გამოცემა The Banker-მა მსოფლიოს 1000 უმსხვილესი ბანკის რეიტინგი გამოაქვეყნა. პირველი ხუთეული უცვლელი დარჩა.კაპიტალის ოდენობის თვალსაზრისით, დედამიწის უმსხვილესი ბანკია ჩინური Industrial and Commercial Bank of China ($380 მლრდ.)მას 3 ასევე მოწინავე ჩინური ბანკი მოჰყვება - China Construction Bank ($316 მლრდ), Agricultural Bank of China ($277 მლრდ.) და Bank of China ($258 მლრდ.).
დიდ ხუთეულში ერთადერთი არაჩინური ბანკი ამერიკული JPMorgan Chase-ია ($214 მლრდ.). უმსხვილესი ბანკების ათეულშია ასევე კიდეც 3 ამერიკული ბანკი (Bank of America, Wells Fargo და Citigroup), ბრიტანული HSBC და იაპონური Mitsubishi UFJ.30-ეულში ასევე ჩინელები დომინირებენ - 11 ბანკით, მეორე ადგილზე ამერიკელები არიან- 6 ბანკით, მესამეზე - იაპონია და საფრანგეთი (4-4 ბანკით).
The Banker-ის 2020 წლის რეიტინგს არამხოლოდ ჩინური „დიდი ოთხეულის“ ლიდერობის გაძლიერება, არამედ რეგიონული, მეორე ეშელონის ჩინური ბანკების დაწინაურება ახასიათებს.ისეთების, როგორც Shanghai Pudong Development Bank, China Merchants Bank, Industrial Bank, China Minsheng Bank და China Citic Bank-ია. შედეგად, კაპიტალიზაციით ისინი უმსხვილეს ამერიკულ და ევროპულ ფინანსურ ინსტიტუტებს გაუტოლდნენ.30 უმსხვილესი ბანკის რეიტინგში ამ წელს რუსული „სბერბანკიც“ შევიდა .მან 37-დან 27-ე ადგილზე გადაინაცვლა.
მთლიანობაში რეიტინგის ავტორები აღნიშნავენ, რომ 2019 წლის მანძილზე კომერციულმა ბანკებმა რეკორდული კაპიტალი დააგროვეს - 8,7 ტრლნ. დოლარი. ეს 6%-ით მეტია, ვიდრე 2018 წელს და 79%-ით, ვიდრე 2010 წელს, როდესაც 2008-2009 წლის გლობალური კრიზისი დასრულდა.
როგორც ცნობილია, ამ კრიზისის შემდეგ, საერთაშორისი ფინანსურმა რეგულატორებმა ბანკებს კაპიტალის და მისი მოცულობებისადმი მოთხოვნები გაუზარდეს. ამის მიზანი საკრედიტო ორგანიზაციების ახალი კრიზისებისგან უკეთესი დაცულობა იყო.
ფინანსურმა ორგანიზაციებმა ამ მოთხოვნების შესრულება აქტიურად დაიწყეს და უკვე 2015 საბანკო ზედამხედველობის ბაზელის კომიტეტმა 2008 წლის შემდეგ ბანკების წინაშე დაყენებული ამოცანების შესრულების თაობაზე განაცხადა.
2010-2015 წლებში მსოფლიოს უმსხვილესმა ბანკებმა თავიანთი კაპიტალი 2010-2015 წლებში კრიზისამდელ პერიოდთან შედარებით 500 მლრდ. დოლარით გაზარდეს. 2015 წელს The Financial Times-ისთვის მიცემულ ინტერვიუში ბაზელის კომიტეტის გენერალურმა მდივანმა უილიამ კოენმა განაცხადა: „როგორც ჩანს, ჩვენ გვირაბის ბოლოს სინათლეს ვხედავთ. სამუშაოს დიდი ნაწილი შესრულებულია, და სავარაუდოდ, ჩვენ ფინიშს ვუახლოვდებით“.
The Banker აღნიშნავს, რომ კორონავირუსით გამოწვეული ეკონომიკური ვარდნის ფონზე ჩანს, რეგულატორების მოთხოვნები სწორი და გამართლებული იყო .სტატისტიკა მეტყველებს, რომ ბანკებმა 2019 წელი კარგ მდგომარეობაში დაასრულეს.
კაპიტალის რეკორდული მოცულობის გარდა, რომელიც საჭიროების შემთხვევაში დანაკარგების კომპენსირების საშუალებას იძლევა, ბანკებმა 2020 წლის დასაწყისისთვის აქტივებიც - 4,3%-ით, 128 ტრლნ. დოლარამდე - გაზარდეს.ასევე გადასახადების გადახდამდე მოგებაც 2,13-ით, 1,15 ტრლნ დოლარამდე გაიზარდა.
გასულ წლებში დაგროვილი პოტენციალი მოწინავე ბანკებს პანდემიის მიერ მიღებული დარტყმის შერბილებაში დაეხმარება. ამერიკული ბანკების ფინანსურმა ანგარიშებმა საკარანტინო ზომების და გაჩერებული ეკონომიკისგან ბანკებისთვის ზარალის მიყენება დაადასტურა.ბანკების მოგება რეკორდულად შემცირდა, რადგანაც მათ საკრედიტო ოპერაციებისგან მიღებული დანაკარგების გამო რეზერვებში სულ უფრო დიდი თანხების გადარიცხვა უწევთ.
The Banker -ის ექსპერტები ასევე აღნიშნავენ, რომ 2020 წელი ჩინური ბანკებისთვისაც მძიმე იქნება. თუმცა, ამავე დროს ჩინეთი კორონავირუსით დაზარალებული პირველი ქვეყანა იყო, დღეს კი ეს ერთ-ერთი პირველია, რომელიც ნორმალურ ეკონომიკურ ცხოვრებას უბრუნდება.
ამერიკული ბანკების სიძლიერე იმაშია, რომ მთლიანობაში მათი საქმიანობა კაპიტალის მართვის და დანაკარგების შემცირების თვალსაზრისით, ჩინურებთან შედარებით, გაცილებით ეფექტურია.ჩინური ბანკები მსოფლიოს საბანკო აქტივების 24, 6%-ს ფლობენ. ამავე დროს გლობალური მოგების 28,4%-ს იღებენ, ამერიკული ბანკები კი აქტივების 13,5%პს ფლობენ, თუმცა, მათი მოგება მსოფლიოს საბანკო სისტემის 22-ს აჭარბებს.
ევროპაში გამოცემამ უმსხვილესი ბანკების ისეთ მაჩვენებლებში როგორც გადასახადების გადახდამდე მოგება, აქტივების მოგება და კაპიტალის მოგება, უმნიშვნელო შემცირება დააფიქსირა.თუმცა, ამავე დროს, დადებითია ის ფაქტი, რომ საბერძნეთის, იტალიის და პორტუგალიის ბანკებმა, რომლებიც რამდენიმე წლის წინ გაკოტრების პირას იყვნენ, ამ დროისთვის ცუდი ვალების მოცულობები საგრძნობლად შეამცირეს.საკრედიტო ოპერაციების დანაკარგების დასაფარად ბანკების გადარიცხვები პორტუგალიაში 36%-ით, ხოლო იტალიაში და საბერძნეთში 22,8%-ით შემცირდა.
ამ ერთ დროს პრობლემურმა ქვეყნებმა 2019 წელს ისეთი მაჩვენებელი, როგორც „გადარიცხვები აქტივების გაუფასურების კომპენსირებისთვის“მნიშვნელოვნად გააუმჯობესეს. პორტუგალიაში ის 4,6%-ით, იტალიაში 17%-ით, საბერძნეთში კი - 20,4%-ით შემცირდა.
წყარო: The Banker.com
მოამზადა თენგიზ აბლოთიამ
ბანკი
