შინაგან საქმეთა სამინისტრომ მიგრაციის მე-3 კვარტლის მონაცემები გამოაქვეყნა.
„ბიზნესპრესნიუსი“ დაინტერესდა თუ როგორია საქართველოში თავშესაფრის მაძიებელთა სტატისტიკა და რომელი ქვეყნიდან არის მოთხოვნა მაღალი.
როგორც შინაგან საქმეთა სამინისტროს ოფიციალური მონაცემებიდან ირკვევა, მიმდინარე წლის მე-3 კვარტალში საქართველოში თავშესაფრის მაძიებლად რეგისტრირებულ მოქალაქეთა რაოდენობა 307 იყო, ჯამში მიმდინარე წლის სამ კვარტალში კი ეს რიცხვი - 1 111-ს შეადგენდა. ეს კი გასული მთლიანი წლის მაჩვენებელს აღემატება. კერძოდ, გასულ 2021 წელს ჯამში, 743 განაცხადი იყო რეგისტრირებული.
რაც შეეხება ქვეყნებს, მიმდინარე წლის იანვარ-სექტემბერში საქართველოში თავშესაფრის მაძიებლად ყველაზე მეტი - 455 მოქალაქე უკრაინიდან დარეგისტრირდა.
ტოპ-4 ქვეყნის ჩამონათვალი, რომლის მოქალაქეებმაც 2022 წლის 1-ელ 3 კვარტალში საქართველოში თავშესაფარი ითხოვეს, ასე გამოიყურება:
- უკრაინა - 455 მოქალაქე;
- თურქეთი - 146 მოქალაქე;
- ირანი - 123 მოქალაქე;
- რუსეთი - 85 მოქალაქე.