Tesla Model 3–ს ჯამურმა გაყიდვებმა 1 მლნ ეგზემპლარს გადააჭარბა, წერს გამოცემა CleanTechnica. ეს მოდელი მსოფლიოში ყველაზე გაყიდვადი ელექტრომობილი გახდა.
პორტალის CleanTechnica მიერ შეგროვებული მონაცემების თანახმად, მეორე კვარტალში 225 000 ერთეული Tesla Model 3 გაიყიდა. სხვა მოდელმა – Tesla Model Y ასევე გაარღვია 250–ათასიანი ნიშნული. ექსპერტების პროგნოზით, წლის ბოლომდე ამ უკანასკნელის გაყიდვებმა შესაძლოა 500 ათასს გადააჭარბოს. ამასთან, Model S და Model X–ის მიწოდებამ მეორე კვარტლის ბოლოსთვის 200 ათას ერთეულს გადააჭარბა.
Tesla Model 3–ის უახლოეს კონკურენტად დღეს შეიძლება ელექტრომობილი Nissan LEAF მივიჩნიოთ, რომლის ჯამურმა გაყიდვებმა 2020–ში 500 ათასს გადააჭარბა.
თებერვალში გავრცელდა ინფორმაცია, რომ ბიუჯეტური ელექტრომობილი Hong Guang Mini EV, რომელსაც SAIC Motor ამერიკულ General Motors–თან ერთობლივად აწარმოებს, ყველაზე გაყიდვადი ელექტრომობილი იყო ჩინეთში. მან გაყიდვებით Tesla Model 3–აც კი გაუსწრო.