როგორც ამბობენ - დღეს თუ რამე კეთდება  - კეთდება ჩინეთში. მოწინავე ტექნოლოგიები, მოდა, ბოლოს და ბოლოს TikTok.

 თუმცა., ჩინეთი კიდევ ბევრ საინტერესო ტრენდს ქმნის, რომელიც შემდეგ მთელს მსოფლიოში წარმატებით ვრცელდება.

 გთავაზობთ რამდენიმე ტრენდს ჩინეთიდან: 

სოციალური სესხი

2014 წლიდან ჩინეთში სოციალური სესხის პროგრამა მოქმედებს. ეს სისტემა ყოველ მოქალაქეზე სხვადასხვა წყაროდან ინფორმაციას აგროვებს. სწორი და საზოგადოებისთვის სასარგებლო საქციელის გამო ადამიანს გარკვეული ქულები ერიცხება, ხოლო ცუდი ქცევა რეიტინგის დაქვეითებას იწვევს.

მაღალი რეიტინგის მქონე ადამიანებისთვის გათვალისწინებულია შეღავათები სხვადასხვა სფეროებში - სესხის მიღებაში, მატარებელბზე ან თვითმფრინავზე ბილეთის შეძენის დროს, და ა.შ.

სოციალური კრედიტის ასეთივე სისტემა ბიზნესის მიმართაც მოქმედებს.

ხელოვნური ინტელექტი

ჩინეთში ხელოვნური ინტელექტი აქტიურად გამოიყენება  - კანონის დამრღვევთა ძებნაში, საგზაო მოძრაობის წესების დაცვაში, და ა.შ.

ბოლო წლებში  ჩინეთში ხელოვნური ინტელექტი ნაგვის სორტირებაშიც კი გამოიყენება - „ჭკვიანი ნაგვის ყუთი“ იმახსოვრებს ვინ, სად, და როდის ჩააგდო, და თუ, მაგალითად პლასტიკი შუშის ნარჩენებისთვის გათვალისწინებულ ყუთში მოხვდა, დამრღვევს ჯარიმა დაერიცხება.

მსოფლიო ლიდერი 5G – ტექნოლოგიაში

ჩინეთი - მსოფლიო ლიდერია 5G- ტექნოლოგიაში.

ამ სისტემის დანერგვის გეგმის რეალიზებას 2020 წელს ვერ გეოპოლიტიკურმა სირთულეებმა, და ვერ პანდემიამ ხელი ვერ შეუშალეს. ამ დროისთვის პეკინი და შენჩჯენი 5G-ტექნოლოგიი სრულად დაფარულია.

2022 წლისთვის, როდესაც ჩინეთში ოლიმპიადა ჩატარდება, ჩინეთი ამ სისტემის დანერგვის ტემპებს გააორმაგებს. ასეთი მიღწევებით 5G-ს დანერგვაში ვერც ერთი სხვა ქვეყანა ვერ დაიკვეხნის.

თუმცა, დღეს ჩინეთში უკვე 6G-ზე მუშაობენ, და ვარაუდობენ, რომ ეს ტექნოლოგია მონაცემთა გადაცემის კიდევ უფრო მაღალ სიჩქარეს უზრუნველყოფს.

ახალი მასალების გამოყენება

გრაფენი - ნახშირბადის ახალი მოდიფიქაციაა, რომელიც პირველად 1 წლის წინ შეიქმნა, თუმცა, მაღალი ფასის გამო ფართოდ არ გამოიყენება.

დღეს კი ჩინელი მეცნიერები მისი წარმოების ღირებულების შემცირებაზე მუშაობენ, და როდესაც ეს ბოლოს და ბოლოს მოხერხდება, შესაძლებელი გახდება ამ უნიკალური მასალის გამოყენება თითქის ყველა დარგში.

უკვე დღეს ჩინეთში გრაფენი Huawei-ს სმარტფონების წარმოებაში გამოიყენება.

KOL მარკეტინგი

KOL (Key Opinion Leader) -მარკეტენგი ჩინეთში სულ უფრო პოპულარული ხდება.

ექსპერტების ვარაუდით,  ამ მიდგომას ახლო მომავალში ჩინური ბრენდების საერთაშორისო ბაზარზე პოპულარიზაციისთვის სულ უფრო მეტი მნიშვნელობა მიენიჭება. სადღეისოდ ჩინეთში KOL მარკეტინგის დარგში რამდენიმე მსხვილი სააგენტო მუშაობს.

გიგაპოლისები  - მომავლის გიგანტური ქალაქები

ეკონომიკური განვითარების წყალობით სოფლების მოსახლეობა ქალაქებში მასობრივად გადაედინება, და ტრადიციულ მეგაპოლისებში  ამდენი ადამიანი არ ეტევა.

ამიტომაც, ჩინეთის ხელისუფლებამ დაიწყო გიგაპოლისების შენება  - ასობით შედარებით მცირე დასახლებული პუნქტის  გაერთიანების გზით გიგანტური სუპერქალაქების,  რომელთა მოსახლეობა ათობით მილიონს აღწევს.

ასეთი გიგაპოლისები პეკინის და შანხაის ირგვლივ უკვე იქმნება.

ადგილობრივი ღვინო

ტრადიციულად ღვინო ჩინეთში იმპორტული პროდუქტია, მაგრამ ბოლო წლებში ქვეყნის ჩრდილოეთ-დასავლეთში ადგილობრივი მეღვინეობას გაჩნდა.

არც თუ შესაფერისი კლიმატური პირობების მიუხედავად, ჩინურმა ღვინომ მრავალი საერთაშორისო ჯილდო უკვე მიიღო, შესაბამისად, ჩინელ მეღვინეებს საკუთარ ქვეყანაში თავიანთი ნიშის დაკავების შესაძლებლობა აქვთ.

ციფრული მოდა

პანდემიის გამო მოდების ონლაინ-ჩვენებები უკვე მთელს მსოფლიოში გავრცელდა, თუმცა, ჩინეთი ამ კუთხითაც ლიდერია. მაისში მოდის კვირეული შანხაიში მთლიანად ვირტუალური იყო.

დიზაინერები ვიდეორგოლებს იწერდნენ, ინტერაქტიულ ჩვენებებს ატარებდნენ და ყველაფერ ამის ტრანსლირებას ელექტრონული კომერციის ჩინური გიგანტი TMall ახორციელებდა.

სავარცხელი სხეულისთვის

ჩინეთში ბოლო პერიოდში ძალიან პოპულარულია სპეციალური სავარცხლები სხეულისთვის - ასეთი „დავარცხნა“ ადამიანებს ამშვიდებს, კანის ფერს აუმჯობესებს, და გაახალგაზრდავებასაც ხელს უწყობს.

gloss.ua

მოამზადა თენგიზ აბლოთიამ