The New York Times: ევროზონა თანახმაა, რომ საბერძნეთს დამატებითი ფინანსური დახმარება გამოუყოს

The New York Times: ევროზონა თანახმაა, რომ საბერძნეთს დამატებითი ფინანსური დახმარება გამოუყოს

access_time2017-02-21 20:00:33

გასულ კვირას, ათენში ევროზონის ფინანსთა მინისტრები შეთანხმდნენ მოლაპარაკებათა დაწყებაზე. მოლაპარაკებები მომდევნო კვირას დაიწყება და შეეხება საბერძნეთისთვის ვალის დაფარვას შედარებით შეღავათიან პირობებს. ამის შესახებ ნათქვამია გაზეთ The New York Times-ის სტატიაში, რომლის ავტორის ჯეიმს კანტერის თანახმად, საბერძნეთისთვის ხსენებული შეღავათი მეტად მნიშვნელოვანია მის მიმართ გატარებული მკაცრი ეკონომიკური პოლიტიკის შესარბილებლად, რომელიც წლების განმავლობაში ამუხრუჭებს ქვეყნის ეკონომიკას.

 

"შეთანხმებამ ვერ მოიცვა მთლინობაში გარიგება, რამეთუ მოუგვარებელი რჩება საბერძნეთში პენსიების საკითხი და შრომის კანონმდებლობასთან დაკავშირებული უთანხმოება. მიუხედავად ამისა, ეს გარღვევა საკმაოდ დადებითი ნიშანია გერმანიის კანცლერ ანგელა მერკელსა და საერთაშორისო სავალუტო ფონდის ხელმძღვანელს ქრისტინა ლაგარდს შორის. ეს შეხვედრა ამ დღეებში გაიმართება. როგორც ცნობილია, მერკელსა და ლაგარდს შორის განსხვავებული პოზიციებია საბერძნეთისთვის ვალის შემსუბუქების საკითხში.

 


საბერძნეთს აღარ სჭირდება ვალის მორიგი მნიშვნელოვანი დაფარვა ამ წლის ზაფხულამდე, მაგრამ ახლოვდება არჩევნები საფრანგეთში, გერმანიასა და ნიდერლანდებში. ბუნებრივია, საბეძნეთისთვის ფინანსური შეღავათები შეიძლება გახდეს პოლიტიკური საკითხი ხსენებულ ქვეყნებსა და საერთოდ მთელს ევროპაშიც. ევროპელი ოფიციალური პირები განსაკუთრებით ცდილობენ თავი აარიდონ კიდევ ერთ შესაძლო სერიოზულ კრიზისს, თუნდაც იმიტომ, რომ სალაპარაკო არ მისცენ უკიდურესად მემარჯვენე პარტიებს არჩევნების მსვლელობაში.

 

ევროჯგუფის პრეზიდენტის ჯეროენ დიჯსელ-ბლოემის განცხადების თანახმად, საბერძნეთის კრედიტორთა წარმომადგენლები სულ მოკლე დროში შეიკრიბებიან ათენში. ამასთან დაკავშირებით, ევროჯგუფის პრეზიდენტმა კმაყოფილება გამოთქვა. ლაპარაკია ევროზონის 19 ქვეყნის ფინანსთა მინისტრების შეკრებაზე და ეს იქნება მნიშვნელოვანი გარღვევა საბერძნეთის კრიზისის მოგვარებაში, წლების განმავლობაში რომ გრძელდება.

 

საბერძნეთის ფინანსური მდგომარეობა ყურადღების ცენტრში მოექცა მას შემდეგ, რაც თავი იჩინა გლობალურმა ფინანსურმა კრიზისმა. მას აქეთ, ქვეყანა ფინანსურ დახმარებებზეა დამოკიდებული. მაგრამ ამ დახმარების სანაცვლოდ, კრედიტორებმა საბერძნეთისგან ბიუჯეტის გამკაცრება მოითხოვეს, რაც საჭირო იყო ქვეყნის ვალის დასაფარად. ეს უკანასკნელი ამჟამად 180 პროცენტს აღწევს მთლიან შიდა პროდუქტთან მიმართებაში. ამის გამო იყო, რომ საბერძნეთში მნიშვნელოვნად შემცირდა პენსიები და სხვადასხვა სოციალური პროგრამები. გარდა ამისა, შესამჩნევად გაიზარდა იმ ბერძენ მოქალაქეთა რაოდენობა, რომლებიც გადასახადებს იხდის" - ნათქვამია გაზეთის სტატიაში.

 


სოციალური პროგრამების შემცირებამ მნიშვნელოვნად აზარალა ბერძნები, ქვეყნის ეკონომიკაც დაღმავლობას განიცდის. უმუშევრობამ 25 პროცენტს გადააჭარბა, ხოლო ფინანსური კრიზისის დაწყებიდან ეკონომიკის მოცულობამ ერთი მეხუთედით იკლო. როგორ უკვე ქვეყნის ოფიციალური პირები აღიარებენ, ბერძენ პენსიონერებს ძლივს ყოფნით სახსრები ყოველდღიური ცხოვრებისთვის.

 

უნდა აღინიშნოს, რომ "ქამრების მოჭერის" პოლიტიკის თაობაზე აზრთა სხვაობამ იჩინა თავი საბერძნეთის ორ ძირითად კრედიტორს შორის. ესაა გერმანია და საერთაშორისო სავალუტო ფონდი. საკითხავია, ეს უკანასკნელი აპირებს თუ არა მონაწილეობა მიიღოს ქვეყნისთვის რიგით უკვე მესამე ფინანსური დახმარების პროგრამაში. თუმცა, სავალუტო ფონდს საჭიროდ მიაჩნია საბერძნეთისთვის გარკვეული შეღავათების გაწევა მისი ვალის შემსუბუქების კუთხით.

 

ბერლინი და ევროზონის სხვა წევრი-ქვეყნები არ გამოთქვამენ სურვილს საბერძნეთს ვალი შეუმცირონ. როგორ ითქვა, ვალის შემცირება ევროზონაში გადასახადების გადამხდელთა ხარჯზე მოხდება.

 

მეორეს მხრივ, როგორც ამას ევროჯგუფის პრეზიდენტი ამბობს, მკაცრი საბიუჯეტო ზომებიდან სტრუქტურულ რეფორმებზე გადასვლა საჭიროა ფინანსურ დახმარებაში სავალუტო ფონდის ჩართვის მიზნით.

 

უნდა ითქვას, რომ საბერძნეთის მთავრობა მიესალმა იმას, რასაც მან "პოლიტიკური შეთანხმება" უწოდა. განცხადების თანახმად, ათენისთვის მისაღებია კრედიტორთა მოთხოვნა ქვეყნის ეკონომიკაში სტრუქტურული ცვლილების გატარებაზე. როგორც ითქვა, ხსენებული ცვილებები კანონმდებლობით იქნება უზრუნველყოფილი. შეთანხმების მიღწევის შემთხვევაში, ცვლილებები ძალაში შევა მანამ, სანამ საბერძნეთისთვის რიგით მესამე ფინანსური დახმარება ამოიწურება მომდევნო წლის ბოლოს.

 

აღსანიშნავია, რომ სავალუტო ფონდმა დადებითი შეფასება მისცა ათენში დაგეგმილ შეხვედრას. ფონდის განცხადებაში ნათქვამია, რომ საბერძნეთი პროგრესულად ასრულებს მისდამი წაყენებულ მოთხოვნებს. სავალუტო ფონდი აპირებს ჩაერთოს მოლაპარაკებებში რეფორმის გატარების თაობაზე" - ნათქვამია გაზეთ The New York Times–ის სტატიაში.

 


ავტორი: საერთაშორისო მიმომხილველი გიორგი ჩხუბიანიშვილი



ეროვნულ ბანკს კონკურენციის შესახებ კანონის აღსრულება დაევალება

ეროვნულ ბანკს კონკურენციის შესახებ კანონის აღსრულება დაევალება
access_time2020-09-23 09:50:04
საქართველოს ეროვნული ბანკის შესახებ საქართველოს ორგანულ კანონში შესული ცვლილებების თანახმად, ეროვნულ ბანკს კონკურენციის შესახებ კანონის აღსრულება დაევალა. ცვლილებები ძალაში 4 ნოემბრიდან შევა და შეავსებს იმ ვაკუუმს რაც კანონის აღსრულების კუთხით იდგა ბანკებისა და მიკროსაფინანსო ორგანიზაციების მიმართ.   ორგანულ კანონში ცვლილებებს წლებია ითხოვს სადაზღევევო სექტორი, რომელმაც ბანკების მხირდან კონკურენციის შესახებ კანონის დარღვევა არაერთხელ საჯაროდ...

ქართული კომპანიების ფინანსური მონაცემები ერთ სივრცეში

ქართული კომპანიების ფინანსური მონაცემები  ერთ სივრცეში
access_time2020-09-23 09:50:26
Bihub.ge-ზე უკვე შესაძლებელია საქართველოს ეკონომიკის მამოძრავებელი აქტიური კომპანიების ფინანსური მონაცემების ერთიან სივრცეში ნახვა. ინტერაქტიულ დეშბორდზე ნახავთ I, II, III და IV კატეგორიაში შემავალი ბიზნესებისა და სდპ პირების ფინანსური შედეგების ანალიტიკას.   3000-ზე  მეტი I-III კატეგორიის კომპანიის დეტალური ინდივიდუალური (კონსოლიდირებული) ფინანსური ანგარიშგებები. სულ რამდენიმე კლიკით შესაძლებელია გაიგოთ, თუ როგორაა 25000-ზე მეტი კომპანია,...

სს „წყალი მარგებელმა”, ბუღას ბრენდით სამი ახალი პროდუქტის წარმოება დაიწყო

სს „წყალი მარგებელმა”, ბუღას ბრენდით სამი ახალი პროდუქტის წარმოება დაიწყო
access_time2020-09-23 09:30:08
„ვარდისფერი ბუღა“, „ბუღა ტონიკი“ და „ბუღა ველნესი 0 კალორია“ ქართულ ბაზარზე სს „წყალი მარგებელმა“ ბუღას ბრენდით, სამი ახალი პროდუქტის წარმოება დაიწყო.   კომპანიის პორტფელში, ერთ-ერთი ყველაზე მოთხოვნად პროდუქტს, ქართულ ენერგეტიკულ სასმელ, „ბუღას“, 2020 წლის სექტემბრიდან ორი ახალი ენერგეტიკული სასმელი და მატონიზირებელი წყალი დაემატა. მომხმარებელს ახალი გემოების დაგემოვნება უკვე შეუძლია. ენერგეტიკული სასმელი „ვარდისფერი...

„air georgia“ პირველი ქართული დაბალბიუჯეტიანი ავიაკომპანია, რომელიც „Wizzair“-ის და „ryanair“ - ის კონკურენტი იქნება

„air georgia“ პირველი ქართული დაბალბიუჯეტიანი ავიაკომპანია, რომელიც „Wizzair“-ის და „ryanair“ - ის კონკურენტი იქნება
access_time2020-09-23 11:00:02
„Wizzair და ryanair“ შემდეგ ქართულ ავიაბაზარზე ახალი დაბალბიუჯეტიანი კომპანია იწყებს ოპერირებას. პროექტი ბრიტანული და არაბული ინვესტიციით ხორციელდება. „air georgia“-ს მოლაპარაკებები საქართველოს მთავრობასთან გადამწყვეტ ფაზაშია. ,,ჰაბ ჯორჯიას“ დამფუძნებელი გიორგი კოდუა კომერსანტთან საუბარში აცხადებს, რომ კორონავირუსით გამოწვეულმა პანდემიამ მსოფლიოს და მათ შორის საქართველოს რთული გამოწვევების პარალელურად ახალი შესაძლებლობები შეუქმნა.   „უპირობოდ გვაქვს შანსი, რომ...

უბანი წყალზე - როგორ აშენებს „არქი“ პრემიუმ კლასის პროექტს

უბანი წყალზე - როგორ აშენებს „არქი“ პრემიუმ კლასის პროექტს
access_time2020-09-23 10:00:08
„გსურთ შეიძინოთ ბინა, მაშინ ეს შესაძლებლობა თქვენთვისაა, არქი ფიჭვები თამარაშვილზე! 12 წლამდე განვადება შემოსავლების დადასტურების გარეშე! რეკრეაციული ზონა - 6,000 კვ.მ. საბავშვო და დასასვენებელი ზონა თანამედროვე დიზაინის ლობი ულამაზესი პანორამული ხედები ღია და დახურული ავტოსადგომი“, - ეს რეკლამა ალბათ ძალიან ბევრ ადამიანს შეხვედრია, რეკლამა რომელიც პოტენციურ მყიდველს თბილისის ცენტრალურ ნაწილში, პრემიუმ კლასის პროექტს სთავაზობს. „არქი ფიჭვების“...


მსგავსი სიახლეები

up