საფრანგეთის სპეცსამსახურები ცდილობენ დაადგინონ რუსეთის მთავრობის კვალი Pfizer-ის ვაქცინის დისკრედიტაციის მცდელობაში. საქმე რამდენიმე ცნობილი ბლოგერი მოსყიდვას ეხება.
მათ ღიად განაცხადეს, რომ ბოლო პერიოდში უცნობი ადამიანისგან, რომელიც მარკეტინგულ კომპანია Fazze-ში მუშაობდა ელექტრონული წერილები მიიღეს, რომელიც ამტკიცებდა, რომ ის ბლოგერებს YouTube-ში, Instagram-ში და სხვა პლატფორმებზე Pfizer-ს წინაამღდეგ კრიტიკული მასალების გამოქვეყნების სანაცვლოდ სერიოზულ თანხებს სთავაზობდა. ერთ-ერთი ბლოგერს თქმით, მას 2 000 ევრო შესთავაზეს, თუმცა, მან შეთავაზებაზე უარი განაცხადა.
საფრანგეთის უშიშროების სამსახური ვარაუდობს, რომ ამ წერილების უკან კრემლის დგას. კომპანია Fazze-ს საიტზე, რომელიც უკვე დაიხურა, მისამართად მითითებულია ლონდონი, თუმცა, ის არაა დარეგისტრირებული, როგორც ბრიტანული კომპანია. არსებული ინფორმაციით Fazze რუსული მარკეტინგული კომპანიის AdNow-ს მიერაა დაარსებული, თუმცა, თავად AdNow ამ საკითხზე კომენტარებს არ აკეთებს.
Fazze-ს თანამშრომელთა მონაცემები LinkedIn-ში აჩვენებს, რომ მათ შორის ბევრმა განათლება რუსეთში, მაგალითად ციმბირის სატრანსპორტო უნივერსიტეტში მიიღო.
გაურკვეველი წარმოშობის მარკეტინგული კომპანია ბლოგერებს დეზინფორმაციის გავრცელებას სთხოვდა - თითქოს Pfizer-ით აცრილ ადამიანებს შორის სიკვდილიანობა 3 -ჯერ უფრო მაღალია, ვიდრე AstraZeneca-ს შემთხვევაში.
ცნობილი ფრანგი სამეცნიერო ბლოგერი ლეო გრასე, რომლის YouTube -არხს Dirty Biology -ის 1,2 მლნ. გამომწერი ჰყავს, ამბობს, რომ მას Fazze-ს თანამშრომელმა მას რამდენიმე თეზისი გაუგზავნა. კერძოდ, ბლოგერს შესთავაზეს მაყურებლებისთვის შეკითხვის დასმა - რატომ ყიდულობენ მთავრობები Pfizer-ის ვაქცინას, რომელიც საშიშია ჯანმრთელობისთვის?
ლეო გრასეს შეკითხვაზე „ვინ არის კამპანიის სპონსორი?“ პასუხი იყო - „მას ინკოგნიტოდ დარჩენა სურს“.
კრემლთან კავშირზე ისიც მეტყველებს, რომ Fazze-ს მიერ შემოთავაზებულ თეზისები სრულ თანხვედრაში რუსული ვაქცინის „სპუტნიკ 5“-ს Twitter-აკაუნთზე გავრცელებულ ოფიციალურ პოზიციასთან - იქაც ნათქვამია, რომ ჩატარებული კვლევის თანახმად, Pfizer-ით ვაქცინაციით მეტი ადამიანი დაიღუპა, ვიდრე AstraZeneca-თი.
თუმცა, თავად „სპუტნიკი-5“-ს შემქმნელები ყოველგვარ კავშირს Fazze-სთან კატეგორიულად უარყოფს:
„სხვა ვაქცინების და ვაქცინაციის გლობალური კამპანიის წინაამღდეგ ჩვენ ყველანაირ არაეთიკურ ქმედებებს კატეგორიულად ვგმობთ “ - განაცხადეს რუსმა მეცნიერებმა.
Pfizer
