კომპანია S&P Global-ი ანალიტიკური სააგენტო IHS Markit-ის ყიდვას გეგმავს - გარიგება მომზადების ეტაპზეა და მხარეებს შორის პრინციპული შეთანხმება უკვე მიღწეულია.
გარიგების ღირებულება 44 მლრდ. დოლარია და რეალიზების შემთხვევაში ის 2020 წელს უმსხვილეს ხელმოწერილ ბიზნეს შეთანხმებად ჩაითვლება.
შეთანხმების მიხედვით, S&P Global-ი გაერთიანებული კომპანიის აქციათა 68%-ის მფლობელი გახდება.
30 ნოემბრის მდგომარეობით, IHS Markit -ის საბაზო კაპიტალიზაცია 36,8 მლრდ-ს, ხოლო S&P-ის კი - 82,1 მლრდ. დოლარს შეადგენს. შერწყმასთან დაკავშირებული მოლაპარაკებების პერიოდში IHS Markit-ის აქციების ფასი 5,3%-ით გაიზარდა, ხოლო S&P Global-ის 0,6%-თ შემცირდა.
IHS Markit 2016 წელს, კომპანიების IHS-ს და Markit-ის შერწყმის შედეგად შეიქმნა. მისი ძირითადი საქმიანობაა ფინანსური ბაზრების მონაცემების მონიტორინგი და შეგროვება. IHS Markit-ის პროგრამულ უზრუნველყოფას უოლ-სტრიტის მსხვილი ბანკები და ფინანსური კომპანიები აქციების და ობლიგაციების ბირჟაზე განთავსებისთვის იყენებენ.
კომპანია ასევე ტრანსპორტის და ენერგეტიკის დარგში მონაცემების აგროვებს და აანალიზებს.
S&P Global-ის სპეციალიზაციაა ფინანსური სექტორისთვის ბიზნესის სხვადასხვა დარგებზე ინფორმაციის მიწოდებაა. კომპანია სარეიტინგო სააგენტო S&P-ს მფლობელი და ინდექს Dow Jones-ის ერთ-ერთი აქციონერია.
სექტემბრის ბოლოს IHS Markit-მა მე-3 კვარტალში შემოსავლის შემცირების და მოგების ზრდის შესახებ განაცხადა, რაც დაკავშირებულია მისი კლიენტი-კომპანიების რეაბილიტაციის სხვადასხვა ტემპებთან. ყველაზე მეტად დაზარალდა განყოფილება, რომელიც ინფორმაციას ენერგეტიკულ კომპანიებს და რითეილერებს აწვდის.
S&P-ს შემოსავალი მე-3 კვარტალში 9%-ით გაიზარდა და ეს ყველა მიმართულებას, პირველ რიგში კი კომპანიის უმსხვილეს ბიზნესს, სარეიტინგო სააგენტოს შეეხო. თუმცა, შემოსავლის ზრდის მიუხედავად, მოგება 2019 წელთან შედარებით 50%-ით შემცირდა.
თუ S&P Global-ს და IHS Markit-ის შერწყმა შედგება, ეს 2020 წლის უმსხვილესი გარიგება იქნება და ფინანსური თვალსაზრისით ის ორ დაგეგმილ სხვა შეთანხმებას გაუსწრებს - ამ დროისთვის NVIDIA -ს & Arm Holdings-ის და Nippon Telegraph & Telephone და მისი ერთ-ერთი შვილობილი კომპანიის შერწყმა მზადდება. ორივე გარიგების ღირებულება 40-40 მლრდ. დოლარია.
მთლიანობაში 2020 წელს შერწყმების მსოფლიო ბაზარი 12%-ით შემცირდა, ხოლო აშშ-ში ვარდნამ 28% შეადგინა. ამის მიზეზი პანდემია გახდა, რომელმაც ყველა კომპანია უკვე არსებული ბიზნესების შენარჩუნებაზე და განვითარებაზე კონცენტრირება აიძულა.
ისევე, როგორც წინა წლებში, გარიგებებში ყველაზე აქტიურია მაღალი ტექნოლოგიების სექტორი - წლის მანძილზე ამ დარგში 669 მლრდ. დოლარის შერწყმა მოდა.
წინა კვირას გავრცელდა ინფორმაცია კიდევ ერთი მსხვილი გარიგების შესახებ - კერძოდ, Salesforce-მა 17 მლრდ. დოლარად სერვისი Slack 17 მლრდ. დოლარად იყიდა.
სავარაუდოდ, ეს მაღალი ტექნოლოგიების სექტორის ისტორიაში ერთ-ერთი ყველაზე ძვირადღირებული გარიგება იქნება.
wsj.com
მოამზადა თენგიზ აბლოთიამ