თინათინ ხიდაშელის პასუხი პოლონეთის ელჩს - ჩინური კომპანიების საქმიანობაზე საქართველოს მთავრობის  გულგრილობა ვერავითარ კრიტიკას ვერ უძლებს

თინათინ ხიდაშელის პასუხი პოლონეთის ელჩს - ჩინური კომპანიების საქმიანობაზე საქართველოს მთავრობის გულგრილობა ვერავითარ კრიტიკას ვერ უძლებს

access_time2020-12-07 18:27:47

ჩინური კომპანიების საქმიანობაზე საქართველოს მთავრობის მხრიდან გამოჩენილი გულგრილობა და უპასუხისმგებლობა ვერავითარ კრიტიკას ვერ უძლებს,“ - ასე ეხმაურება ორგანიზაცია „სამოქალაქო იდეის“ თავმჯდომარე თინათინ ხიდაშელი საქართველოში პოლონეთის ელჩის  მარიუშ მაშკიევიჩის განცხადებას ჩინური კომპანიების საქართველოში საქმიანობის შესახებ.


ელჩის შეკითხვას, „რატომ იწვევს საქართველოს ხელისუფლება ჩინურ კომპანიებს გზების მშენებლობისთვის“, თინათინ ხიდაშელი იმ კვლევებზე დაყრდნობით პასუხობს, რომელსაც  „სამოქალაქო იდეა“ 2018 წლიდან აწარმოებს.  


„სამწუხაროდ, უკვე რამდენიმე წელია ჩვეულებრივ ამბად იქცა, მსოფლიოს მრავალ ქვეყანაში რეპუტაცია შელახული, ჩინური კომპანიების საქართველოში ტენდერებში მონაწილეობა და გამარჯვება. მათ უმრავლესობას კორუფციულ გარიგებებში ამხელდა არა მხოლოდ მსოფლიო მედია, არამედ მრავალ ქვეყანაში აღძრულია სისხლის სამართლის საქმე, პატიმრობაში იმყოფებიან სხვადასხვა ქვეყნების პრემიერები, მინისტრები და სხვადასხვა მაღალი თანამდებობის პირები. მიუხედავად ზღვა ინფორმაციისა და უამრავი მტკიცებულებისა არ არსებული ბიზნეს ეთიკისა და კორუფციული გარიგებების შესახებ, საქართველოს მთავრობა აქტიურად აგრძელებს ამ კომპანიებთან თანამშრომლობას, რაც სრულიად ბუნებრივად აჩენს კორუფციული გარიგებების ეჭვებს“, - აცხადებს თინათინ ხიდაშელი.


„სამოქალაქო იდეის“  კვლევების ობიექტივში სხვადასხვა დროს აღმოჩნდა კომპანია CEFC, რომლის პრაქტიკულად ყველა მაღალი თანამდებობის პირი უმძიმესი ბრალდებებით ნიუ იორკის ციხეში იმყოფებიან და, ამის მიუხედავად, სწორედ, ამ მოვლენების შემდეგ საქართველოს ხელისუფლებამ ფოთის თავისუფალი ინდუსტრიული ზონის 75 პროცენტი გადასცა. ეს ის კომპანია, სადაც გადამდგარი პრემიერი ღარიბაშვილი, სწორედ ამ მოვლენების შემდეგ დასაქმდა. ყოფილი მაღალჩინოსნების გამოყენებით ქვეყანაში სტრატეგიული პროექტების ხელში ჩაგდება CEFC-ის სამარკო ნიშანია მსოფლიოს სხვადასხვა ქვეყანაში და არც საქართველო იყო გამონაკლისი ამ თვალსაზრისით.



მეორე კომპანია, რომელიც ხიდაშელის ორგანიზაციის კვლევაში მოხვდა არის ასევე სკანდალებით და კორუფციული გარიგებებით ცნობილი სინოჰდრო, რომელიც თავისი საქმიანობის გამო მრავალი საერთაშორისო საფინანსო ინსტიტუტის მიერ შავ სიაში იყო შეყვანილი. თუმცა ვერც ამან შეუშალა ხელი საქართველოს მთავრობას მათთან მრავალი ასეული მილიონის ხელშეკრულებები გაეფორმებინათ. მთავრობის ოფიციალური წყაროების მიხედვითვე სინოჰიდრომ, ვერც ერთ მასზე დაკისრებულ ვალდებულებას ვერ გაართვა თავი, ვერც დადგენილ დროში და ვერც დადგენილი პირობებით. თუმცა მთავრობამ 2020 წელს მორიგი ხელშეკრულება გააფორმა მათთან.


მესამე კომპანია, რომლის საქმიანობის კვლევაც „სამოქალაქო იდეამ“ განახორციელა გახლავთ კომპანია „TBEA ltd“, რომელიც ასევე საერთაშორისოდ, მსოფლიოს სხვადასხვა კონტინენტზე „ძალიან ცნობილი“ რეპუტაცია შელახული კომპანიაა. კორუფცია და მანიპულაციები არის ჩვეულებრივი ამბავი ინტერნეტ სივრცეში „ტბეას“ შესახებ არსებულ ისტორიებში. თუმცა, ამის მიუხედავად, საქართველოში ყველაფერს აკეთებენ იმისათვის, რომ ყველა კონკურენტი ჩამოაშორონ და ყოველ ჯერზე უზრუნველყოფილი იყოს მისი გამარჯვება. საოცარი ისტორიაა „ტბეას“ მოგებული კონტრაქტები:


- თუკი „ტბეა“ ვერ ახერხებს იყოს საუკეთესო შემოთავაზებელთა შორის, იშლება და ცხადდება ახალი ტენდერები, სწორედ „ტბეაზე“ მორგებული პირობებით;

- მიუხედავად ახალი ტენდერისა თუკი ტბეა მაინც ვერ ახერხებს გამარჯვებას, სრულიად აბსურდული მიზეზებით ხდება კონკურენტების დისკვალიფიკაცია, და სხვა.

- მაგალითად, ერთ ერთ ჩაშლილ და ხელმეორედ გამოცხადებულ ტენდერში ტბეა მე-4 ადგილზე გავიდა კონკურენტებს შორის, თუმცა ამან ხელი ვერ შეუშალა სატენდერო კომისიას 3 კომპანიის დისკვალიფიკაცია მოეხდინათ, სწორედ ჩინური ტბეას გასამარჯვებლად.


„აღნიშნულ კომპანიებს გარდა იმისა რომ ვერ უზრუნველყოფენ მომსახურების ხარისხიან, დროულ და ხელშეკრულებით გათვალისწინებულ პირობებში მოწოდებას ქვეყანაში შემოაქვთ უსამართლო თამაშის წესები და აბსოლუტურად უკარგავენ აზრს კანონმდებლობით დადგენილ გამჭვირვალე სატენდერო სისტემას,“ - აღნიშნავს თინათინ ხიდაშელი.


მისი თქმით, ჩინური კომპანიების ხელოვნურად ხელშეწყობის შესახებ,   მეტი ინფორმაციის, ფაქტების, კონკრეტული დოკუმენტების და მიზეზების ნახვა დაინტერესებულ პირებს შეუძლიათ იხილონ www.civicidea.ge-ზე





ფიზიკის დარგში ნობელის პრემიის ლაურეატები გამოვლინდნენ

ფიზიკის დარგში ნობელის პრემიის ლაურეატები გამოვლინდნენ
access_time2022-10-04 15:36:57
ნობელის კომიტეტმა 4 ოქტომბერს გამოაცხადა 2022 წლის ლაურეატები ფიზიკის დარგში. ისინი არიან ფრანგი ალენ ასპე, ამერიკელი ჯონ კლაუერი და ავსტრიელი ანტონ ცაილინგერი. მათ ნობელის პრემია მიენიჭათ ჩახლართული ფოტონების სფეროში ექსპერიმენტებისთვის, ბელის უტოლობის დარღვევის კვლევისთვის და ნაშრომებისთვის კვანტურ ინფორმატიკაში.   მეცნიერებმა ნოვატორული ექსპერიმენტების ჩატარება შეძლეს ჩახლართული კვანტური მდგომარეობებით, როცა ორი ნაწილაკი იქცევა როგორც ერთი მთელი, მაშინაც კი, როცა...

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში
access_time2022-10-04 15:00:18
2021 წელს, 2020 წელთან შედარებით, სატელევიზიო სარეკლამო ბაზარი 7.8 მლნ ლარით გაიზარდა (10.4%) და 83.1 მლნ ლარი შეადგინა. ამის შესახებ, საერთაშორისო გამჭვირვალობა საქართველო ახალ ანგარიშს აქვეყნებს. 2021 წლის სატელევიზიო სარეკლამო ბაზრის ანგარიშის მიხედვით, 2021 წელს ყველაზე მეტი რეკლამა, ტრადიციულად „იმედის“ ჰოლდინგმა მიიღო. მისმა შემოსავალმა 2021 წელს 31.1 მლნ ლარი (სარეკლამო ბაზრის 37.4%) შეადგინა. მეორე ადგილზე ტელეკომპანია „რუსთავი 2“ „მთავარმა არხმა“ ჩაანაცვლა...

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა
access_time2022-10-04 14:45:32
დეპუტატმა და ხალხის ძალის“ წევრმა ვიქტორ ჯაფარიძემ ტელეკომპანია POS TV -ის წილების 52% შეიძინა. სიახლის შესახებ დღეს უ,რავლესობიდან წასული დეპუტატებიდან ერთ-ერთმა, სოზარ სუბარმა მოძრაობის ახალი წევრების წარდგენაზე ისაუბრა. გარიგების საფასური 520 000 ლარია. ახლა პოსტვ“-ის მეწილეების სია ასე გამოიყურება: ვიქტორ ჯაფარიძე - 52%;შალვა რამიშვილი -24%;თემურ ჭარელაშვილი - 24%.

2023 წლიდან საჯარო სექტორში საბაზო თანამდებობრივი სარგო იზრდება

 2023 წლიდან საჯარო სექტორში საბაზო თანამდებობრივი სარგო იზრდება
access_time2022-10-04 16:00:54
მთავრობა საჯარო სექტორის ხელფასის არასახელმწიფო სექტორის ხელფასებთან დაახლოებას ცდილობს. ამიტომ 2023 წლიდან საბაზო თანამდებობრივი სარგო იზრდება. „საჯარო დაწესებულებაში შრომის ანაზღაურების შესახებ“ საქართველოს კანონში შესატანი ცვლილებები საკანონმდებლო ორგანოში უკვე ინიცირებულია. ხელისუფლებაში მიაჩნიათ, რომ სახელმწიფო სექტორში საშუალო ხელფასი არასდროს არ უნდა უსწრებდეს არასახელმწიფო სექტორში საშუალო ხელფასს, თუმცა მათ შორის დიდი განსხვავებაც...

რის ხარჯზე გაიზარდა მშენებლობის ღირებულების ინდექსი?

რის ხარჯზე გაიზარდა მშენებლობის ღირებულების ინდექსი?
access_time2022-10-04 14:00:18
აგვისტოში მშენებლობის ღირებულების ინდექსი წინა თვესთან შედარებით 0.05 პროცენტით გაიზარდა. აღნიშნულის სესახებ ინფორმაციას „საქსტატი“ ავრცელებს.  სტატისტიკის ეროვნული სამსახურის მონაცემებით, აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 3.2 პროცენტიანი ზრდით, რამაც 0.58 პროცენტული პუნქტი შეიტანა ჯამური ინდექსის ცვლილებაში. 2022 წლის თებერვალთან შედარებით...


მსგავსი სიახლეები

up