თინა ხიდაშელი - ხელისუფლება მოქმედებს წინასწარ გაწერილი გეგმით - გააჩუმონ, გააჩერონ და გააქრონ ყველა, ვინც შეიძლება 2020 წელს ივანიშვილს პრობლემა შეუქმნას

თინა ხიდაშელი - ხელისუფლება მოქმედებს წინასწარ გაწერილი გეგმით - გააჩუმონ, გააჩერონ და გააქრონ ყველა, ვინც შეიძლება 2020 წელს ივანიშვილს პრობლემა შეუქმნას

access_time2019-08-22 19:00:39

სუპერ მონდომებული ძალით დაბრმავებული უნდა იყო ადამიანი, ვერ ხედავდე, რომ ხელისუფლება სრულ აგონიაშია, არის ანგარიშსწორების რეჟიმში ადამიანებთან, რომლებიც ვერ აღმოჩნდნენ ბიძინა ივანიშვილისთვის თავიდან ბოლომდე გუნდრუკის მკმეველები, - ასე აფასებს თავდაცვის ყოფილი მინისტრი თინა ხიდაშელი პროკურატურის მიერ ბიზნესმენ ავთანდილ წერეთლისთვის ბრალის წარდგენას.


თინა ხიდაშელი აღნიშნულ საქმეში მმართველი პარტიის თავმჯდომარის ბიძინა ივანიშვილის ინტერესებს ხედავს და ამბობს, რომ მან ძალიან სახიფათო პროცესი დაიწყო.


ხიდაშელის განცხადებით, ივანიშვილის შემთხვევაშიც მარცხი გარდაუვალია და ყველა მზად უნდა იყოს, რომ „აგონიაში მყოფი ხელისუფლება ხვალ და ზეგ კიდევ უფრო მძიმე შეცდომების დაშვებას დაიწყებს“, რაც ქვეყანას შესაძლოა ძვირი დაუჯდეს.


„რეალურად, ძალიან, ძალიან, სუპერ მონდომებული ძალით დაბრმავებული უნდა იყო ადამიანი, ვერ ხედავდე, როდესაც ქვეყანაში მოქმედი ჩინოვნიკების მხრიდან, ყოველდღიურად ათობით სხვადასხვა დანაშაულის ნიშნების მატარებელი ამბები ხდება ცნობილი და ამაზე ხელისუფლება აბსოლუტურად არ რეაგირებს, ამ ფონზე, 11 წლის წინანდელ საქმეზე, რომელიც სინამდვილეში რეალობასთან ახლოს არის თუ არა, ესეც რომ ვერ დაგვიმტკიცა ხელისუფლებამ, ასეთი გამალებული მონდომებით იწყებს სრულმასშტაბიან საგამოძიებო მოქმედებებს. აქ ერთმნიშვნელოვნად შეგვიძლია ვთქვათ, რომ ხელისუფლება სრულ აგონიაშია, არის ანგარიშსწორების რეჟიმში ადამიანებთან, რომლებიც ვერ აღმოჩნდნენ ბიძინა ივანიშვილისთვის თავიდან ბოლომდე გუნდრუკის მკმეველები, ვერ აღმოჩნდნენ „შესაბამისი სტანდარტების“, რომელსაც ივანიშვილი მორჩილებისთვის ითხოვს და ამიტომ, ისინი უნდა დაისაჯონ“,-აცხადებს თინა ხიდაშელი.



თინა ხიდაშელის განცხადებით, ხელისუფლება წინასწარ გაწერილი გეგმით მოქმედებს, ავთანდილ წერეთლის საქმით კი „ის ორი კურდღლის დაჭერას ცდილობს“.


„ამასობაში, თუ პარალელურად აღმოჩნდება, რომ სარგებელი ისიც იქნება, ქვეყანაში ერთადერთი ტელევიზია, რომელიც განსხვავებულ აზრს გადმოსცემს, ისიც გაჩერდება, რა თქმა უნდა, ეს მხოლოდ და მხოლოდ წაადგება „ერთ წელიწადში ყველაფერს დავალაგებთ“ პროცესს, რომელიც ივანიშვილმა დაგვიანონსა. ვფიქრობ, რომ აქ „ყველაფერი წესრიგშია“. ისინი მოქმედებენ წინასწარ გაწერილი გეგმით-გააჩუმონ, გააჩერონ, გააქრონ ყველა პოტენციური წერტილი, რომელმაც შეიძლება 2020-ში ივანიშვილს პრობლემა შეუქმნას, იმიტომ, რომ მხოლოდ და მხოლოდ პოლიტიკურ ფლანგზე კარგი ოპოზიციური პარტია ვერ გაჩნდება, თუ მას არ ექნება ფინანსური, მედია მხარდაჭერა, თუ არ იქნება გაცილებით უფრო ფართო მოძრაობა, ვიდრე ერთი-ორი უბრალოდ პოლიტიკოსი.


გასაგებია ივანიშვილის გზა, ხაზი,ხედი, ხედვა , წერეთლის საშუალებით ის ორ კურდღელს იჭერს. ერთის მხრივ, ის ამბობს, რომ ხაზარაძის საქმეს აგრძელებს, რომ იქ ვინმეს ეჭვი არ შეეპაროს, თითქოს მხოლოდ დროებითი იყო, ის გვაჩვენებს, რომ რეალურად საქმის გამოძიება მიმდინარეობს; მეორეს მხრივ, თუკი ეს „ტვ პირველს“ პრობლემებს შეუქმნის და მის გაჩერებას გამოიწვევს, ამით მხოლოდ მოგებული დარჩება. ყოველ შემთხვევაში მას ჰგონია, რომ საბოლოო ჯამში მოგებული დარჩება“,-აცხადებს თინა ხიდაშელი.


შეგახსენებთ, რომ გენერალურმა პროკურატურამ ბიზნესმენ ავთანდილ წერეთელს, „თიბისი ბანკის" დამფუძნებლების - მამუკა ხაზარაძისა და ბადრი ჯაფარიძის წინააღმდეგ აღძრული სისხლის სამართლის საქმის ფარგლებში, ბრალი წარუდგინა.


პროკურატურის განმარტებით, საქმე ეხება „თიბისი ბანკის“ ხელმძღვანელების მიერ, "უკანონო შემოსავლების ლეგალიზებაში დახმარებას, რასაც თან ახლდა განსაკუთრებით დიდი ოდენობით შემოსავლის მიღება". ავთანდილ წერეთელი დღეს ბრალის წარდგენის მიზნით პროკურატურაშია დაბარებული. საგამოძიებო უწყებაში ბრალის დაზუსტების მიზნით დაბარებულები არიან ბადი ჯაფარიძე და მამუკა ხაზარაძეც.



IPN




უკრაინაში სათამაშო ბიზნესი ლეგალური გახდა

უკრაინაში სათამაშო ბიზნესი ლეგალური გახდა
access_time2020-07-14 19:20:13
უკრაინის უმაღლესმა რადამ ქვეყანაში კაზინოების საქმიანობა და აზარტული ონლაინ თამაშები ლეგალურად დაუშვა. ამის შესახებ Deutsche Welle წერს. გადაწყვეტილება უკრაინის რადამ, დღეს მიიღო და შესაბამის კანონპროექტს უყარა კენჭი. პროცედურაში 248 დეპუტატი მონაწილეობდა. ახალი კანონით დაშვებულია აზარტული თამაშები კაზინოში და ონლაინ, საბუკმეკერო საქმიანობა, ასევე ლატარეის გამოშვება და სათამაშო ბიზნესის სხვა სახეობები. ასევე დაშვებულია კაზინოების განთავსება კიევში და...

მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა

მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა
access_time2020-07-14 17:14:05
მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა. პარლამენტმა „საზოგადოებრივი ჯანმრთელობის შესახებ“ კანონში შესატანი ცვლილებების პროექტი 79 ხმით დაამტკიცა.   აღნიშნული ცვლილებებით, მთავრობას საკარანტინო ღონისძიებების გატარების უფლება, რაც დაკავშირებულია გადაადგილების, ეკონომიკური საქმიანობის, საკუთრების, თავშეყრის, შრომის და სხვა უფლებების შეზღუდვასთან, 15 ივლისის ნაცვლად, 2021 წლის 1 იანვრამდე...

ვინ ამოაყირავებს ნავთობის ფასს - ხვალ ოპეკი ნავთობმოპოვების საკითხს კვლავ განიხილავს

ვინ ამოაყირავებს ნავთობის ფასს - ხვალ ოპეკი ნავთობმოპოვების საკითხს კვლავ განიხილავს
access_time2020-07-14 20:00:07
ერთი შეხედვით, მაის-აპრილის პანიკა ნავთობის ბაზარზე წარსულს ჩაბარდა, თუმცა, რეალობაში მდგომარეობა ისევ რთული და არასტაბილური რჩება - ერთის მხრივ, ნავთობის საშუალო ფასი უკვე 1,5 თვეა 40 დოლარის ფარგლებშია და ეს ცუდი არაა იმ პერიოდთან შედარებით, როდესაც შავი ოქრო 10 დოლარი ღირდა.   თუმცა, ასეთი ფასი არ აწყობს მსხვილ მოთამაშეებს - პირველ რიგში რუსეთს და საუდის არაბეთს, რადგანაც ის მათ უდეფიციტო ბიუჯეტის ფორმირების საშუალებას არ...

როგორი იქნება ახალი საოფისე სივრცე „ვაკე პლაზა“ - (ფოტოები)

როგორი იქნება ახალი საოფისე სივრცე „ვაკე პლაზა“ - (ფოტოები)
access_time2020-07-14 17:00:00
თბილისში, ჭავჭავაძის გამზირზე N72ა-ში  მრავალფუნქციური  სივრცე  „ვაკე პლაზა“ შემოდგომაზე გაიხსნება. როგორც პროექტის ხელმძღვანელმა რუსუდან ჩერგოლეიშვილმა განაცხადა, ახალ საოფისე სივრცეში შესაძლებელი იქნება როგორც ოფისების ქირაობა, ისე არაფორმალური შეხვედრების გამართვა.   პროექტში 20 მილიონი აშშ დოლარის ინვესტიცია...

რა არის იპოთეკური სესხის სუბსიდირება

რა არის იპოთეკური სესხის სუბსიდირება
access_time2020-07-14 13:00:06
საქართველოს მთავრობის ინიციატივით სახელმწიფო იპოთეკური სესხის საპროცენტო განაკვეთის 4%-ს დაასუბსიდირებს. ინიციატივა, დეველოპერული სექტორის მხარდაჭერის ანტიკრიზისული გეგმის პრეზენტაციაზე დაანონსდა. სუბსიდია შეეხება ყველა იმ იპოთეკური სესხის ხელშეკრულებას, რომელიც დაიდება 2020 წლის ბოლომდე და გაგრძელდება 5 წლის ვადით. პროექტის მიზანია დეველოპერულ სექტორში კოვიდ 19-ის პანდემიის შედეგად მიღებული ეკონომიკური სირთულეების დაძლევა და ფიზიკური პირებისთვის უძრავ ქონებაზე ხელმისაწვდომობის...


მსგავსი სიახლეები

up