მას შემდეგ, რაც აშშ-მ ჩინეთს სანქციები დაუწესა, ბევრმა დასავლურმა კომპანიამ ქვეყნის დატოვება გადაწყვიტა. თუმცა მსოფლიოს დიდი ბრენდები გადაწყვეტილეების მიღებისგან თავს იკავებენ და უფრო მეტიც, ისინი ჩინეთში ინვესტიციებს დღესაც ახორციელებენ.
Coca-Cola
1978 წელს Coca-Cola გახდა პირველი უცხოური კომპანია, რომელსაც მიეცა უფლება ჩინეთის სახალხო რესპუბლიკაში დაბრუნებულიყო. ოცდათოთხმეტი წლის შემდეგაც Coca-Cola რჩება ჩინეთში.
”ჩვენ აქ ვართ გრძელვადიანი პერსპექტივით“ - განაცხადა Coca-Cola-ს დიდი ჩინეთისა და კორეის პრეზიდენტმა კურტ ფერგიუსონმა 2020 წელს.
ატლანტაში დაფუძნებული კომპანია, რომელიც ჩინეთში ყოველწლიურად დაახლოებით 140 მილიონ სერვისს ყიდის, ახალი საწარმოო ხაზებისა და ქარხნების ინფრასტრუქტურაში 75,3 მილიონ დოლარს ჩადებს.
PepsiCo
PepsiCo ქვეყანაში 40 წელია იმყოფება. 2020 წლის მარტში კი 705 მილიონი დოლარის (548 მილიონი ფუნტი) დახარჯვით Be & Cheery-ის შესაძენად, თავისი პოზიცია გააძლიერა. PepsiCo-ს შვილობილი კომპანია, კარტოფილის ჩიფსების ბრენდი Lay's ასევე ძალიან პოპულარულია ჩინეთში.
ExxonMobil
2020 წელს კანონმდებლობის ცვლილებამ უცხოელებს საშუალება მისცა ჰქონოდათ ჩინური ქიმიური ქარხნები. ამან ტეხასის ნავთობისა და გაზის კორპორაციას ExxonMobil-ს საშუალება მისცა 10 მილიარდი დოლარის ღირებულების ნავთობქიმიური კომპლექსი ჰუიჟოუში.
Tesla
Tesla ცდილობს ინვესტირებას ჩინეთის 49 მილიარდი დოლარის ელექტრომობილების ბაზარზე. მასკი შეუერთდა 3500 ამერიკული კომპანიის სარჩელს აშშ-ს წინააღმდეგ, რომლებიც ამერიკის მიერ, ჩინურ საქონელზე დაწესებულ ტარიფებს აპროტესტებენ. 2021 წლის 31 დეკემბერს, ტესლამ გახსნა შოურუმი სინძიანში. მასკის ქმედებებს ძლიერი კრიტიკა მოჰყვა, მაგრამ, როგორც ჩანს, მისი ჩინური ინვესტიცია შედეგიანია.
Nestlé
მსოფლიოში უმსხვილესი კვების შვეიცარული კომპანია Nestlé ჩინეთში გაფართოებას ცდილობს. 2020 წლის მაისში ბრენდმა გამოაცხადა, რომ 103 მილიონ დოლარზე მეტის ინვესტიციას განახორციელებს. იგი გეგმავს გახსნას ქარხანა ჩრდილო-აღმოსავლეთით მდებარე ქალაქში. 2020 წლის დეკემბერში Nestlé -მ სახალხო რესპუბლიკაში მცენარეული ბრენდი Harvest Gourmet გამოუშვა, რომელიც მჭლე ბურგერებსა და სოსისებს ყიდის.
Walmart
ჩინეთი 2023 წელს მსოფლიოში ყველაზე დიდი სასურსათო ბაზარი გახდება, ამიტომ გასაკვირი არ უნდა იყოს, რომ Walmart გეგმავს ქვეყანაში გაფართოებას. 2019 წელს, არკანზასში დაფუძნებულმა საცალო გიგანტმა, რომელსაც უკვე ჰქონდა დაახლოებით 400 მაღაზია ჩინეთის 170 ქალაქში, 2024-26 წლებისთვის ჩინეთში 500 ახალი მაღაზიის გახსნის გეგმა გამოაქვეყნა.
Lavazza
იტალიური საოჯახო ყავის კომპანია Lavazza ჩინეთის ბაზარზე პირველად გასულ წელს შევიდა და შანხაიში ყავის მაღაზია გახსნა. ფირმა, რომელიც ცნობილია თავისი ესპრესოთი, თანამშრომლობს Yum China-სთან, რათა მოახდინოს თავისი ყავის მაღაზიის პოპულარიზაცია ჩინეთის სახალხო რესპუბლიკაში.
Volkswagen
კიდევ ერთი გერმანული ავტომწარმოებელი, რომელიც ჩინეთის ბაზარზე შესვლას ცდილობს, არის Volkswagen. მან 2020 წელს შეიძინა ელექტრომობილების ბატარეების ჩინური მწარმოებელი Guoxuan High-Tech-ში მნიშვნელოვანი წილი. კომპანიამ 1,1 მილიარდი დოლარი დახარჯა Anhui Jianghuai Automotive-თან ერთობლივ საწარმოზე კონტროლის მოსაპოვებლად და დამატებით 12,8 მილიარდი დოლარის (9,4 მილიარდი ფუნტი) ინვესტირებას გეგმავს.
American Express
2020 წლის ივნისში American Express (Amex) გახდა პირველი უცხოური საკრედიტო ბარათის კომპანია, რომელიც მუშაობს ჩინეთში. ნიუ-იორკში დაფუძნებული კორპორაცია თანამშრომლობს ჩინურ ფინანსურ ტექნოლოგიურ ფირმებთან. Amex ასევე ემზადება სადებეტო ბარათების გასაშვებად ჩინეთის ბაზარზე.
წყარო :lovemoney.com, "ბიზნესპრესნიუსი"