Tesla-ს აქციონერთა ყოველწლიურ ღონისძიებაზე სცენაზე ყოფნისას, აღმასრულებელმა დირექტორმა ილონ მასკმა აღნიშნა, რომ ავტომობილების მწარმოებელი ახალი გიგაქარხნის ადგილმდებარეობას წლის ბოლომდე აირჩევს. მასკმა თავის თაყვანისმცემლებს ხუმრობით ჰკითხა, თუ სად სურდათ აშენებულიყო კომპანია და როდესაც რამდენიმე ყვიროდა კანადა! მასკმა უპასუხა: „მე ნახევრად კანადელი ვარ. შესაძლოა, ეს ასეც მოხდეს“ — ამის შესახებ ინფორმაციას გამოცემა techcrunch.com ავრცელებს.
შესაძლოა იმ დროისთვის ეს უაზრო პასუხად ჩანდა, მაგრამ ივლისის ლობისტის რეგისტრაცია Tesla-დან ცხადყოფს, რომ კომპანიას შესაძლოა რეალურად ეჭიროს თვალი შეერთებული შტატების ჩრდილოეთით მდებარე მეზობელზე.
Tesla-მ ცოტა ხნის წინ დაამატა ცვლილება ონტარიოს კეთილსინდისიერების კომისრის ოფისში, რომელიც ასახავს ავტომწარმოებლის გეგმებს ონტარიოს მთავრობასთან თანამშრომლობისთვის, რათა გამოავლინოს შესაძლებლობები „სამრეწველო და/ან მოწინავე საწარმოო ობიექტისთვის“. გარიგების დასადებად, Tesla-ს ლობისტები გვთავაზობენ, რომ ასეთმა ობიექტმა შეიძლება „გაზარდოს ონტარიოს კონკურენტუნარიანობა და კაპიტალის ინვესტიციების მოზიდვის უნარი“.
ონტარიოს შესაძლოა არ დასჭირდეს დიდი ბიძგი, იმისათვის, რომ თავის მიწაზე Tesla-ს გიგაქარხანას მიესალმოს. რეგიონს საავტომობილო ეკოსისტემა უკვე ისედაც აყვავებული აქვს. Ford-სა და General Motors-ს უკვე აქვთ არსებული ქარხნები. აპრილში კანადის მთავრობამ ონტარიოში GM-ის ორ ახალ ქარხანაში, დაახლოებით 415 მილიონი დოლარის ინვესტიცია ჩადო, მათგან ერთი ელექტრომობილებს აწარმოებს.
„ონტარიო კონკურენტუნარიან ბიზნეს გარემოდ გადაქცევით, მათ შორის ბიზნესის კეთების ღირებულების ყოველწლიურად 7 მილიარდი დოლარით შემცირებით, ბოლო 20 თვის განმავლობაში ჩვენ მოვიზიდეთ დაახლოებით 16 მილიარდი აშშ დოლარის ელექტრომობილების ინვესტიციები “, - აღნიშნა ონტარიოს ეკონომიკური განვითარების და სამუშაო ადგილების შექმნის მინისტრმა ვიკ ფედელმა. მან ასევე დასძინა , რომ ონტარიო აშენებს მიწოდების ჯაჭვს და მთელი მსოფლიოდან უფრო მეტ კომპანიას ელის საკუთარ მიწაზე.
გასულ კვირას აქციონერთა კრების დროს მასკმა განაცხადა, რომ Tesla-ს საბოლოო ჯამში შეიძლება ჰქონდეს 10-დან 12 -მდე გიგა ქარხანა მსოფლიოში. მიუხედავად იმისა, რომ Tesla-მ გახსნა გიგაქარხნები ბერლინსა და შანხაიში, აშშ კვლავ იკავებს Tesla-ს ავტომობილების გაყიდვების გლობალურად დიდ წილს , ამიტომ ლოგიკურია, რომ კომპანიამ შესაძლოა აირჩიოს სხვა ჩრდილოეთ ამერიკის მდებარეობა თავისი შემდეგი ქარხნისთვის .