კომერციული ბანკების აქტივებს მოცულობა ბოლო 1 თვეში 1.9%-ით და ბოლო 1 წელში 11.6%-ით 57 მლრდ ლარამდე გაიზარდა. 2 ყველაზე დიდი ბანკის აქტივები დანარჩენი 13 ბანკის აქტივების ჯამურ მოცულობას 77%-ით აღემატება. ამის შესახებ ინფორმაციას ეროვნული ბანკი ავრცელებს.

აქტივებში გაცემულ სესხებს - 39.6 მლრდ, თითქმის 70%-იანი წილი უკავიათ. ბანკები ამ სესხებიდან საპროცენტო შემოსავლის სახით 623 მლნ-ს ელიან.

ნაღდი ფულის მოცულობა 2.2 მლრდ–ს აღწევს, საინვესტიციო ფასიანი ქაღალდების - 5 მლრდ-ს, ძირითადი საშუალებებისა და არამატერიალური აქტივების ღირებულება კი - 1.8 მლრდ-ს. სააქციო კაპიტალი მთლიანი აქტივების 12.4%-ს – 7 მლრდ-ს შეადგენს.

რაც შეეხება პასივებს, 35 მლრდ-ზე მეტი ფიზიკური და იურიდიული პირების დეპოზიტებია, რასაც მათზე დარიცხული 269 მლნ-ის საპროცენტო ხარჯი ემატება. დეპოზიტების გარდა, სხვა წყაროებისგან ნასესხები თანხების მოცულობა კი 10 მლრდ-ს აჭარბებს.

კონკრეტული ბანკების მიხედვით პირველ ადგილზე 18.9 მლრდ-ით (30 ივნისის მდგომარეობით) პირველ ადგილს თიბისი ბანკი იკავებს, 17.5 მლრდ-ით კი მეორე ადგილს საქართველოს ბანკი. ამ 2 ბანკის წილი მთლიან საბანკო სექტორში 64%-ს აღწევს და დანარჩენი 13 ბანკის აქტივების ჯამურ მოცულობას 77%-ით აჭარბებს.