„ეკატერინე ტიკარაძე, რომელიც ივანიშვილის ოჯახთან მეგობრობს,ჯანდაცვის სექტორს ანგრევს და შევარდნაძის პერიოდში გვაბრუნებს“

„ეკატერინე ტიკარაძე, რომელიც ივანიშვილის ოჯახთან მეგობრობს,ჯანდაცვის სექტორს ანგრევს და შევარდნაძის პერიოდში გვაბრუნებს“

access_time2019-12-27 10:00:43

„ხელისუფლება კი არა, ღორების ბრიგადაა! ვინც მიცნობს კარგად იცის, ვმუშაობ ყოველდღე, ლამის სიცოცხლეს ვათავებ საოპერაციოში. ეს ნაგვები, ექიმს რო ხელფასს არ მისცემ ახალი წლის წინ ოჯახს რო მიხედოს, ბანკის ვალები გადაიხადოს და ა. შ. და რამდენია ჩემსავით, და არა მარტო ექიმები, რით ვერ გაძეხით თქვე მართლა ღორებო!“ -  ეს უმწვავესი განცხადება სოციალურ ქსელში, თბილისის მე-5 კლინიკური საავადმყოფოს ექიმმა ნოდარ ხმალაძემ დაწერა. პრობლემა, რომელზეც ცობილი ქირურგი საუბრობს საყოველთაოა, რადგან ხმალაძის მსგავსად უხელფასოდ, შესაძლოა, კიდევ ძალიან ბევრი ექიმი დარჩეს. ჰოსპიტალური სექტორის წამომადგენლები ღიად აცხადებენ, რომ რამდენიმე თვეა ჯანდაცვის სამინისტრო გაწეული მომსახურების საფასურს კლინიკებს არ ურიცხავს, რამაც საავადმყოფოები მძიმე ფინანსურ კრიზისამდე მიიყვანა.

 

მაგალითად, ჯანდაცვის სამინისტრომ საყოველთაო ჯანდაცვის პროგრამით, დაახლოებით, 2 მილიონ ლარი უნდა ჩაურიცხოს კლინიკა „გულს“.  საავადმყოფოს დამფუძნებელი ანზორ მელიას იმედი არ აქვს, რომ სახელმწიფო კლინიკას დავლიანებას გაუსტუმრებს, ამიტომ ცნობილმა კარდიოლოგმა, ბანკიდან სესხი გამოიტანა, რათა საკუთარ ექიმებს ხელფასი გადუხადოს.

 

„ჯანდაცვის სამინისტროს ივნისის თვის ნახევარი არ ჩაურიცხავს, თანხა 150 000 ლარს შეადგენს, გადმოსარიცხია ივლისის თვის 302 000 ათასი ლარი, აგვისტოს 185 000 ლარი, სექტემბრის -206 000 ლარი, ოქტომბრის -352 000  ლარი და ნოემბრის - 558 000  ლარი. რამდენიმე დღის წინ ბანკიდან 200 000 ლარის სესხი ავიღე, რომ ხელფასების გაცემა შევძლო. ჩემს ექიმებს თანხა ორი დღის წინ დაერიცხათ, კიდევ კარგი ორი კვირის წინ დავიწყე ამ საკითხზე ზრუნვა, რადგან ამათი იმედი არ მქონდა“, - აცხადებს ანზორ მელია.

 

44 წლის სტაჟის მქონე კარდიოლოგი ამბობს, რომ ჯანდაცვის მინისტრი ჰოსპიტალური სექტორის წარმომადგენლებს ზემოდან უყურებს და არ ხვდება. ანზორ მელია აცხადებს, რომ ეკატერინე ტიკარაძე ჯანდაცვის სექტორს ანგრევს და შევარდნაძის პერიოდში აბრუნებს.  ექიმი „ქართული ოცნების“ თავმჯდომარეს, ბიძინა ივანიშვილს მიმართავს, რომ ტიკარაძე დროზე შეაჩეროს.

 


„არაფერი გამოვა სანამ ივანიშვილი ამ ქალს არ მოიშორებს, რომელსაც მოადგილებიც უარესები ჰყავს. დღეს კარდიო-ქირურგია და რეანიმაცია ისეთ დონოზეა, რომ ევროპის წამყვან კლინიკებს ვუტოლდებით. ჯანდაცვის საიმინისტროსგან არანაირი განმარტება არ მიგვიღია, ქალბატონი ეკატერინე ტიკარაძე ზედ არ გვიყურებს. რა უნვერსიტეტი დაამთავრა მინისტრმა? ვიცი, რომ რაღაც მესამეხარისხოვან უნივერსიტეტში სწავლობდა და ონლაინ მიიღო ავსტრიაში განათლება. ზემოდან გვიყურებს, ძალიან დამამცირებლად, ეს არის უვიცი ადამიანების დამოკიდებულება, როდესაც გავლენიან ადამიანთან გაქვს კავშირში და გგონია, რომ ძალიან მაგარი ხარ.  ტიკარაძე, რახან ივანიშვილის ოჯახთან მეგობრობს დაგვაჯდა თავზე, ზემოდან გვიყურებს, არ გვისმენს და გვემუქრებოდა პრემიერ-მინისტრათან, რომ ვიყავით. პრემიერ მინიტრმა გულთან უფრო ახლოს მიიტანა ყველაფერი, ეს კიდევ, გვემუქრებოდა, მე თქვენ გაჩვენებთო.


80 პროცენტი „ქართულ ოცნებას“ მხარს უჭერდა, რადგან შემოიტანა საყოველთაო ჯანდაცვის კარგი პროგრამა. სულ ვამბობდი, რომ დახვეწა სჭირდებოდა, რადგან სახელმწიფო ფულსაც ისე უნდა გაფრთხილება, როგორც საკუთარ ფულს. გაიხსნა ამდენი კლინიკა - მე გავხსენი? სამინისტრომ მისცა ლიცენზიები და ითვისებდნენ ბიუჯეტის ფულს, სწორედ ამის გამო ვერ გაუძლო პროგრამამ“, - განმარტავს ანზორ მელია.

 

„ჯოენის სამედიცინო ცენტრის“ დირექტორი ვახტანგ ლაშხი აცხადებს, რომ სახელმწიფოს საავადმყოფოს ორი თვის დავალიანება 1 287 000 ლარი აქვს. ექიმი აცხადებს, რომ კლინიკა  საფრთხის წინაშე დგას, რომ სამედიცინო პერსონალს უახლოს მომავალში ხელფასს ვეღარ გადაუხდის, რაც საბოლოოდ „ჯოენის სამედიცინო ცენტრის“ პარალიზებას გამოიწვევს.

 

„ხელშეკრულებით განსაზღვრულია ვადები, როდის უნდა ჩარიცხოს თანხა. ამ ეტაპზე სახელმწიფო აგვიანებს აგვისტოს თვეს და ნაწილობრივ არის დაგვიანებული სექტემბერის თვე. ვადებიდან გამომდინარე ოქტომბერ-ნოემბერს ჯერ ვერ მოვთხოვთ. სამედიცინო დაწესებულებები ვმუშაობთ ორი პროგრამით, ეს არის ვერტიკალური პროგრამა და საყოველთაო ჯანდაცვა. საყოველთაო ჯანდაცვაში ჩასარიცხი დავალიანება სექტემბერ-ოქტომბერში 467 000 ლარს შეადგენს, ხოლო ვერტიკალურ პროგრამაში დავალიანების ოდენობა 820 000 ლარია. ამ ეტაპზე პერსონალს ხელფასს მთლიანად ვერ ვუხდი, თანხას ნაწილ-ნაწილ ვრიცხავთ, რათა ადამიანებს საახალწლოდ, რაღაც ჰქონდეთ. ვდაგვარ იმ საფრთხის წინაშე, რომ მალე ექიმებს თანხას ვერ გადავუხდი. არ ვიცით როდის მოხდება დავალიანების ჩარიცხვა.ვფიქრობ, რომ პრობლემის მოსაგვარებლად ბევრი რამ უნდა გაკეთდეს და ქვეყანა ქვეყანას უნდა დაემსგავსოს“, - აცხადებს ვახტანგ ლაშხი.  

 

 

 ბაჩო ადამია




შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი

შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი
access_time2020-09-19 14:49:13
ის, რომ დღეს საქართველოს საფონდო ბირჟა განვითარებული არ არის, არის თუ არა მეტწილად ბანკების ბრალი, როგორც ამას ფინანსისტთა ნაწილი მიიჩნევს და შეუშალეს თუ არა მათ ხელოვნურად ხელი ბირჟის განვითარებას, ამ კითხვით Forbes Talks-ში წამყვანის მიერ დასმულ კითხვას „ლელო საქართველოს“ თავმჯდომარემ მამუკა ხაზარაძემ უპასუხა. პოლიტიკაში წასული ბიზნესმენი კატეგორიულად ამბობს, რომ არა! მისი თქმით, აქ პრობლემა რეგულაციებშია. ხაზარაძე Forbes Georgia-ს მთავარ რედაქტორთან ინტერვიუში ეროვნული ბანკის...

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე
access_time2020-09-14 14:15:25
ცენტრალურმა საარჩევნო კომისიამ უკვე გამოაქვეყნა რეკომენდაციები, თუ რა წესების დაცვა იქნება სავალდებულო საარჩევნო უბნებზე 31 ოქტომბერს დაგეგმილ არჩევნებზე. შემუშავებული რეკომენდაციების თანახმად, აღსანიშნავია, რომ უბნებზე მისულ ამომრჩეველს თერმოსკრინინგი არ ჩაუტარდება და ამასთან, მათ ინდივიდუალური კალმების გამოყენების საშუალება ექნებათ. ცესკოს მიერ შემუშავებული რეკომენდაციები ასე გამოიყურება: კენჭისყრის შენობის შესასვლელთან უნდა განთავსდეს დეზობარიერი (კოლექტიური დაცვის...

პროგრამის - აწარმოე საქართველოში 17 ბენეფიციარს ქონება ჩამოერთვა

პროგრამის - აწარმოე საქართველოში 17 ბენეფიციარს ქონება ჩამოერთვა
access_time2020-09-19 13:45:14
“აწარმოე საქართველოში“ პროგრამის ფარგლებში აღებული ვალდებულებების შეუსრულებლობის გამო, პროგრამის ამოქმედებიდან დღემდე ქონება 17 კომპანიას ჩამოერთვა. აღნიშნული ინფორმაცია BM.GE-მ ქონების მართვის სააგენტოდან გამოითხოვა. ქონებაჩამორთმეულ კომპანიებს შორისა: შპს “იბერია ევრო პრო”შპს “აილამა”შპს “ენ-ეიჩ-ელ 43 “შპს “წალკის რძის პროდუქტები” ( ხელშეკრულება შეწყდა ვალდებულებების შესრულების ვადის დადგომამდე, მოსალოდნელი შეუსრულებლობით)შპს „ხევი“შპს “ნ.გ...

კახა ბენდუქიძე: ამბობენ, რომ სააკაშვილის დროს ბევრ სფეროში დიდი დარღვევები იყო და ეს მართალია

კახა ბენდუქიძე: ამბობენ, რომ სააკაშვილის დროს ბევრ სფეროში დიდი დარღვევები იყო და ეს მართალია
access_time2020-09-19 14:45:19
„სააკაშვილმა მეკვიდრეობით მიიღო ფაქტიურად მომაკვდავი ქვეყანა თავისი ყველა მაჩვენებლით, არანაირი სახელმწიფოებრიობის ნიშნებით. ამავე დროს, არ იყო დრო, არ იყო კადრები, არც ფული, მაგრამ ჩვენ გვესმოდა, რომ უნდა გვემოქმედა ძალიან სწრაფად და შეუპოვრად. ქვეყნისთვის ყველაზე მთავარი საშიში პრობლემა იყო კორუფცია და დანაშაული. ამით დაინფიცირებული იყო საქართველოს სხეულის ყველა უჯრედი. საჭირო იყო გადაგვერჩინა მთლიანად სხეული და არა მისი ცალკეული ორგანოები და ჩვენ...

უნივერსიტეტებს უცხოელი სტუდენტების დაკარგვის ეშინიათ

უნივერსიტეტებს უცხოელი სტუდენტების დაკარგვის ეშინიათ
access_time2020-09-19 12:00:34
საქართველოს უმაღლეს სასწავლებლებში 13 000-ზე მეტი უცხოელი სტუდენტი სწავლობს. ახალი სასწავლო წელი მათთვის და მათი სასწავლებლებისთვის გამკაცრებული რეგულაციებით და გაზრდილი ხარჯით იწყება....


მსგავსი სიახლეები

up