„ტოიოტა ცენტრმა“  მაღალი გადასახადის გამო  TAV Georgia-ს მომსახურებაზე უარი უთხრა - „სიხარულით გავდივართ ამ თანამშრომლობიდან“

„ტოიოტა ცენტრმა“ მაღალი გადასახადის გამო TAV Georgia-ს მომსახურებაზე უარი უთხრა - „სიხარულით გავდივართ ამ თანამშრომლობიდან“

access_time2019-07-18 13:00:02

„მე უარი ვუთხარი TAV Georgia-ს მომსახურებაზე იმიტომ, რომ წარმოუდგენელია მათთან თანამშრომლობა,  კატასტროფულად მაღალი გადასახადის გადახდა ჩვენთვის გაუსაძლისი იყო. „ტოიოტა ცენტრი“  TAV Georgia- თვეში 50 ათას ლარს ვუხდიდით მარტო იმაში, რომ ჩვენი ტაქსები იქ იდგა,  არაფერში არ გვეხმარებოდნენ საერთოდ. კერძო ტაქსების მძღოლები დგანან აეროპორტის შესასვლელთან და აეროპორტიდანვე მიჰყავთ მგზავრები,“ - ასე აფასებს „ტოიოტა ცენტრის“ დამფუძნებელი ირაკლი გურჩიანი TAV Georgia-სთან თანამშრომლობის 3 წელიწადს.


შეთანხმების ფარგლებში აეროპორტიდან მგზავრების გადაყვანა მხოლოდ „ტოიოტას ტაქსებს“ უნდა განეხორციელებინათ. თუმცა 1 ოქტომბრის შემდეგ კომპანია აღარ გააგრძელებს აეროპორტების მმართველ TAV Georgia-სთან ურთიერთობას და მიზეზად მძიმე ფინანსურ წნეხს ასახელებს.



„მე შევთავაზე კომპანიას, რომ დაეკლოთ გადასახადის მოცულობა , რადგან  როცა დავიწყეთ მუშაობა, მაშინ ვიხდიდით 10 000 დოლარს, ეს იყო 176 ათასი ლარი.  მერე მოუმატეს და მოუმატეს გადასახადს, ასე  ავიდა ეს თანხა 50 ათას ლარზე, რომელსაც უკვე 2 წელია ვიხდით. ჩვენთვის ეს მიმართულება კომერციული თვალსაზრისით აბსოლუტურად წაგებიანია. TAV Georgia-ს აეროპორტში ვიდგე მე ჩემი ტაქსებით და ზარალზე ვიმუშაო?  არანაირად არ მაწყობს.  პირველ ოქტომბრამდე გვაქვს კონტრაქტი აეროპორტთან და  მერე იქიდან დიდი სიხარულით გამოვალთ . რომც მითხრან  5000 დოლარად მოდიო, მაინც არ წავალ. TAV Georgia-ს ვეუბნებოდი, ცოტა ხელი შეგვიწყეთმეთქი,  მაგრამ პირიქით, ოქტომბრიდან კიდევ უნდა გაგიძვიროთ მომსახურებაო.



ბოლო 3 წლის განმავლობაში  ჩვენს კომპანიას ქალაქში  ტაქსები საერთოდ გავაუქმეთ და მარტო აეროპორტში ვიყავით დარჩენილები 40 მანქანით, იმიჯისთვის. ფაქტია, რომ ზარალის მეტი არაფერი  გვინახავს. არ ადარდებდათ ჩვენი ტაქსების მუშაობა, მარტო ფულს ითხოვდნენ. ეს კომპანია მარტო იმისთვისაა მოსული, რომ ფული აკეთოს და მერე უგზავნოს თემურ ალასანიას,“ - აცხადებს ირაკლი გურჩიანი



თბილისისა და ბათუმის საერთაშორისო აეროპორტების მმართველი კომპანია TAV Georgia-მ თბილისის საერთაშორისო აეროპორტში ტაქსების სერვისის ექსკლუზიურად გაწევის თაობაზე ინტერესთა გამოხატვა ცოტა ხნის წინ გამოაცხადა.




რაც შეეხება მოთხოვნებს, TAV Georgia- ცნობით:



  • ავტომობილები უნდა იყოს ახალი, თანამედროვე, კომფორტული, სუფთა, ტექნიკურად გამართული და უზრუნველყონ მგზავრთა უსაფრთხო გადაყვანა;ავტომობილები აღჭურვილი უნდა იყოს ტაქსომეტრით;


  • აეროპორტის ტერიტორიაზე უზრუნველყოფილი უნდა იყოს არანაკლებ 30 ავტომობილის განთავსება, მათ შორის მოფრენის ტერმინალის წინ არანაკლებ 10 ავტომობილისა, ხოლო დანარჩენი სპეციალურად გამოყოფილ სადგომზე;


  • ავტომობილები უნდა იყოს ერთი ფერის, მათზე დატანილი კომპანიის ლოგოთი და წარწერით ,,აეროპორტის ტაქსი“;


  • ავტომობილების საბარგული გათვალისწინებული უნდა იყოს დიდგაბარიტიანი ბარგისათვის, მაგ. 3 ერთეული 30 კგ.-იანი ზომის ჩემოდნის ან ჯამურად ანალოგიური ზომის ბარგისთვის;


  • მგზავრის მოთხოვნის შემთხვევაში, ავტომობილი აღჭურვილი უნდა იქნას მცირეწლოვანი ბავშვის სავარძლით;


  • ავტომობილებში უნდა იყოს, როგორც ნაღდი ანგარიშსწორებით, ისე ბანკის ტერმინალით ანაზღაურების შესაძლებლობა. მგზავრის მხრიდან ანგარიშსწორების განხორციელების შემდეგ მძღოლმა უნდა გასცეს გადახდის დამადასტურებელი ქვითარი.


ამასთან, როგორც კომპანიის განცხადებაშია  აღნიშნული, მძღოლები უნდა იყვნენ შემოსილნი უნიფორმით, მათ შორის ჰალსტუხით; უნდა იყვნენ პროფესიონალი, ყურადღებიანი, მოწესრიგებული და მგზავრზე ორიენტირებული.



„კომერსანტის“ შეკითხვაზე, რამდენად შეძლებს საქართველოს ბაზარზე არსებული რომელიმე ტაქსების კომპანია იმ მოთხოვნების დაკმაყოფილებას, რაც აეროპორტთან თანამშრომლობისთვისაა აუცილებელი - ირაკლი გურჩიანი პასუხობს, რომ ამ წლების მანძილზე არაერთხელ ცდილობდნენ „ტოიოტას“ ჩამოცილებას ბაზრიდან და, შესაბამისად, მათი ადგილის დაკავების მსურველებიც იქნებიან, თუმცა რამდენად ჯანსაღი ბიზნესის მწარმოებლები იქნებიან, ჯერ კიდევ საკითხავია.



 „წლების განმავლობაში გვებრძოდა უამრავი კორუმპირებული ჩინოვნიკის ზურგს ამოფარებული ადამიანი, მაგრამ ვერ მოგვიგეს. ხან ვინ ჩარიეს ხან ვინ - უნდოდათ,  რომ ჩვენ გავსულიყავით აეროპორტიდან.  ხან გვიბარებდნენ და გვეუბნებოდნენ  ცუდად მუშაობთ და უნდა დატოვოთ ეს საქმეო. მძღოლი მოდის სამუშაოდ, ჩვენ მისთვის მიქირავებული გვაქვს მანქანა და იმის კაი კაცობას და ცუდ კაცობას ვერ შავამოწმებ. ჩვენ არ გავედით. იმედი გვქონდა, რომ ამუშავდებოდა ტაქსები, მაგრამ ახლა დამითმია გზა ყველასთვის. აიყვანენ ვინმე ჩინოვნიკის კონგლომერატს.



ჩვენ გვქონდა სტანდარტული ფასი,  აეროპორტიდან ქალაქამდე 25 ლარი, მერე 35 ლარი.  ზოგი კერძო მძღოლი დაიჭერდა რომელიმე ჩამოსულ უცხოელს და 100 ევროს ახდევინებდნენ და ზოგს ორასს, მერე ისინი ჩიოდნენ და გვბრალდებოდა ჩვენ, რადგან ოფიციალურად ჩვენ ვართ დაფიქსირებული,  - აცხადებს ირაკლი გურჩიანი.


ირაკლი გურჩიანს, რა თქმა უნდა, ვთხოვეთ დაეკონკრეტებინა ვინ ახდენდა ზეწოლას, მაგრამ მან კონკრეტული გვარებისა და კომპანიების დასახელებისგან თავი შეიკავა. 

 


მარიამ მორგოშია





„სილქნეტმა“ გლობალურ საკომუნიკაციო კომპანიასთან OneWeb თანამშრომლობის მემორანდუმს მოაწერა ხელი

„სილქნეტმა“  გლობალურ საკომუნიკაციო კომპანიასთან OneWeb   თანამშრომლობის მემორანდუმს  მოაწერა ხელი
access_time2020-01-22 14:55:46
წამყვანმა ქართულმა კონვერგენტულმა სატელეკომუნიკაციო კომპანია „სილქნეტმა“ გააფორმა თანამშრომლობის მემორანდუმი გლობალურ საკომუნიკაციო კომპანია OneWeb-თან. OneWeb-ის მიზანია სატელიტური კავშირგაბმულობის გამოყენებით უზრუნველყოს მაღალი სიჩქარის და დაბალი ლატენტობის ინტერნეტ-კავშირი ყველგან და ყველასთვის, დედამიწის ნებისმიერ წერტილში. სილქნეტის სამეთვალყურეო საბჭოს თავმჯდომარემ, გიორგი რამიშვილმა, და OneWeb-ის აღმასრულებელმა დირექტორმა, ადრიან სთექელმა, დავოსში, მსოფლიო ეკონომიკური ფორუმის...

საქართველო ეკონომიკური ზრდის ტემპით რეგიონში ლიდერობას კარგავს

საქართველო ეკონომიკური ზრდის ტემპით რეგიონში ლიდერობას კარგავს
access_time2020-01-22 16:30:30
4.5-5% - ეს ის საპროგნოზო მაჩვენებლებია, რომელსაც ეროვნული ბანკი და უცხოური ორგანიზაციები, საქართველოში 2020 წელს ეკონომიკური ზრდისათვის პროგნოზირებენ. ეკონომიკური ზრდის ტემპით საქართველოს სომხეთი, ტაჯიკეთი, თურქმენეთი და უზბეკეთი უსწრებს. ეროვნული ბანკი ახალ საბაზო სცენარს აქვეყნებს, რომელიც მონეტარული პოლიტიკის ანგარიშის უახლეს გამოცემას ეფუძნება. ამ სცენარის მიხედვით, მომდევნო წლებში ეკონომიკური აქტივობა არსებულ ტენდენციას შეინარჩუნებს. ამასთანავე,...

„მოქალაქეებს უნდა მიეცეთ საშუალება, გახდნენ ანაკლიის პორტის თანამესაკუთრეები“

„მოქალაქეებს უნდა მიეცეთ საშუალება, გახდნენ  ანაკლიის  პორტის თანამესაკუთრეები“
access_time2020-01-22 17:30:33
„სწორი და ერთადერთი გზა ანაკლიის პორტის კერძო მეპატრონის ხელში გადასვლა, მისი აქციებად ქცევა და შესაბამისად, ამ გზით, არა თუ 120 მილიონის, არამედ, 1 მილიარდი დოლარის მოზიდვაა,“-ამის შესახებ რადიო „კომერსანტის“ გადაცემაში „პროფესიონალები“ „ეკონომიკური ტრანსფორმაციის ცენტრის პრეზიდენტმა“, რამაზ გერლიანმა  ისაუბრა და მთავრობის მხრიდან „ანაკლიის განვითარების კონსორციუმთან“ ხელშეკრულების შეწყვეტა შეაფასა.მისი თქმით, მთავრობა და ანაკლიის კონსორციუმი ბოლო პერიოდში ანაკლიის...

ავლაბარში სამვარსკვლავიანი Holiday Inn Express-ის მშენებლობა „ელემენტ ქონსთრაქშენმა“ დაიწყო

ავლაბარში სამვარსკვლავიანი Holiday Inn Express-ის  მშენებლობა „ელემენტ ქონსთრაქშენმა“ დაიწყო
access_time2020-01-22 15:30:21
 Holiday Inn Express-ი დედაქალაქის ისტორიულ ნაწილში, ავლაბარში 2022 წელს გაიხსნება. სამშენებლო ფართობი 7 903 კვ.მ-ს...

მაია ზავრაშვილი: „გამოწვევად რჩება ჩვენი ქვეყნის წიაღისეულის მიმართ საერთაშორისო საინვესტიციო წრეებში დაბალი ცნობადობა“

მაია ზავრაშვილი: „გამოწვევად რჩება ჩვენი ქვეყნის წიაღისეულის მიმართ საერთაშორისო საინვესტიციო წრეებში დაბალი ცნობადობა“
access_time2020-01-22 14:41:11
„იმისთვის, რომ ქვეყანაში არსებული წიაღის რესურსები მაქსიმალურად ჩაერთოს ქვეყნის ეკონომიკურ საქმიანობაში როგორც დასაქმების, ასევე პირდაპირი უცხოური ინვესტიციებისა თუ ექსპორტის კუთხით, ვახორციელებთ წიაღის მასშტაბურ რეფორმას, რაც განავითარებს სანედლეულო ბაზას, გაზრდის ეკონომიკური სარგებლიანობას და საინვესტიციო მიმზიდველობას - ამის შესახებ ეკონომიკის სამინისტროს წიაღის ეროვნული სააგენტოს ხელმძღვანელმა, მაია ზავრაშვილმა მედიისთვის მიცემულ ინტერვიუში...


მსგავსი სიახლეები

up