The New York Times: მდიდარი ემიგრანტების რაოდენობა იზრდება – 2016 წელს სამშობლო 82 000 მილიონერმა დატოვა

The New York Times: მდიდარი ემიგრანტების რაოდენობა იზრდება – 2016 წელს სამშობლო 82 000 მილიონერმა დატოვა

access_time2017-02-27 20:30:37

იმიგრაციასთან დაკავშირებით დღეს ევროპასა და ამერიკასი სერიოზული მსჯელობა მიმდინარეობს. თუმცა იგივე ამერიკასა და ევროპაში იმიგრანტების ერთი განსაკუთრებული ჯგუფს ხელგაშლილები ხვდებიან - ესენი არიან მილიონრები. ასე იწყება გაზეთ The New York Times-ის სტატია, რომლის ავტორის რობერტ ფრანკის თანახმად, გასულ წელს რეკორდულად დიდი რაოდენობით, კონკრეტულად - 82,000 მილიონერი გადავიდა ამა თუ იმ ქვეყანაში საცხოვრებლად. კერძოდ, გაზეთის სტატიაში ვკითხულობთ:

 

 

"მართალია, ემიგრანტი მილიონერების რიცხვი ვერ შეედრება ვერც ზოგადად გლობალურ იმიგრაციას, თუ მსოფლიოში მილიონერთა საერთო რაოდენობას, მაგრამ მათ მიმართ დამოკიდებულება ბოლო დროს განსაკუთრებით გულთბილი გახდა იმ ქვეყნებში, რომლებიც ყველანაირად ცდილობენ მათ გადმობირებას.
რა თქმა უნდა, ამგვარი დამოკიდებულება მკაფიო კონტრასტშია იმასთან, თუ როგორ ეკიდებიან სხვადასხვა ქვეყანაში ღარიბ იმიგრანტებს. უნდა ითქვას, რომ ასეთი გლობალური უთანასწორობა ნაკლებადაა შესამჩნევი, ისევე როგორც ჩამოყალიბება ახალი კულტურისა, რომელსაც შეადგენენ ფესვებდაკარგული, სხვაგან გამგზავრებული შეძლებული ადამიანები.

 

 

ამასთან დაკავშირებით, ინტერესმოკლებული არ არის ერთერთი ნიუ-იორკელი იურისტის ნათქვამი, რომლის ფირმა ეხმარება მდიდარ კლიენტებს რელოკაციაში, მთელს მსოფლიოში. "შეძლებულ ხალხს არ აქვს მშობლიური ქვეყანა. თავიანთ წარმატებას ისინი აღარ უკავშირებენ კონკრეტულად ერთ რომელიმე ქვეყანას. მათი აზრით, წარმატება განპირობებულია მათი ბიზნეს-სტრატეგიით, რომელიც სწორად იყო შერჩეული. გასაოცარია, თუ როგორ მატულობს იმ მდიდართა რაოდენობა, რომლებიც მობილურობით გამოირჩევიან" - დასძენს ამერიკელი იურისტი.

 

 

უნდა აღინიშნოს, რომ მდიდრები ყოველთვის შეადგენდნენ მოუსვენართა კლასს. წარსულში მათი გადაადგილება ძირითადად განპირობებული იყო სეზონური ცვლილებითა და სოციალური კავშირებით. მაგრამ დღევანდელი სურათი განსხვავებულია. სულ უფრო მატულობს იმ მილიონერ ოჯახთა რაოდენობა, რომლებიც მოქალაქეობას იცვლიან, ბავშვებს საზღვარგარეთ უშვებენ, ან პერმანენტულად სახლდებიან მათ მიერ არჩეულ ქვეყანაში.

 

ამ ხალხის გადაადგილება იმდენად არაა განპირობებული ეკონომიკურად არასახარბიელო პერსპექტივითა თუ კონფლიქტებით. აქ უკვე სხვა ფაქტორები თამაშობს როლს. მილიონერი მიგრანტები თავიანთი შვილებისთვის საუკეთესო სასწავლებლებს ეძებენ. მათთვის არანაკლებ მნიშვნელოვანია ფინანსური უსაფრთხოება და ცხოვრების სტილი. თანამედროვე ტექნოლოგია, გლობალური ბაზრების ზრდა, გლობალური ინვესტორების წარმოჩენა - ყველაფერმა ამან ხელი შეუწყო საერთაშორისო მილიონრების კლასის ჩამოყალიბებას, რომლებსაც საკუთარი ქვეყანა არ გააჩნიათ" - ნათქვამია The New York Times-ის სტატიაში.

 

 


გაზეთის ინფორმაციით, ჩატარებული კვლევების თანახმად შეძლებულ ადამიანთა მიგრაცია 2013 წლიდან 60 პროცენტით გაიზარდა და გამორიცხული არ არის, რომ სულ მოკლე ხანში, ყოველწლიურად მილიონერთა მიგრაცია 100,000-ს გადააჭარბებს.

 

 

"ეს რა თქმა უნდა, ძალზე მცირე ნაწილია გლობალურად იმ 13 600 000 ადამიანთან შედარებით, რომლებსაც აქტივებიდან ვალდებულებათა გამოკლებით მინიმუმ ერთი მილიონი დოლარი რჩებათ მობილური კაპიტალის სახით.

 

 

მიგრაციის რუკაც იცვლება საკმაოდ სწრაფად. ავსტრალია გახდა ყველაზე პოპულარული მილიონერი იმიგრანტებისთვის. ამ მხრივ ქვეყანამ შეერთებულ შტატებსაც კი აჯობა. გასულ 2016 წელს, ავსტრალიამ მიიღო 11,000 უცხოელი მილიონერი იმ დროს, როცა შეერთებულ შტატებში 10,000 მილიონერი გადასახლდა. მესამე ადგილზეა კანადა, რომელმაც 8,000 მილიონერი მიიღო. კანადის შემდეგ მოდის გაერთიანებულ არაბთა ემირატები და ახალი ზელანდია.

 

 

რაც შეეხება იმ ქვეყნებს, რომლებსაც მილიონერები ტოვებენ, ამ მხრივ, პირველ ადგილზეა საფრანგეთი, რომელიც შარშან 12,000-მა მილიონერმა დატოვა. ჩინეთი მეორე ადგილზეა, მისი დატოვევაბა შარშან 9,000-მა მილიონერმა გადაწყვიტა, შემდეგ მოდიან ბრაზილია, ინდოეთი და თურქეთი.

 

 

ავსტრალია აღმოჩნდა განსაკუთრებით მიმზიდველი ჩინელი მილიონერებისთვის. ავსტრალია გეოგრაფიულად ძალიან შორსარაა ჩინეთიდან. ქვეყანა გამოირჩევა სასწავლებელთა ფართო არჩევანით, ეკოლოგიურად სუფთაა, ასევე პოლიტიკური და ეკონომიკური სტაბილურობა გარანტირებულია. ავსტრალიაში მოქმედებს პროგრამა, რომელიც ითვალისიწინებს ფულის გადახდას ვიზაში. ეს პროგრამა უადვილებს შეძლებულ იმიგრანტებს ავსტრალიაში ჩასვლასა და იქაური მოქალაქეობის მიღებას.

 

 

2012 წლიდან ავსტრალიაში ასევე მოქმედებს პროგრამა, რომლის თანახმად, ქვეყანაში დაახლოებით 4 მილიონი დოლარის ინვესტირების სანაცვლოდ, იმიგრანტს ეძლევა განსაკუთრებული ინვესტორის ვიზა. დღეისთვის, 1,300-მა უცხოელმა ისარგებლა ხსენებული პროგრამით. მათი რაოდენობის 90-თ პროცენტს ჩინელები შეადგენენ.

 

 

თუმცა მათთვის, ვისაც მხოლოდ ერთ მილიონ დოლარზე ნაკლები ინვესტირების საშუალება გააჩნია, მოქმედებს სხვა პროგრამა რომელიც შედარებით მეტ შეზღუდვას შეიცავს და ქვეყანაში შესასვლელი ვიზისთვის უფრო ხანგრძლივ ლოდინსაც ითვალისწინებს" - ნათქვამია The New York Times-ის სტატიაში.

 

 


ავტორი: საერთაშორისო მიმომხილველი გიორგი ჩხუბიანიშვილი



Glovo პარტნიორ კურიერებს ანაზღაურების ახალ სისტემას სთავაზობს

Glovo პარტნიორ კურიერებს ანაზღაურების ახალ სისტემას სთავაზობს
access_time2021-05-16 09:55:32
Glovo პარტნიორ კურიერებს ანაზღაურების ახალ სისტემას სთავაზობს: საათების მაქსიმალურად შემცირება და ბონუსების სტრუქტურის თითოეულ შეკვეთაში გადატანა - კურიერების უსაფრთხოება და ანაზღაურების უფრო სამართლიანი სტრუქტურა Glovo მსოფლიოს ერთ-ერთი წამყვანი მოთამაშეა მულტი კატეგორული მიტანის სერვისის ინდუსტრიაში. კომპანია 26-ზე მეტ ქვეყანაში ოპერირებს და თანამშრომლობს 25 000-ზე მეტ პატნიორ კურიერთან. Glovo უკვე ორ...

მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ

მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ
access_time2021-05-15 15:51:59
ბათუმის განახლებულ საერთაშორისო აეროპორტში დღეს პირველი რეისი შეასრულა ყაზახურმა ავიაკომპანიამ „ეარ ასტანა", რომელმაც რეგულარული რეისების შესრულება განაახლა ალმათი - ბათუმი - ალმათის...

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა
access_time2021-05-15 11:53:01
„ბიზნესთან აქტიური კომუნიკაცია წარმოადგენს საქართველოს მთავრობის პრიორიტეტს და პანდემიასთან დაკავშირებული გამოწვევების ფონზე განსაკუთრებით აქტუალურია, მათთან ერთად ვიმსჯელოთ როგორც რეგულაციების შემსუბუქების ან ეტაპობრივი მოხსნის, ასევე ვაქცინაციის და სხვა მნიშვნელოვან საკითხებზე, რათა დავიცვათ ბალანსი და ვიპოვოთ ისეთი შუალედი, რომ მაქსიმალურად დავიცვათ როგორც ბიზნესის, ასევე ჩვენი საზოგადოების ინტერესები და ეპიდემიოლოგების რეკომენდაციები - ამის შესახებ...

14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

„2020 წელი ბაზრის საერთო მდგომარეობით კარგი იყო, თუმცა ზოგადად სადაზღვევო კომპანიებისთვის კარგი წელი არ ყოფილა“ - არდი

„2020 წელი ბაზრის საერთო მდგომარეობით კარგი იყო, თუმცა ზოგადად სადაზღვევო კომპანიებისთვის კარგი წელი არ ყოფილა“ - არდი
access_time2021-05-16 10:00:44
„2020 წელი ბაზრის საერთო მდგომარეობით კარგი იყო, თუმცა ამ კუთხით მაინც მინდა აღვნიშნო, ის რომ ეს გამოწვეული იყო ცალკეული, რამოდენიმე, კომპანიების წარმატებით, რომელმაც ჯამურად კარგი სურათი მოგვცა, თუმცა ზოგადად სადაზღვევო კომპანიებისთვის კარგი წელი არ ყოფილა” - ამის შესახებ რადიო კომერსანტის გადაცემაში „დაზღვევის დრო გიორგი ჩაჩუასთან ერთად“ არდის გენერალურმა დირექტორმა მიხეილ ჯაფარიძემ ისაუბრა. მისი თქმით, 2020 წელი „არდისთვის“ გამოწვევებით სავსე და ფინანსურად რთული წელი იყო....


მსგავსი სიახლეები

up