Tesla ბერლინის ქარხანაში პირველ ავტომობილების გამოშვებას დეკემბერში გეგმავს

Tesla ბერლინის ქარხანაში პირველ ავტომობილების გამოშვებას დეკემბერში გეგმავს

access_time2021-10-12 14:30:00

ელექტრომობილების მწარმოებელი Tesla ბერლინის ახალ ქარხანაში პირველი ავტომობილების გამოშვებას დეკემბრისთვის გეგმავს. თუმცა მასიურ წარმოებაზე გადასასვლელად კომპანიას მეტი დრო სჭირდება.


„წარმოების დაწყება ძალიან კარგია, მაგრამ მასიური წარმოება ამ საქმის რთული მხარეა, რის მიღწევასაც იმაზე მეტი დრო სჭირდება, რაც ქარხნის მშენებლობას დასჭირდა,“ - განაცხადა Tesla-ს გენერალურმა დირექტორმა, ილონ მასკმა ბრანდენბურგის ფედერალურ მიწაზე გამართულ ფესტივალზე, რომლის დროსაც გიგაქარხანა საზოგადოებისთვის პირველად გაიხსნა.


ის, ასევე, იმედოვნებს, რომ გიგაქარხანაში შემავალი აკუმულატორული ბატარეების მწარმოებელი ქარხანა სრული დატვირთვით მომავალი წლის ბოლოსთვის ამუშავდება. მასკის თქმით, ქარხნის წარმოების მოცულობა, დღეში, დაახლოებით, 5000, მომავალში კი 10 000 ავტომობილი იქნება.


ილონ მასკი მოელის, რომ უახლოეს კვირებში გერმანიის მთავრობა „მწვანე შუქს“ აუნთებს, რათა ობიექტზე წარმოება დაიწყოს. Reuters-ის ცნობით, გარემოსდაცვითი საზოგადოების შეშფოთებასთან დაკავშირებით ბოლო კონსულტაციები 14 ოქტომბერს გაიმართება, რის შემდეგაც გერმანიის გარემოს დაცვის სამინისტრომ გადაწყვეტილება უნდა მიიღოს. ბრანდენბურგის ეკონომიკის მინისტრი ქარხნისთვის ნებართვის გაცემას 95%-იანი შანსით აფასებს.



გარემოსდამცველები აცხადებენ, რომ გიგაქარხნის მუშაობა სასმელ წყალს დააბინძურებს. მასკი მათ პასუხობს, რომ ქარხანა ცოტა წყალს იყენებს, ხოლო აკუმულატორული ბატარეების წარმოება მდგრადია.


Tesla-მ, ასევე, წარადგინა გეგმა, რომელიც 50 GWh სიმძლავრის აკუმულატორული ბატარეების ქარხანაში 5 მლრდ ევროს (5,8 მლრდ დოლარის) ინვესტირებას ეხება. აღსანიშნავია, რომე ეს სიმძლავრე აღემატება 40 GWh-იანი ბატარეების ქარხნის პროექტს, რომლის მშენებოლაბასაც გერმანული ავტოკონცერნი Volkswagen ზალცგიტერში გეგმავს.


ილონ მასკი შეშფოთებულია იმაზე, რომ საკმარისი რაოდენობის მუშახელის შეგროვება შესაძლოა, ვერ შეძლოს, ამიტომ ყველას მოუწოდებს, განაცხადები მთელი ევროპიდან წარადგინონ.


„ცოტა ვღელავთ იმაზე, რომ საკმარის მუშახელს ვერ გამოვნახავთ. ჩვენ მართლაც გვჭირდება ნიჭიერი ადამიანები ამ საქმეში, რომლებსაც მთელი ევროპიდან ველოდებით,“ - აცხადებს მასკი.


BPN.GE



თეგები:
Tesla



ევრო აშშ დოლართან გათანაბრების ზღვარზეა

ევრო აშშ დოლართან გათანაბრების ზღვარზეა
access_time2022-05-15 17:21:07
ევრო 20 წლის განმავლობაში პირველად აშშ დოლართან გათანაბრების...

კრიპტო თაღლითობის სავარაუდო სქემები გაშიფრეს

კრიპტო თაღლითობის სავარაუდო სქემები გაშიფრეს
access_time2022-05-15 23:00:31
საერთაშორისო საგადასახადო ორგანოებმა დაადგინეს კრიპტოვალუტასთან დაკავშირებული პოტენციური დანაშაულები, მათ შორის ერთი შემთხვევა შეიძლება იყოს $1 მილიარდიანი თაღლითური...

რუსული ავტომობილების გაყიდვები რეკორდულად შემცირდა

რუსული ავტომობილების გაყიდვები რეკორდულად შემცირდა
access_time2022-05-15 22:00:16
გასულ თვეში რუსული ავტომობილების გაყიდვები რეკორდულად შემცირდა, რადგან სანქციებმა გაანადგურა ადგილობრივი წარმოება და უცხოური მწარმოებლების უმეტესობამ შეწყვიტა საქმიანობა რუსეთის უკრაინაში შეჭრის...

საპენსიო ფონდის რეალური ამონაგები შემცირდა

საპენსიო ფონდის რეალური ამონაგები შემცირდა
access_time2022-05-15 19:00:28
მაღალი ინფლაციის ფონზე საპენსიო ფონდის რეალური ამონაგები...

საქართველოში მეორადების იმპორტი 8-წლიან მაქსიმუმზეა - სად ვყიდულობთ second hand-ს

საქართველოში მეორადების იმპორტი 8-წლიან მაქსიმუმზეა - სად ვყიდულობთ second hand-ს
access_time2022-05-15 18:00:24
საქართველოში მეორადი ტანსაცმლის იმპორტი 8-წლიან მაქსიმუმზეა. სტატისტიკის ეროვნული სამსახურის მონაცემებით, მიმდინარე წლის 3 თვეში 6,270 მლნ აშშ დოლარის (2,293 ტონა) ე.წ   second hand-ის იმპორტი განხორციელდა, რაც ბოლო 8 წლის განმავლობაში ყველაზე მაღალი...


მსგავსი სიახლეები

up