ბრიტანეთში ახალი შეზღუდვის შემოღებაზე მსჯელობენ. ამჯერად საუბარი იმაზე მიმდინარეობს, ქვეყანაში მაღაზიებში შესვლა შესაძლებელი მხოლოდ კოვიდ-სერტიფიკატების მქონე ადამიანებისთვის გახდეს თუ არა.
პრემიერ-მინისტრმა ბორის ჯონსონმა აღიარა, რომ მთავრობა სულ უფრო მეტად მზადაა იმისთვის, რომ შიდა კოვიდ-სტატუსი შემოიღოს, რომელიც ყოველდღიური ცხოვრების სხვადასხვა ნაწილს შეეხება.
ბრიტანეთის მცირე ბიზნესის საკითხებში მინისტრმა პოლ სკალიმ განაცხადა, რომ ამ ეტაპზე მიდის ამ საკითხის შესწავლა.
„სავარაუდოდ ცნობა ვაქცინაციის ან გადატანილი დაავადების შემდეგ ანტისხეულების შესახებ საკმარისი იქნება იმისთვის, რომ ადამიანი ყველგან შევიდეს, სადაც მას სურს“, - განაცხადა მან.
ოპოზიცია ამ ზომის წინაამღდეგია. ლეიბორისტული პარტიის წევრი, ჯანდაცვის ჩრდილოვანი მინისტრი ჯონატან ეშფორტი ამბობს, რომ შეთავაზებული ზომები თავისუფალი საზოგადოებისთვის მიუღებელია.
„როდესაც მოქალაქეს იმისთვის, რომ მან მაღაზიაში შარვალი იყიდოს, ვაქცინაციის ცნობს სთხოვენ. არამგონია ეს სამართლიანი იყოს. პირიქით, ეს ნამდვილი დისკრიმინაციაა და ჩვენ ამას ხმას ვერასდროს მივცემთ“, - მიიჩნევს ის.
არც მმართველ კონსერვატიულ პარტიაშია ერთიანი პოზიცია. 40 დეპუტატი-კონსერვატორი ინიციატივის მიღებაზე უარს ამბობს, შესაბამისად, არის იმის შანსი, რომ ლეიბორისტების და მეამბოხე-კონსერვატორების ხმები ამ კანონპროექტის ჩასაგდებად საკმარისი აღმოჩნდეს.
ამ საკითხთან დაკავშირებით კორონა-სკეპტიკოსებიც გააქტიურდნენ. ლოკდაუნის მოწინააღდეგეთა ჯგუფის Covid Recovery Group- ის ლიდერის მაიკ ჰარპერის თქმით, ამ კანონის ამოქმედების შემთხევაში ბრიტანეთი ორ ნაწილად გაიყოფა და მათ შორის ერთი ნაწილის სამოქალაქო უფლებები უხეშად დაირღვევა.
საერთაშორისო მასშტაბში, როგორც ჩანს კოვიდ-პასპორტები გარკვეული პერიოდით ტურიზმის განუყოფელი ნაწილი გახდება. ქვეყნის შიგნით მთავრობა მიიჩნევს, რომ კოვიდ-სერტიფიკატების სისტემის ამოქმედება მასობრივი ღონისძიებების, თეატრების, ღამის კლუბების მუშაობის, ფესტივალების და სპორტული შეჯიბრებების ჩატარების აღდგენაში დაეხმარება.
ამ ეტაპზე სერტიფიკატების გამოყენება პაბებში არ იგეგმება, თუნდაც იმიტომ, რამდენიმე დღეში მათი მუშაობა ჯერ მხოლოდ ღია ვერანდებზე განახლდება. თუმცა, იმის შემდეგ, რაც რესტორნები და ლუდხანები შიდა სივრცეებშიც გადავლენ (ეს 16 მაისს მოხდება), შესაძლოა, მათ სერტიფიკატების სისტემა შესთავაზონ. მთავრობაში მიიჩნევენ, რომ თავად პაბების და რესტორნების მფლობელები ამ სისტემის დანერგვაში დაინტერესებულები არიან. ეს მათ მუშაობას უფრო უსაფრთხოს გახდის და ამიტომაც, მეტი კლიენტების მოზიდვაში დაეხმარება.
თუმცა, ეს მარტივი საკითხი არაა, იმის გათვალისწინებით, რომ ვაქცინაცია ბრიტანეთში არცთუ ისე მაღალი ტემპებით მიმდინარეობს.
ბევრი ახალგაზრდა ადამიანისთვის ვაქცინაციის ჯერი უკეთეს შემთხვევაში ივლისში მოვა, ასევე არსებობს ადამიანთა კატეგორია, რომლისთვისაც ვაქცინაცია დაუშვებელია ჯანმრთელობის მდგომარეობის გამო. ამიტომაც ვაქცინაციის სერტიფიკატთან ერთად მის ეკვივალენტად 2-3 დღის წინ გაკეთებული უარყოფითი PSR-ტესტიც ჩაითვლება.
გარდა ამისა, იმათთვის, ვინც ვაქცინაციაზეც და ტესტირებაზეც უარს განაცხადებს, დადგინდება ობიექტების ჩამონათვალი, სადაც კოვიდ-სერტიფიცირების სისტემა არ იმოქმედებს, მაგალითად საზოგადოებრივი ტრანსპორტი, საავადმყოფოები და სასურსათო მაღაზიები.
ბოლო თვეებში ბრიტანეთში დამსაქმებლები თავიანთი თანამშრომლებისგან ვაქცინაციის გავლას ითხოვენ. მთავრობაში ასევე სამედიცინო სფეროს წარმომადგენლებისთვის სავალდებულო აცრის შემოღების საკითხიც განიხილება.
thetimes.co.uk
მოამზადა თენგიზ აბლოთიამ
შოპინგი
