„თიბისის“, „ლიბერთი ბანკსა“ და „საქართველოს ბანკს“ ინვესტიციების მოზიდვა გაურთულდება“

„თიბისის“, „ლიბერთი ბანკსა“ და „საქართველოს ბანკს“ ინვესტიციების მოზიდვა გაურთულდება“

access_time2021-02-09 10:00:06

სარეიტინგო კომპანია Fitch-მა  სამი ქართული სისტემური ბანკის მხარდაჭერის რეიტინგი 4-დან 5 ქულამდე შეამცირა და ბანკების „დახმარების სარეიტინგო მაჩვენებლები“ (Support Rating Floors - SRFs) „B“ დონედან „მაჩვენებლის გარეშე“ (NO FLOOR) დონემდე დასწია. ეს ბანკებია სს „თიბისი ბანკი“, სს „საქართველოს ბანკი“ და სს „ლიბერთი ბანკი“. რეიტინგების ცვლილება გამოიწვია საბანკო სარეზოლუციო კანონმდებლობის შემოღებამ. რეზოლუციის ჩარჩოს მიღება, Fitch-ის შეფასებით, ბანკის გაკოტრების შემთხვევაში უფროსი კრედიტორების გადარჩენის ქმედით მექანიზმს  უზრუნველყოფს.


„კომერსანტი“ დაინტერესდა რა გავლენას მოახდენს ეს ფაქტი უცხოელ ინვესტორებზე, რომლებიც საქართველოს საფინანსო სექტორში ინვესტიციით ინტერესდებიან. აღსანიშნავია, რომ 2020 წლის იანვარ-სექტემბერში პირდაპირი უცხოური ინვესტიციების მოცულობა 719.0 მლნ. აშშ. დოლარით განისაზღვრა, ყველაზე დიდი მოცულობის პირდაპირი უცხოური ინვესტიცია კი ბოლო წლების განმავლობაში საფინანსო სექტორში ხორციელდება, წინა წლის 9 თვეში ეს მთლიანი ინვესტიციების 42 %-ი იყო.


„Fitch-ის ეს შეფასება ამოვარდნილია სხვა სარეიტინგო სააგენტოების შეფასებისგან. არ ვთვლით, რომ ამას ნეგატიური გავლენა ექნება ინვესტორების ხედვაზე საქართველოს საფინანსო საბანკო სექტორის მიმართ. Fitch-ი ამბობს, რომ მაღალი დოლარიზაციის პირობებში მთავრობის მხარდაჭერის შესაძლებლობა არის შეზღუდული და აქედან გამომდინარე ამ ჩარჩოს გამოყენების შემთხვევაში მთავრობის დახმარების ალბათობა შემცირებულია. რეზოლუციის ასეთი ჩარჩოები ქვეყნებმა ზუსტად იმიტომ შემოიღეს, რომ 2008-2009 წლის კრიზისმა აჩვენა, რომ ამ ჩარჩოს გარეშე გადასახადის გადამხდელების თანხები შეიძლება გამოყენებული იყოს კონკრეტულ შემთხვევებში. ეს ჩარჩო იმას უზრუნველყოფს, რომ გადასახადის გადამხდელთა თანხები იქნას უფრო მეტად დაცული“, - აცხადებენ ეროვნულ ბანკში.



განსხვავებული მოსაზრება აქვს „ეკონომიკური ტრანსფორმაციის ცენტრის“ პრეზიდენტ რამაზ გერლიანს. ის თვლის რომ, ინვესტორებისთვის მსგავსი სახის სარეიტინგო კომპანიების შეფასებებს დიდი მნიშვნელობა აქვთ, ამიტომ „თიბისის“, „ლიბერთი ბანკსა“ და „საქართველოს ბანკს“ ინვესტიციების მოზიდვა გაურთულდება.


„Fitch- ის შეფასება რა თქმა უნდა უარყოფითად იმოქმედებს კონკრეტულად ამ სამი სუბიექტის შემთხვევაში, ვისთან მიმართებაშიც რეიტინგმა რეგრესი განიცადა. საბოლოო ჯამში საფინანსო სექტორში მოზიდული ინვესტიციების კუთხით საერთო ფონსაც შეცვლის, თუმცა უფრო მეტად ამ ბანკებზე აისახება. მიუხედავად იმისა, რომ სხვა დანარჩენ სექტორებთან მიმართებაში ხვედრითი წილით საფინანსო სექტორში მოზიდული ინვესტიციები მეტია, მაინცადამაინც დიდად არ გამოვირჩევით დიდი რაოდენობის ინვესტიციით, ეს იმაზე ბევრად ნაკლებია ვიდრე ამის პოტენციალი ქვეყანას აქვს. ზოგადად უარყოფითი რეიტინგები,  საბანკო სექტორისთვისაც არ არის კარგი, ამ შემთხვევაში კი „თიბისის“, „ლიბერთი ბანკსა“ და „საქართველოს ბანკს“ ინვესტიციების მოზიდვა გაურთულდება.


 სარეიტინგო კომპანიების შეფასებას ინვესტორები საკმაო ყურადღებას აქცევენ, როდესაც ისინი რომელიმე ქვეყანაში ახალი ინვესტიციით ინტერესდებიან, ეს რა თქმა უნდა ერთადერთი კრიტერიუმი არ არის, თუმცა მნიშვნელოვანია. უფრო მეტად ამას ყურადღებას აქცევენ ახალი, პოტენციური ინვესტორები ვიდრე ისინი, ვინც უკვე არსებობენ და გაფართოებას გეგმავენ“, - განაცხადა რამაზ გერლიანმა.


თეგები:
Fitch



მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-04-14 21:00:38
დღის TOP 10 საინტერესო ამბავი:   1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...


მსგავსი სიახლეები

up