ვაჭრობის სფეროში ჩართული პირებიდან 2020-მა ერთ-ერთი ყველაზე უფრო სერიოზული პრობლემა ავტოიმპორტიორებს შეუქმნა. მიუხედავად იმისა, რომ მოლებისგან განსხვავებით ავტომობილებით ვაჭრობა ნებადართული იყო, გასულ წელს რეექსპორტი 330 მლნ-ით შემცირდა, წელს იანვარში კი დამატებით $29 მლნ-ით.
თუ იანვარში ჯამური ექსპორტი 16.2%-ით შემცირდა, ვარდნის ტემპი 3.5-ჯერ მაღალი იყო მსუბუქი ავტომობილების შემთხვევაში. 2020 წლის იანვარში რეექსპორტმა $54 მლნ-ს გადააჭარბა, 2021 წლის იანვარში კი 54.2%-იანი კლების შემდეგ $25 მლნ-მდე შემცირდა. საზღვარგარეთ მოთხოვნის კლების პარალელურად გაყიდვები შემცირებულია ადგილობრივ ბაზარზეც. იმპორტიორები მთავრობას განბაჟების გადასახადის გადავადებასა და ჯარიმების ჩამოწერას სთხოვენ.
მსუბუქი ავტომობილების გარდა მკვეთრად 49%-ით $6 მლნ-მდე შემცირდა აზოტოვანი სასუქების ექსპორტი. ასევე მკვეთრად 41%-ით დაიკლო ღვინის ექსპორტმა, რომელიც $14.8 მლნ-ის ნაცვლად მხოლოდ $8.7 მლნ-ის გაიყიდა.
ღვინისგან განსხვავებით სამნიშნა - 165%-იანი ზრდა დაფიქსირდა თხილის ექსპორტის მიმართულებით, რომლის გაყიდვებმაც 7.2 მლნ-ს მიაღწია. 51%-ით $23 მლნ-მდე გაიზარდა ფეროშენადნობის ექსპორტიც.
პირველი 10 პროდუქტი რომელიც 2021 წლის იანვარში გავიდა ექსპორტზე შემდეგნაირად გამოიყურება:
- სპილეძის მადნები - $49.7 მლნ კლება 0.9%;
- მსუბუქი ავტომობილები - $24.9 მლნ კლება 54.2%;
- ფეროშენადნობები - $23.3 მლნ მატება 50.8%;
- მინერალური წყლები - $8.8 მლნ მატება 18.4%;
- ღვინო - $8.7 მლნ კლება 41.1%;
- თხილი - $7.2 მლნ მატება 165.4%;
- სპირტიანის სამელები - $7 მლნ კლება 13.8%;
- აზოტოვანი სასუქები - $6 მლნ კლება 49.1%;
- ციტრუსები - $3.9 მლნ მატება 16.5%;
- ტრიკოტაჟის ნაწარმი - $3.3 მლნ მატება 10%.
დანარჩენი საქონელი სულ - $81.7 მლნ კლება 15.7%.