თიბისი-ს მხარდაჭერით CAMEX Airlines-ი მომხმარებელს საკუთარი საჰაერო ხომალდით მოემსახურება

თიბისი-ს მხარდაჭერით CAMEX Airlines-ი მომხმარებელს საკუთარი საჰაერო ხომალდით მოემსახურება

access_time2022-11-24 13:55:55

CAMEX Airlines-ი, ახალი ავიაგადამზიდავი კომპანია საქართველოში, საერთაშორისო კომპანია CAMEX International-ის სტარტაპ პროექტია, რომელიც თიბისის მხარდაჭერით მომხმარებელს უკვე საკუთარი საჰაერო ხომალდით მოემსახურება.


CAMEX International-ი, კამექსის სახელით, თითქმის 20 წელიწადია, საქართველოსა თუ საერთაშორისო ბაზრებზე წარმატებით ოპერირებს ავიაგადაზიდვების სფეროში.


737-800 ბოინგის ტიპის თვითმფრინავის შესყიდვა კამექსმა 2020 წელს, პანდემიური  შეფერხებების გამო გადაწყვიტა. დღეს კი კომპანიის დამფუძნებლები ამ ნაბიჯის დადებით შედეგებზე თამამად საუბრობენ.


„2020 წლის მარტში, როცა პანდემია გამოცხადდა და ტვირთის გადაზიდვა გართულდა, CAMEX International-მა შეიმუშავა სატვირთო თვითმფრინავის ექსპლუატაციის პროექტი და დაიწყო ინვესტორების მოძიება. პროექტი ჯერ  ამერიკულ საინვესტიციო ფონდ Gazelle Finance-ს წარვუდგინეთ, რომელიც მალევე დათანხმდა ჩვენთან პარტნიორობას. იმავდროულად, მივმართეთ თიბისი ბანკს. მათაც გავაცანით გეგმები, რომ გვსურდა, გამოგვეყენებინა მათი რესურსი პროექტში ინვესტირებისთვის.



თიბისი გვენდო და სტარტაპს მხარი დაუჭირა. პროექტი წარმატებით განხორციელდა და დღეს პირველი საკუთარი საჰაერო ხომალდი გვყავს. ჩვენს განკარგულებაშია ლოგისტიკური ჯაჭვის ყველა საჭირო რგოლი - სასაწყობე მეურნეობა, გადაზიდვა და დისტრიბუცია, რაც უფრო მეტ ოპერატიულობასა და მომხმარებლისთვის შედარებით ხელსაყრელი ფასის შეთავაზებას ნიშნავს. ეს ყველაფერი კი მომავალში უფრო მეტ ხარისხს, მეტ დასაქმებულ ადამიანსა და მომსახურების არეალის გაზრდასაც გულისხმობს“, - ამბობს კომპანია CAMEX Ailirnes-ის საინვესტიციო პროექტის ხელმძღვანელი, გიორგი სეთურიძე.


მცირე და დიდი ზომის ტვირთების ტრანსპორტირება ამერიკის შეერთებული შტატებიდან, გერმანიიდან, თურქეთიდან, ინგლისიდან და ჩინეთიდან საქართველოში ის ძირითადი სერვისია, რომლითაც კამექსს საქართველოსა თუ მის საზღვრებს გარეთ იცნობენ. რეგიონში ლიდერის პოზიციის დაკავებაში კამექსს ხელი მსოფლიოს წამყვან კომპანიებთან - AliExpress, Chapman Freeborn და Kühne + Nage მუდმივმა პარტნიორობამაც შეუწყო. ახლა უკვე საკუთარი საჰაერო ხომალდით, CAMEX Airlines-ი ადგილობრივ და საერთაშორისო მომხმარებელს სთავაზობს ჩარტერულ და რეგულარულ რეისებს, ნებისმიერი სახის ტვირთის გადასაზიდად. ავიაკომპანიამ პირველი ჩარტერული რეისი აგვისტოში შეასრულა.


ავიაკომპანიას პირდაპირი კავშირები აქვს ისეთ მნიშვნელოვან ცენტრებთან, როგორიცაა ფრანკფურტი, კიოლნი, ლიეჟი, სტამბოლი, ბაქო, ჩინეთის და ინდოეთის ქალაქები, თელ-ავივი, რაც ხელს უწყობს მომავალში ტვირთნაკადების კიდევ უფრო გაზრდას.


წარმატების მთავარ ფორმულად გიორგი სეთურიძე კამექსის გუნდს მიიჩნევს, რომელიც კომპეტენტური და საქმეზე შეყვარებული ადამიანებისგან შედგება და მათზე ზრუნვა კომპანიისთვის პრიორიტეტულია.


„ჩვენი კომპანიის მთავარი რესურსი არის გუნდი - პროფესიონალები, რომელთა შეფასების შედეგად ნდობა გამოგვიცხადეს სალიზინგო კომპანიებმა, მათ შორის, ისეთმა ლიდერმა, როგორიცაა BBAM. მსოფლიოში ერთ-ერთმა წამყვანმა სალიზინგო კომპანიამ სარგებლობაში გადმოგვცა საჰაერო ხომალდი. ეს იყო ჩვენი დიდი წარმატება - მათ აღიარეს ჩვენი გუნდი, რომელიც ოპერირებას გაუწევს თვითმფრინავს. საჰაერო ხომალდის ექსპლუატანტისთვის საჭირო ყველა ლიცენზია უკვე მოპოვებული გვაქვს, მათ შორის, EASA-ს ავტორიზაცია ევროპაში ფრენების შესასრულებლად. ყველა პროცესი ჩვენ სასარგებლოდ შეაფასა ბიზნესის მთავარმა რეგულატორმა, საქართველოს სამოქალაქო ავიაციის სააგენტომ“, - ამბობს გიორგი სეთურიძე.


სამომავლოდ, CAMEX Airlines-ი კიდევ 3 საჰაერო ხომალდის შეძენას და შესაბამისად, ფლოტის გაზრდას გეგმავს, რაც მისი საქმიანობის გეოგრაფიულ არეალს და ამ არეალში კომპანიის ცნობადობას კიდევ უფრო გააფართოვებს.

(R)




მოგების გადასახადი ბანკებისთვის 15%-ის ნაცვლად 20% იქნება

მოგების გადასახადი ბანკებისთვის 15%-ის ნაცვლად 20% იქნება
access_time2022-12-05 14:12:49
მთავრობა საბანკო სექტორს მოგების გადასახადს 5%-ით უძვირებს. როგორც მთავრობის სხდომაზე პრემიერ-მინისტრმა განაცხადა, მოგების გადასახადი ბანკებისთვის 15%-ის ნაცვლად, 20% იქნება. „მოგების გადასახადი ბანკებისთვის იქნება 20%, ნაცვლად 15%-ისა და ამით ჩვენ დამატებითი შემოსავლების მიღებას ვვარაუდობთ 2024 წლიდან. ასევე, მოგების გადასახადს ბანკები გადაიხდიან ფინანსური აღრიცხვის ანგარიშგების საერთაშორისო სტანდარტების მიხედვით. ჩვენ ვაფასებთ ბანკების როლს...

მთავრობამ კლიმატური და ბალნელოგიური კურორტების ნაწილის პროვატიზება გადაწყვიტა

მთავრობამ კლიმატური და ბალნელოგიური კურორტების ნაწილის პროვატიზება გადაწყვიტა
access_time2022-12-05 14:15:05
საქართველოს მთავრობამ კლიმატური და ბალნელოგიური კურორტების არსებული მდგომარეობა შეაფასა და ნაწილის პროვატიზება გადაწყვიტა. როგორც მთავრობის სხდომაზე ირაკლი ღარიბაშვილმა განაცხადა, მთავრობა აღნიშნული კურორტების მაქსიმალური პოტენციალის ათვისებას აპირებს, ღარიბაშვილის თქმით,  300-ზე მეტი კლიმატური და ბალნელოგიური კურორტიდან 100-ის მდგომარეობა შეფასდა და საბოლოო ჯამში ნაწილის გასხვისების გადაწყვეტილება იქნა მიღებული.

საერთაშორისო არბიტრაჟებში საქართველოს ჯამში 2.81 მლრდ აშშ დოლარს ედავებიან

საერთაშორისო არბიტრაჟებში საქართველოს ჯამში 2.81 მლრდ აშშ დოლარს ედავებიან
access_time2022-12-05 14:20:10
2022 წლის 23 სექტემბრის მდგომარეობით საერთაშორისო არბიტრაჟებში 7 მიმდინარე დავის ფარგლებში სადავო თანხის პოტენციური მაქსიმალური ოდენობა შეადგენს დაახლოებით 2.81 მლრდ აშშ დოლარს (7.87 მლრდ ლარს), რაც 2021 წლის მშპ-ს 13%-ს შეადგენს. ამის შესახებ ფინანსთა სამინისტროს მიერ გამოქვეყნებულ ანგარიშშია აღნიშნული. „საერთაშორისო არბიტრაჟებში დავების ფარგლებში, განსაკუთრებით იმ დავების, რომლებიც მასშტაბურია დავის თანხის თვალსაზრისით და უკავშირდებიან მსხვილ პროექტებს,...

საქართველოს ბიზნეს ასოციაციის წევრი კომპანია „ტრანსპორტერი“ გახდა

საქართველოს ბიზნეს ასოციაციის წევრი კომპანია „ტრანსპორტერი“ გახდა
access_time2022-12-05 12:25:03
საქართველოს ბიზნეს ასოციაცია განაგრძობს აქტიურ ზრდას, ამჯერად ასოციაციას კომპანია „ტრანსპორტერი“ შემოუერთდა, რომელიც 2015 წელს დაფუძნდა და მას შემდეგ, რეკრეაციული ტექნიკის, მოტოტექნიკის, სამებაღეო-სატყეო და აგრო ტექნიკის მიმართულებით მსოფლიოს წამყვანი 100-მდე ბრენდის ექსკლუზიური დისტრიბუტორია ამიერკავკასიის რეგიონში. აღსანიშნავია, რომ ტექნიკასთან ერთად, ტრანსპორტერი ბრენდირებულ აქსესუარებსა და ტექნიკურ სერვისს სთავაზობს მომხმარებელს. ტრანსპორტერი ოფიციალურად...

როგორი COVID სტატისტიკაა მსოფლიოში

როგორი COVID სტატისტიკაა მსოფლიოში
access_time2022-12-05 13:30:55
ამერიკული ჯონს ჰოპკინსის უნივერსიტეტის მონაცემებით, ორშაბათს დილის მდგომარეობით მსოფლიოში კორონავირუსით ინფიცირების დადასტურებული შემთხვევების რაოდენობამ 645 მილიონ 284 ათას 347 მიაღწია. მსოფლიოში ვირუსის გავრცელების დაწყებიდან დღემდე COVID-19-ით ინფიცირების შედეგად 6 მილიონ 640 ათას 939 ადამიანი გარდაიცვალა. 30 მილიონზე მეტი ინფექციის მქონე ქვეყნებში შედის აშშ, ინდოეთი, საფრანგეთი, ბრაზილია და გერმანია. ინფიცირებულთა და ინფექციის შედეგად გარდაცვლილთა...


მსგავსი სიახლეები

up