გარემოს დაცვისა და სოფლის მეურნეობის სამინისტროს სოფლის მეურნეობის, სურსათისა და სოფლის განვითარების დეპარტამენტის უფროსმა, თენგიზ კალანდაძემ, „ტვ.პირველის“ ეთერში განმარტა, თუ რომელი რეგიონებიდან მარაგდგება აგრარული ბაზრები.
„მარნეული და ბოლნისი არის საკარანტინე ზონაა, რაც იმას ნიშნავს, რომ ჩაკეტილია და იქიდან მოვაჭრეების გამოსვლა არ შეიძლებოდა. მარნეულიში შედის სადისტრიბუციო კომპანია და ყიდულობს ბოსტნეულს და რეგიონიდან გამოაქვს. გავრცელდა ჭორი, რომ „ჯიბე“ იყო მარნეულში ბოსტნეულის ერთადერთი მსხვილი შემსყიდველი. ეს ასე არაა. „ჯიბე“ ერთ-ერთი მსხვილი შემსყიდველია. 60-მდე კომპანიაა წარმოდგენილი, რომელიც შედის მარნეულში სატვირთო მანქანებით და გამოაქვს პროდუქცია. ეს ლოჯისტიკური ჯაჭვი აწყობილია“, - აღნიშნა კალანდაძემ.
მისი თქმით აგრარული ბაზრების მომარაგება, რამდენიმე რეგიონიდან ხდება. „მაგალითად ცაიში ბევრი სათბურებია, იქ იქნება პომიდვრის მოსავალი, ლაგოდეხში კიტრი გვექნება. წინასწარ გვაქვს ეს ინფორმაცია. ჩვენ ვაორგანიზებთ, რომ ერთმანეთს შევახვედროთ გამყიდველი და მყიდველი. სხვადასხვა რეგიონებიდან ხდება ბაზრების მომარაგება. მცხეთა-მთანეთიდან სალათის ფურცელი და ბროკოლი შემოდის. პატარა მანქანებით ხდება საუბნო პატარა მაღაზიების მომარაგება. ყველაზე კარგია, რომ აღდგა ავტომობილებით გადაადგილება და მომხმარებელმა დაიწყო მოძრაობა“, - განაცხდა კალანდაძემ.
სოფლის მეურნეობის მინისტრის ლევან დავითაშვილის განცხადებით, საქართველოში რეგისტრირებულია 80 აგრარული ბაზარი და მათგან უმრავლესობა ვერ აკმაყოფილებს მოთხოვნებს.
27 აპრილიდან ღია ტიპის აგრარული ბაზრების საქმიანობა ნაწილობრივ აღდგა.
imedinews.ge