ტექდათვალიერების პროცესში დაწესებული სანქციები, შესაძლოა, გაუქმდეს

ტექდათვალიერების პროცესში დაწესებული სანქციები, შესაძლოა, გაუქმდეს

access_time2018-08-01 23:30:16

ინსპექტირების ორგანოთა ასოციაციის ხელმძღვანელი, ლევან ალაფიშვილი ამბობს, რომ ბოლო 7 თვის განმავლობაში ტექდათვალიერების პროცესში მიღებული გადაწყვეტილებები, რასაც საკმაოდ მძიმე შედეგები მოჰყვა, უნდა გაუქმდეს, რადგან სამართლებრივად, ჯერ არგამოქვეყნებული აქტის შესაბამისად ხდებოდა გადაწყვეტილებების მიღება.


მთავრობამ გასული წლის 1 დეკემბერს 510-ე და 511-ე დადგენილებით დაამტკიცა ტექნიკური რეგლამენტი, რომელმაც განსაზღვრა, რა მოთხოვნები უნდა დააკმაყოფილოს ინსპექტირების ცენტრებმა და რა ტექნიკურ პარამეტრებს უნდა შეესაბამებოდეს ავტოსატრანსპორტო საშუალებები.



„პროდუქციის უსაფრთხოებისა და თავისუფალი მიმოქცევის კოდექსში“ წერია, რომ რეგლამენტი მას შემდეგ შედის ძალაში, რაც ის საკანონმდებლო მაცნეს მიერ შეტანილ იქნება ტექნიკური რეგლამენტების რეესტრში. ასოციაცია აცხადებს, რომ ეკონომიკის სამინისტროს თუ მთავრობის ადმინისტრაციას კოდექსის ეს ჩანაწერი გამორჩათ და მათ საკანონმდებლო მაცნეს არ შეატყობინეს, რათა 510-ე და 511-ე დადგენილება შეეტანათ ტექნიკური რეგლამენტების რეესტრში. დადგენილებები რეესტრში მხოლოდ 10 ივლისს დარეგისტრირდა მას შემდეგ, რაც ასოციაციამ საკანონმდებლო მაცნეს წერილით მიმართა.



შინაგან საქმეთა სამინისტროს მონაცემებით, იანვრიდან ივნისის ჩათვლით ტექდათვალირების გაუვლელობის გამო 3 ათასამდე მძღოლი დააჯარიმეს. საჯარიმო სანქციები ფიზიკური პირის შემთხვევაში 50, იურიდიული პირის შემთხვევაში კი 200 ლარია.



„სხვადასხვა მიმართულებით იქნა გადაწყვეტილება მიღებული. ეს გახლავთ მაგალითად 5 ინსპექტირების ცენტრის მიმართ მიღებული გადაწყვეტილება, ნაწილს უარი ეთქვა გაფართოვებაზე, ნაწილს აკრედიტაცია ჩამოერთვა. დააახლოები 4 ათასამდე ავტომანქანა ივნისის თვემდე დაჯარიმებულია სწორედ ტექნიკური ინსპექტირების გაუვლელობისთვის. თუკი არ არსებობს პარამეტრი ტექნიკური ინსპექტირების სამართლებრივად დაჯარიმება არის შეუსაბამო. დაახლოებით 50 ათასი, მეტი თუ არა ავტომობილი გატარებულია ინსპექტირებაზე, ამ დროს ინსპექტირების ცენტრები ამოწმებენ იმ პარამეტრებს, რომელიც ამოქმედებული არ იყო. ამ 50 ათასიდან დაახლოებით 1400 ავტომობილს აეკრძალა გადაადგილება. ანუ იმ ქმედებისთვის, რომელიც დასჯადი არ იყო. სახელმწიფომ ეს გააკეთა თავისი დაუდევრობით. ეს გახლავთ თანამდებობრივი დანაშაული, შესაბამისად თუკი არ გამოსწორდება შედეგები, იგივე პროკურატურას, რომელიც სწავლობს ახლა ეკონომიკის სამინისტროს მიერ წარმართულ ტექდათვალიერებასთან დაკავშირებულ პროცედურებს, მაღალი ალბათობით შეუძლიათ დააყენონ კონკრეტული პირების სისხლისსამართლებრივი პასუხისმგებლობის საკითხი, როგორც ეკონომიკის სამინისტროს, ისე სხვა სამთავრობო დაწესებულებებში. ეს არის სამსახურებლივი გულგრილობა“-განმარტავს ლევან ალაფიშვილი.



ის ამბობს, რომ სახელმწიფომ დაუდევრობის გამო პასუხი უნდა აგოს. ინსპექტირების ორგანოთა ასოციაცია აკრედიტაციის ცენტრისგან 5 ცენტრის შემთხვევაში მიღებული გადაწყვეტილების გაუქმებასაც ითხოვს. წინააღმდეგ შემთხვევაში ასოციაცია პროკურატურას მიმართავს.



მთავრობა რომ დიდ გაუგებრობაში აღმოჩნდა, ფაქტია. ჩვენ განმარტებების გაკეთება ეკონომიკის სამინისტროს ვთხოვეთ. შესაბამისი ინფორმაცია bm.ge-ს უწყებიდან გამოთხოვილი აქვს და მას მიღებისთანავე გავაცნობთ მკითხველს.


BM.GE





Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს

Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს
access_time2020-04-08 12:30:14
ლარი გაუფასურების ტენდენციას განაგრძობს. Bloomberg-ის სავაჭრო სისტემაში დილიდან ვაჭრობა $1/3.1656-ით დაიწყო, 12:20 საათისთვის 1 დოლარი 3.1813-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 7 მარტის ვაჭრობის შედეგად აშშ დოლარის ღირებულებამ 3.1748 ლარი შეადგინა. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2000 ლარადაა შესაძლებელი, ხოლო მისი გაყიდვა - 3.1500 ლარად. „საქართველოს...

საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.

 საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.
access_time2020-04-08 10:30:05
“აღნიშნული ცვლილებები მინიმუმამდე შეამცირებს საქართველოს ტერიტორიაზე ტრანზიტულად შემომავალი სატრანსპორტო საშუალებების მიერ აღურიცხავი საწვავის იმპორტის შესაძლებლობას”-აცხადებს საქართველოს ბიზნეს ასოციაციის პრეზიდენტი სოსო ფხაკაძე.   “ეს გადაწყვეტილება ცალსახად არის ბიზნესისა და ფინანსთა სამინისტროს ნაყოფიერი თანამშრომლობის ერთ-ერთი კარგი მაგალითი.  ჩვენ ყოველთვის უწყვეტ რეჟიმში ვმუშაობდით და ვმუშაობთ საქართველოს ფინანსთა სამინისტროს შემოსავლების...

Bloomberg-მა რუსეთს დიდი ეკონომიკური რეცესია უწინასწარმეტყველა

Bloomberg-მა რუსეთს დიდი ეკონომიკური რეცესია უწინასწარმეტყველა
access_time2020-04-07 20:00:11
კორონავირუსის პანდემიასთან ბრძოლის მარათონში რუსეთი ყველაზე ნაკლებ რესურსს ხარჯავს ეკონომიკის მხარდასაჭერად, ვიდრე სხვა ქვეყნები, რაც მძიმე რეცესიის საწყისი შეიძლება გახდეს -  წერს Bloomberg-ი. ექსპერტები მიიჩნევენ, რომ რეზერვების გამოყენებისგან თავის შეკავების მიზეზი არის რუსეთის ხელისუფლების შიში ნავთობის დაბალ ფასებზე.   სანამ მსოფლიო ლიდერები მთელი პლანეტის მასშტაბით, კოლოსალურ თანხებს ხარჯავენ ეკონომიკის...

7 აპრილი - ქართული ლარი გაუფასურდა, თურქული ლირა გამყარდა

7 აპრილი - ქართული ლარი გაუფასურდა, თურქული ლირა გამყარდა
access_time2020-04-07 19:00:39
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან...

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი
access_time2020-04-07 17:55:17
ხამში- ეს არის ძველისძველი ისტორიული სოფელი გარე კახეთში, რომელიც საფერავის საუკეთესო ღვინოსთან ასოცირდება. უახლოეს მომავალში, როდესაც კორონავირუსის პანდემია გადაივლის და ცხოვრება ჩვეულ რიტმს დაუბრუნდება, საგარეჯოს მუნიციპალიტეტის ეს პატარა სოფელი,...


მსგავსი სიახლეები

up