ინფორმაცია, თითქოს საქართველოდან ბელარუსში რადიოკავშირის სისტემები სანქციების გვერდის ავლით გადიოდა, სიცრუეა, — აღნიშნულია შემოსავლების სამსახურის მიერ გავრცელებულ ინფორმაციაში. უწყების განმარტებით, ერთ-ერთი მედია საშუალებით გავრცელდა ინფორმაცია თითქოს - ,,ამერიკული წარმოების „რაციების“ გადამცემი და მიმღები მოწყობილობა შუამავალ ქვეყანაში - უზბეკეთში გაიგზავნა და მხოლოდ ამის შემდეგ, ბელარუსში სანქციების გვერდის ავლით მოხვდა“.
შემოსავლების სამსახური განმარტავს, რომ შპს ,,კომუნიკომმა“, რომელიც წარმოადგენს საქართველოში რადიოკავშირგაბმულობის კომპანიამ MOTOROLA Solutions Inc-ს, მიმდინარე წლის, აპრილის დასაწყისში, ექსპორტის საბაჟო რეჟიმში დაადეკლარირა უზბეკეთის მიმართულებით ქსელური მოწყობილობები, კერძოდ - ,,რადიოკავშირის რეტლანსლიატორი“. აღნიშნული მოწყობილობების უზბეკეთში მიმღები კომპანია იყო - ооо « уэелтехипрм-моторола-Телеком-радио».
აქვე, გაცნობებთ, რომ აღნიშნული საქონელი არ საჭიროებს ექსპორტის ორმაგი დანიშნულების ნებართვას, ხოლო მიმღები კომპანია გახლავთ უზბეკეთში კომპანია „მოტოროლას“ ოფიციალური წარმომადგენელი. დასახელებული საქონელი შპს ,,კომუნიკომს“, ადრეც არაერთხელ ჰქონია იმპორტის საბაჟო პროცედურებში მოქცეული.
ამასთან ერთად, კიდევ ერთხელ ხაზგასმით განვმარტავთ, რომ ტელეკომპანია ,,ტვ პირველის ეთერში გავრცელებული ინფორმაცია, რომელიც ამერიკული მულტინაციონალური კომპანიის წარმომადგენლობის მიერ, აშშ-ს და ევროკავშირის მიერ, დაწესებული სანქციების გვერდის ავლის ბრალდებას ეხება, არის სიცრუე. სიუჟეტში ნაჩვენები რადიოკავშირის მოწყობილობები არის სამოქალაქო დანიშნულების. შესაბამისად, ის ვერ დაკვალიფიცირდება, ვერც აშშ-ის საქცირებული საქონლის და ვერც ევროკავშირის ორმაგი დანიშნულების პროდუქციის საკონტროლო ნუსხებში (აღნიშნული ნუსხის მე- 3 კრიპტოგრაფიული შენიშვნის გათვალისწინებით)— აღნიშნულია შემოსავლების სამსახურის მიერ გავრცელებულ ინფორმაციაში.
შემოსავლების სამსახური
