ქართული ბანკების ჯამური აქტივები 2021 წლის იანვრის 56.4 მლრდ ლარამდე კლების შემდეგ, თებერვალში გაიზარდა. ეკონომიკური კრიზისის მიუხედავად გაიზარდა სექტორის ჯამური მოგებაც. თუკი 2020 წელს სექტორის მთლიანმა მოგებამ 99 მილიონი ლარი შეადგინა და 8 ბანკმა წელი ზარალით დაასრულა, თებერვალში ბანკების უმრავლესობა მოგებაზეა, მცირედი ზარალი აქვს 4 ბანკს: „სილქ როუდ ბანკი“, „ზირაათ ბანკი საქართველო“, „ფინკა ბანკი საქართველო“ და „პაშა ბანკი საქართველო“. კომერციული ბანკების წმინდა მოგება 132 მლნ. ლარი იყო.

ეროვნული ბანკის 2020 წლის 31 დეკემბრის ფინანსური მაჩვენებლების მიხედვით, ყველაზე მაღალი - 123 მილიონიანი წმინდა მოგება „თიბისი ბანკს“ ჰქონდა, მეორე ადგილს კი „საქართველოს ბანკი“ 57,108,880 ლარის წმინდა მოგებით იკავებს. მესამე ადგილზე შარშანდელის მსგავსად „კრედო ბანკია“, რომლის წმინდა მოგებამ 13,950,614 ლარი შეადგინა, მაშინ როდესაც ბანკის აქტივების ზომა სულ რაღაც 1,395,024,280 ლარია.

Gbc.ge-ს მიერ კომერციული ბანკებიდან გამოთხოვილი ინფორმაციით, Top 8 ქართული ბანკის რეიტინგი წმინდა მოგების და აქტივების მიხედვით  ასეთია:

საქართველოს ბანკი - 110,861 ათასი ლარის წმინდა მოგება, აქტივების ზომა 20 401 600 ათასი ლარი;

თიბისი ბანკი - 101,181 ათასი ლარის წმინდა მოგება, აქტივების ზომა 22,523,461 ათასი ლარი;

ლიბერთი ბანკი - 6,847 ათასი ლარის წმინდა მოგება, აქტივების ზომა 2,710,345 ათასი ლარი;

პროკრედიტ ბანკი - 6,031 ათასი ლარის წმინდა მოგება, აქტივების ზომა 1,864,863 ათასი ლარი;

ტერაბანკი - 4,919 ათასი ლარის წმინდა მოგება, აქტივების ზომა 1,288,505 ათასი ლარი;

კრედო ბანკი - 4,548 ათასი ლარის წმინდა მოგება, აქტივების ზომა 1,378,208 ათასი ლარი;

ბაზისბანკი - 4,600 ათასი ლარის წმინდა მოგება, აქტივების ზომა 1,732,129 ათასი ლარი;

ვითიბი ბანკი ჯორჯია -  2,130 ათასი ლარის წმინდა მოგება, აქტივების ზომა 2,040,306 ათასი ლარი;