თინა ხიდაშელი - მამუკა ბახტაძე პირველი პრემიერია, რომელიც ისე წავიდა, რომ მოსახლეობამ მისი სახელის და გვარის დამახსოვრება ვერ მოახერხა

თინა ხიდაშელი - მამუკა ბახტაძე პირველი პრემიერია, რომელიც ისე წავიდა, რომ მოსახლეობამ მისი სახელის და გვარის დამახსოვრება ვერ მოახერხა

access_time2019-09-02 13:59:36

ბახტაძეს დაეუფლა განცდა, რომ რაღაც მისია შეასრულა და ვფიქრობ, ეს არის ერთადერთი საინტერესო კითხვა, რომელიც დღეს მას ჟურნალისტებმა შეიძლება დაუსვან: რა მისია ჰგონია რომ შეასრულა? - ამის შესახებ პრემიერ-მინისტრის თანამდებობიდან მამუკა ბახტაძის გადადგომის საკითხზე კომენტირებისას „ინტერპრესნიუსს“ თავდაცვის ყოფილმა მინისტრმა, არადამთავრობო ორგანიზაცია “სამოქალაქო იდეის“  თავმჯდომარემ  თინა ხიდაშელმა განუცხადა.


მისივე თქმით, მამუკა ბახტაძემ პრემიერობის პერიოდში ისიც კი ვერ მოახერხა, რომ საზოგადოებას მისი სახელი და გვარი დამახსოვრებოდა.


„საქართველოს ისტორიაში პირველი პრემიერია, რომელიც ისე მოვიდა და ისე წავიდა, რომ მისი სახელის და გვარის დამახსოვრება მოსახლეობამ ზუსტად ვერ მოახერხა. თავისთავად, მისი წასვლა არამგონია რაიმე საინტერესოს შემცველი იყოს, ამას დიდი დანანებით ვამბობ, რადგან მაინც ჩემი ქვეყნის პრემიერია. რაც შეეხება გახარიას მოსვლას პრემიერის პოსტზე, არ მგონია, რომ მარტივი იყოს ამ გადაწყვეტილების საპარლამენტო უმრავლესობაში გატანა. შესაბამისად, ბიძინა ივანიშვილი ყველა შემთხვევაში გამარჯვებულის თამაშს თამაშობს. ულტიმატუმის ენით ესაუბრება საკუთარ საპარლამენტო უმრავლესობას. გახარიას გაპრემიერების შემთხვევაში ისინი ყველა ერთად თანამონაწილეები ხდებიან 20 ივნისის მოვლენების, პანკისში განვითარებული მოვლენების, მაჩალიკაშვილის და სარალიძის საქმეების, ხოლო თუ ამ გადაწყვეტილებას არ მიიღებს საპარლამენტო უმრავლესობა, მაშინ ქვეყანა მივა საპარლამენტო არჩევნებამდე. არცერთი ვერსია არ არის ქვეყნისთვის კარგი, მაგრამ ორივე შემთხვევაში ბიძინა ივანიშვილი გამარჯვებული გამოვა. როგორც ჩანს, გუნდში არ არის თანხმობა, კონსენსუსი და საერთო აზრი - სწორედ ამით არის განპირობებული ის განცხადებები, რომ ცვლილებებთან დაკავშირებულ ინფორმაციას ნაწილს ხვალ გავიგებთ, ნაწილს ზეგ და იმის მერე“, - განაცხადა თინა ხიდაშელმა.



შეგახსენებთ, რომ მამუკა ბახტაძემ პრემიერის პოსტი დატოვა. შესაბამისი განცხადება მან სოციალურ ქსელში გააკეთა.


IPN





საქართველოში კორონავირუსით ინფიცირების 780 ახალი შემთხვევა დაფიქსირდა

საქართველოში კორონავირუსით ინფიცირების 780 ახალი შემთხვევა დაფიქსირდა
access_time2021-01-17 10:55:27
ბოლო 24 საათში ქვეყნის მასშტაბით ჩატარდა 9 083 კვლევა ტესტით, მათ შორის 4 796 კვლევა ანტიგენის ტესტით და 4 287 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 780 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 247 805-ს. ბოლო 24 საათში ვირუსისგან გამოჯანმრთელდა 1 608 პირი, ხოლო ჯამში გამოჯანმრთელებულთა რაოდენობა გაიზარდა...

Kaveuli Parfum აბასთუმნის ტყის სურნელით გაჯერებული ქართული სუნამო

Kaveuli Parfum აბასთუმნის ტყის სურნელით გაჯერებული ქართული სუნამო
access_time2021-01-16 16:00:10
პირველი ქართული არტიზანული სუნამო Kaveuli Parfum ქალებისა და მამაკაცებისთვის, თამარა ქაფიანიძემ თავისი დის დახმარებით, იტალიელ პარფიუმერის ბოტეგა მალატინის ჩართულობით შექმნა.     ქართული სოჭი, ციტრუსი, წიწაკა, კიპარისი, ჩინური ღვია... ქართული სუნამოსთვის ინგრედიენტები მსოფლიოს სხვადასხვა ქვეყნიდან ერთიანდება და საბოლოო ჯამში 30 მლ-იან ფლაკონში იყრის თავს.     სუნამო იტალიაში, იტალიელი პარფიუმერის სახელოსნოში ისხმება და გავლილი...

ქართული ოცნების ახალი პოლიტსაბჭოს შემადგენლობა ცნობილია [სია]

ქართული ოცნების ახალი პოლიტსაბჭოს შემადგენლობა ცნობილია [სია]
access_time2021-01-16 14:44:25
ქართული ოცნების ყრილობაზე ახალი თავმჯდომარის გარდა, რომელიც ირაკლი კობახიძე გახდა, განახლებული პოლიტიკური საბჭო აირჩიეს. საბჭოს შემადგენლობა...

საქართველოში კორონავირუსით ინფიცირების 1236 ახალი შემთხვევა გამოვლინდა

საქართველოში კორონავირუსით ინფიცირების 1236 ახალი შემთხვევა გამოვლინდა
access_time2021-01-16 10:59:15
ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 15 152 კვლევა ტესტით, მათ შორის 9 208 კვლევა ანტიგენის ტესტით და 5 944 PCR...

თემურ ჭყონია: ახალი ტექნოლოგიებით შესაძლებელია წყალტუბო ამერიკიდანაც მართო

თემურ ჭყონია: ახალი ტექნოლოგიებით შესაძლებელია წყალტუბო ამერიკიდანაც მართო
access_time2021-01-17 11:20:28
ბიზნესმენი თემურ ჭყონია „ბიზნესპარტნიორთან“ ქვეყანაში მართვის იმ მეთოდებზე საუბრობს, რომლის დროსაც არ ხდება თანამედროვე ტექნოლოგიების გამოყენება.   „ჩვენმა სახელმწიფომ დეკლარირება გააკეთა და ამაში ვეთანხმები, რომ საქართველო კოვიდის დროს უფრო დაცული ქვეყანაა და ტექნოლოგიურად შესაძლებელია უცხოელებმა საქართველოდან იმუშაონ, აქედან მართონ თავიანთი კომპანიები. ამას მოჰყვა განცხადებები, რომ მთავრობა საერთაშორისო IT კომპანიების საქართველოში შემოსვლას ხელს შეუწყობს. ეს ყველაფერი...


მსგავსი სიახლეები

up