდინარე წლის 12 თვის მონაცემებით, ბანკების ზარალი სესხების შესაძლო დანაკარგების მიხედვით 983 615 930 ლარი გახდა, ხოლო 2019 წლის შესაბამის პერიოდში 284 372 796 ლარი იყო.
თიბისი ბანკი
ბანკების ფინანსური ანგარიშგებების 2020 წლის 12 თვის მონაცემებით, „თიბისი ბანკის“ ზარალი სესხების შესაძლო დანაკარგების მიხედვით წინა წლის ანალოგიურ პერიოდთან შედარებით დაახლოებით 3-ჯერ გაიზარდა. აღსანიშნავია, რომ მიმდინარე წლის IV კვარტალში ეს მონაცემი 458,907,080 ლარი იყო, ხოლო 2019 წლის შესაბამის პერიოდში 149,986,935 ლარი.
საქართველოს ბანკი
ფინანსური ანგარიშგებების 2020 წლის IV კვარტლის მონაცემების მიხედვით, „საქართველოს ბანკის“ ზარალი სესხების შესაძლო დანაკარგების მიხედვით წინა წლის ანალოგიურ პერიოდთან შედარებით 4-ჯერ გაიზარდა. აღსანიშნავია, რომ მიმდინარე წლის 12 თვეში ეს მონაცემი 411,850,308 ლარი იყო, ხოლო 2019 წლის შესაბამის პერიოდში 95,783,445 ლარი.
ლიბერთი ბანკი
ფინანსური ანგარიშგებების 2020 წლის IV კვარტლის მონაცემებით, „ლიბერთი ბანკის“ ზარალი სესხების შესაძლო დანაკარგების მიხედვით წინა წლის ანალოგიურ პერიოდთან შედარებით თითქმის 2-ჯერ გაიზარდა. აღსანიშნავია, რომ მიმდინარე წლის 12 თვეში ეს მონაცემი 50,138,154 ლარი იყო, ხოლო 2019 წლის შესაბამის პერიოდში 23,259,771 ლარი.
ვითიბი ბანკი ჯორჯია
ბანკების ფინანსური ანგარიშგებების 2020 წლის IV კვარტლის მონაცემების მიხედვით, „ვითიბი ბანკი ჯორჯიას“ ზარალი სესხების შესაძლო დანაკარგების მიხედვით წინა წლის ანალოგიურ პერიოდთან შედარებით თითქმის 3,5-ჯერ გაიზარდა. აღსანიშნავია, რომ მიმდინარე წლის 12 თვეში ეს მონაცემი 39,186,536 ლარი, ხოლო 2019 წლის შესაბამის პერიოდში 11,301,445 ლარი იყო.
ბაზისბანკი
ბანკების ფინანსური ანგარიშგებების 2020 წლის IV კვარტლის მონაცემების მიხედვით, სს „ბაზისბანკის“ ზარალი სესხების შესაძლო დანაკარგების მიხედვით 2019 წლის ანალოგიურ პერიოდთან შედარებით თითქმის 6-ჯერ გაიზარდა. აღსანიშნავია, რომ მიმდინარე წლის 12 თვეში ეს მონაცემი 23,533,852 ლარი იყო, ხოლო 2019 წლის შესაბამის პერიოდში კი 4,041,200 ლარი შეადგინა.