თეთრი სახლი „ჩრდილოეთის ნაკადი-2“-ის მიმართ სანქციების წინააღმდეგია

თეთრი სახლი „ჩრდილოეთის ნაკადი-2“-ის მიმართ სანქციების წინააღმდეგია

access_time2021-11-29 19:00:39

ჯო ბაიდენის ადმინისტრაცია დემოკრატიული პარტიის სენატორებს მოუწოდებს, არ მისცენ ხმა რუსული გაზსადენის „ჩრდილოეთი ნაკადი-2“-ისთვის (NS-2) სანქციების დაწესების პროექტს, რომელიც რესპუბლიკელებმა შემოიღეს.

 


ინიციატივა შესაბამისი პუნქტების შეტანას თავდაცვი ბიუჯეტში გულისხმობს და დემოკრატები პროცედურული სირთულეებით შეეცდებიან ამ საკითხის განხილვის დაბლოკვას.

 


დამატებითი სანქციების შემოღების მცდელობებს აშშ-ს სახელმწიფო მდივანი ენტონი ბლინკენიც ეწინააღმდეგება.

 


რესპუბლიკელები რუსული გაზსადენის მიმართ განსაკუთრებით სკეპტიკურად არიან განწყობილები და პროექტის ჩაშლა მათი საგარეო პოლიტიკის ერთ-ერთი პრიორიტეტია.

 


ტრამპის ადმინისტრაციამ გარკვეული ზომები პროექტში ჩართული კომპანიების წინააღმდეგ მიიღო და მილსადენის მშენებლობის დასრულება თითქმის 1 წლის შეაფერხა. მოგვიანებით, ჯო ბაიდენის ადმინისტრაციამ გერმანიასთან სამოკავშირეო ურთიერთობების შენარჩუნების მიზნით, NS-2-ის შეჩერებაზე და ახალი სანქციების დაწესებაზე უარი განაცხადა.

 


თუმცა, ამავე დროს, რესპუბლიკური პარტია მკაცრი ზომების მომხრე კვლავ რჩება.

 



ამ ეტაპზე რესპუბლიკელების ინიციატივა გაზსადენის სერტიფიცირებაში მონაწილე კომპანიების და ასევე მილსადენის მმართველი Nord Stream 2 AG წინააღმდეგ სანქციების დაწესებას გულისხმობს.

 


სახელმწიფო დეპარტამენტში ამ თემაზე კომენტარებს არ აკეთებენ.

 


„ყველაფერი ისე გამოიყრება, თითქოს დემოკრატები პროცედურული სირთულეების შექმნას აპირებენ იმისთვის, რომ ეს, მათთვის ძალიან არასასიამოვნო საკითხი, კენჭისყრაზე არ დადგეს“, - განაცხადა ინფორმაციის ერთ-ერთმა წყარომ რესპუბლიკურ პარტიაში.

 


და ეს მაშინ, როდესაც თავის დროზე დემოკრატები დონალდ ტრამპს რუსეთის მიმართ შემრიგებლური პოლიტიკის გატარებაში ადანაშაულებდნენ და მისგან NS-2-ის წინააღმდეგ უფრო მკაცრი ზომების მიღებას მოითხოვდნენ. თუმცა, ბაიდენის გაპრეზიდენტების შემდეგ მათი პოზიცია რადიკალურად შეიცვალა.

 


თეთრი სახლისგან ოპონენტები ასევე უკრაინის საკითხში რუსეთის მიმართ უფრო მკაცრი პოლიტიკის გატარებას მოითხოვენ. ამავე დროს, ბაიდენის ადმინისტრაცია NS-2-ი-ს მიმართ მიდგომის გამკაცრებისგან თავს იკავებს, რადგანაც გერმანიასთან კარგ ურთიერთობებს უფრთხილდება.

 


სწორედ გერმანიასთან ურთიერთობების გაუარესების თავიდან არიდების მიზნით ბლინკენი რესპუბლიკელების ინიციატივის დღის წესრიგიდან მოხსნას ცდილობს.

 


სენატში ასევე შეტანილია რუსეთის წინააღმდეგ სანქციების მორიგი პაკეტის პროექტი, რომელიც ამჯერად დემოკრატმა ბობ მენენდესმა შეიტანა.



ის უკრაინაში რუსეთის შეჭრის შემთხვევაში NS-2-ს, პირადად ვლადიმერ პუტინის, რუსული სახელმწიფო კომპანიების და ბანკების წინააღმდეგ სანქციების შემოღებას ითვალისწინებს.

 


22 დეკემბერს აშშ-მ შემოიღო შეზღუდვები კვიპროსული კომპანიის Transadria Ltd.-ს წინააღმდეგ, რომლის ხომალდიც გაზსადენის მშენებლობაში მონაწილეობდა.

 


სახელმწიფო დეპარტამენტში განაცხადეს, რომ რუსული გაზსადენის ამუშავების შეკავებას განაგრძობენ. კრემლმა აშშ-ის ახალი სანქციები უკანონოდ და არასწორად შეაფასა.

 

The Hill





ბიზნესის ახალი მოდელი ახალ რეალობაში

ბიზნესის ახალი მოდელი ახალ რეალობაში
access_time2022-01-25 16:55:00
რას გულისხმობს მთავარი  ბუღალტრის როლის ტრანსფორმაცია...

25 იანვარი - ლარის კურსი ყველა ძირითად ვალუტასთან მიმართებით გამყარდა

25 იანვარი - ლარის კურსი ყველა ძირითად ვალუტასთან მიმართებით გამყარდა
access_time2022-01-25 18:00:47
25 იანვრის ვაჭრობის შედეგად ლარი აშშ დოლართან მიმართებაში 0.43 თეთრით 3.0720- მდე გამყარდა. Bloomberg-ის პლატფორმაზე დღის ბოლოს კურსმა 3.0675 შეადგინა. საერთაშორისო ვალუტებიდან ლარი ევროსთან 1.47 თეთრით 3.4661-მდე, ბრიტანულ ფუნტთან 1.57 თეთრით 4.1358-მდე, 100 რუსულ რუბლთან 0.68 თეთრით 3.9081-მდე, თურქულ ლირასთან 0.18 თეთრით 0.2269-მდე, 1000 სომხურ დრამთან კი 0.82 თეთრით 6.3834-მდე, აზერბაიჯანულ მანათთან 0.68...

ჩინეთის მიმართულებით ამანათების გადაზიდვა 60%-ით გაძვირდა

ჩინეთის მიმართულებით ამანათების გადაზიდვა 60%-ით გაძვირდა
access_time2022-01-25 17:00:20
ამანათების გადამზიდი კომპანიები 2022 წელს მომსახურებაზე ტარიფის ზრდას ამ ეტაპზე არ ელიან. კერძო სექტორის შეფასებით, ფასების კორექტირების თვალსაზრისით მნიშვნელოვანი ცვლილებები 2020 წლიდან დაიწყო და ის ძირითადად ჩინეთის მიმართულებას შეეხო. როგორც „ბიზნესპარტნიორთან“ Inex Group-ის დირექტორი, გიორგი კაპანაძე აცხადებს, ჩინეთის მიმართულებით ამანათების გადაზიდვის ფასები დაახლოებით 60%-ით არის გაზრდილი.   „ტარიფების თვალსაზრისით განსაკუთრებით მნიშვნელოვანი ცვლილება იყო ჩინეთის...

დღის TOP10 საინტერესო ამბავი

დღის TOP10 საინტერესო ამბავი
access_time2022-01-25 21:00:12
დღის TOP10 საინტერესო ამბავი:     1. საქართველოში კოვიდინფიცირების 15 762 ახალი შემთხვევა დადასტურდა Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 74 200  ტესტი,  გამოვლინდა ინფიცირების 15 762  ახალი შემთხვევა.     2....

„საქართველოს ბანკს“ ფეისბუქმა, სავარაუდოდ, გვერდი დაუბლოკა

„საქართველოს ბანკს“ ფეისბუქმა, სავარაუდოდ, გვერდი დაუბლოკა
access_time2022-01-25 15:55:06
„საქართველოს ბანკის“ გვერდი ფეისბუქზე აღარ იძებნება. მისი ვირტუალური სივრციდან გაქრობის მიზეზი ჯერჯერობით უცნობია.  „საქართველოს ბანკის“ გვერდის გაქრობას მისი მთავარი კონკურენტი თიბისი ეხმაურება, რომელიც სოციალურ ქსელში წერს: „ადამიანების შესაძლებლობები...


მსგავსი სიახლეები

up