თენგიზ ფხალაძე - მესამე მსოფლიო ომის საფრთხე არ არსებობს - მგონია, რომ ირანს მოლაპარაკების მაგიდასთან დაჯდომა მოუწევს

თენგიზ ფხალაძე - მესამე მსოფლიო ომის საფრთხე არ არსებობს - მგონია, რომ ირანს მოლაპარაკების მაგიდასთან დაჯდომა მოუწევს

access_time2020-01-08 17:00:21

ობიექტურად არ არსებობს მესამე მსოფლიო ომის საფრთხე. მგონია, რომ ირანს მოლაპარაკების მაგიდასთან დაჯდომა მოუწევს, - ამის შესახებ „ინტერპრესნიუსს“ ექსპერტმა საგარეო ურთიერთობათა საკითხებში თენგიზ ფხალაძემ განუცხადა, რითაც გამოეხმაურა ირანსა და აშშ-ს შორის გამწვავებულ ურთიერთობას. ფხალაძის განცხადებით, ფართომასშტაბიანი კონფლიქტის დაწყების საშიშროება არ არის. მისივე თქმით, ირანში მოიძებნებიან პოლიტიკოსები, რომლებმაც კარგად იციან როგორც ირანის, ასევე ამერიკის შესაძლებლობები.


„ობიექტურად არ არსებობს მესამე მსოფლიო ომის საფრთხე. სრულიად გამორიცხულია, რომ ასეთი რამ მოხდეს. ვერც იმას ვიტყვით, რომ პროცესები უკონტროლოა. ის, რომ ირანის მხრიდან რაღაც ტიპის საპასუხო დარტყმა განხორციელდებოდა, ამაზე ყველა შეთანხმებული იყო, მაგრამ ეს არ ნიშნავს იმას, რომ ფართომასშტაბიანი კონფლიქტი შეიძლება დაიწყოს. მე მგონია, რომ სიტუაცია წავა უახლოეს მომავალში იქითკენ, რომ ირანს მოლაპარაკების მაგიდასთან დაჯდომა მოუწევს.


გარდა ამისა, ამბობენ, რომ სიტუაცია გენერალ ყასემ სოლეიმანის მოკვლის გამო დაიძაბა, მაგრამ რეალურად სიტუაცია დაიძაბა მაშინ, როდესაც შეტევა განხორციელდა ამერიკის საელჩოზე. საელჩოზე შეტევის განხორციელება ომის გამოცხადების ტოლფასია. ასე, რომ ის, რაც მერე მოხდა, საპასუხო ნაბიჯი იყო. მგონია, რომ მიუხედავად ამ რიტორიკისა, ირანში არიან პრაგმატულად მოაზროვნე პოლიტიკოსები, რომლებმაც ძალიან კარგად იციან თავისი შესაძლებლობებიც და ამერიკის შესაძლებლობებიც,“- განაცხადა ფხალაძემ.


კითხვაზე, ერაყში განთავსებული ამერიკული ბაზების წინააღმდეგ ირანის მიერ განხორციელებულ შეტევაზე როგორი იქნება ამერიკის პასუხი, ფხალაძე პასუხობს, რომ საპასუხო ქმედება აუცილებლად მწვავე იქნება. მისივე თქმით, ამერიკა ირანს მოლაპარაკების მაგიდასთან დაჯდომას და მისი მოთხოვნების შესრულებას აიძულებს.



„სანამ ამერიკის პასუხი იქნება, იქამდე უნდა მოხდეს მიყენებული ზიანის და ზარალის შეფასება. პრეზიდენტმა ტრამპმა თავის ტვიტერზე დაწერა, რომ „ჯერჯერობით ყველაფერი კარგად არის“. აქ სიტყვა „ჯერჯერობით“ ნიშნავს, რომ ინფორმაცია მსხვერპლთან დაკავშირებით ჯერ არ გავრცელებულა.


მე მგონია, რომ ამერიკის პასუხი იქნება მწვავე. შესაძლებელია ეს იყოს როგორც სამხედრო, ასევე არასამხედრო ქმედებები, თუმცა პასუხი აუცილებლად იქნება მწვავე. ტრამპის სტრატეგიაში ჩანს, რომ ის მაქსიმალურ დისკომფორტს შეუქმნის ირანის დღევანდელ ხელმძღვანელობას, აიძულებს მოლაპარაკების მაგიდასთან დაჯდომას და იმ მოთხოვნების შესრულებას, რაც აშშ-ს აქვს,“ - განაცხადა ფხალაძემ.


რაც შეეხება ირანის მუქარას, რომ აშშ-ის მხრიდან საპასუხო დარტყმის შემთხვევაში, ის შეტევას ისრაელსა და არაბთა გაერთიანებულ საემიროებზე განახორციელებს, თენგიზ ფხალაძე აცხადებს, რომ ირანი ბოლო ათეული წელია იმუქრება, თუმცა მუქარა და განხორციელებული ქმედებები განსხვავდება.


„მე არ მიკვირს, რომ ირანი იმუქრება. ირანი ბოლო ათეული წელია იმუქრება, მაგრამ მუქარა და განხორციელებული ქმედებები ყოველთვის თანაზომადი არ არის. უნდა გვახსოვდეს, რომ საუბარი ეხება ამერიკის შეერთებულ შტატებს, რომელთანაც კონფლიქტში შესვლა ნებისმიერი სახელმწიფოსთვის ძალიან დიდი ზიანის მომტანი და დასაწყისშივე წაგებულია,“ - აღნიშნა თენგიზ ფხალაძემ.


ipn.ge





სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული
access_time2022-09-24 23:00:00
თბილისში კოსტავას 68-ში მდებარე სსიპ „საზოგადოებრივი მაუწყებლის“ შენობა მორიგ აუქციონზე იყიდება. მიმდინარე აუქციონზე, რომელიც 30 სექტემბერსაა ჩანიშნული, ობიექტის საწყისი ღირებულება დღგ-ს გარეშე 65 000 000 ლარს, ხოლო დღგ-ს ჩათვლით 76 700 000 ლარს შეადგენს, რომელიც მყიდველს შემდეგი გრაფიკით უნდა გადაიხადოს: 45% - ხელშეკრულების დადებიდან 1 თვეში; 20% - არაუგვიანეს 2022 წლის 31...

ევროპის ავტომობილების ბაზარი პანდემიამდელ ზრდის დონეს დაუბრუნდა

ევროპის ავტომობილების ბაზარი პანდემიამდელ ზრდის დონეს დაუბრუნდა
access_time2022-09-25 11:00:20
აგვისტოს თვეში, ევროპაში ავტომობილების გაყიდვები 4,4%-ით გაიზარდა, რაც 650,305 მანქანას შეადგენს.    ევროპის ავტომობილების მწარმოებელთა ასოციაციის (ASEA) მონაცემებით, ეს პირველი დადებითი შედეგი იყო 13 თვიანი ვარდნის...

ბელარუსმა მარცვლეულის ექსპორტის აკრძალვა 6 თვით გაახანგრძლივა

ბელარუსმა მარცვლეულის ექსპორტის აკრძალვა 6 თვით გაახანგრძლივა
access_time2022-09-24 21:01:27
ბელარუსის მინისტრთა საბჭომ ქვეყნიდან ხორბლისა და სხვა მარცვლეულის ექსპორტზე აკრძალვა, კიდევ ექვსი თვით გაახანგრძლივა. ამავდროულად, რეზოლუციის მოქმედება არ ვრცელდება ბელარუსის რესპუბლიკის გარეთ ექსპორტირებულ საქონელზე ევრაზიის ეკონომიკური კავშირის (EAEU) წევრ ქვეყნებში. ბელარუსიდან დროებითი ექსპორტისთვის აკრძალული საქონლის სიაშია ხორბალი, ჭვავი, ქერი, სიმინდი, ფეტვი, წიწიბურა, შვრია და სხვა...

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა
access_time2022-09-24 18:00:05
რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც საომარ მოქმედებებში მონაწილეობაზე უარის თქმის შემთხვევაში თავისუფლების 10 წლამდე ვადით შეზღუდვას ითვალისწინებს, - ინფორმაციას რუსული მედია ავრცელებს. მათივე ცნობით, შესაბამისი დოკუმენტი გამოქვეყნებულია იურიდიული ინფორმაციის ოფიციალურ ინტერნეტ პორტალზე. ამასთან, კანონი დეზერტირობისთვის, ან სამხედრო მოსამსახურეების მიერ გაწვევის შემთხვევაში სამხედრო სამსახურში გამოუცხადებლობის...

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე
access_time2022-09-24 17:20:47
საცობები ყოველთვის იყო თბილისში, მაგრამ ასე გადამეტებით არ ყოფილა, ეს გამოწვეულია ქეთევან დედოფლისა და მელიქიშვილის ქუჩებზე მიმდინარე მნიშვნელოვანი და საშვილიშვილო სამუშაოების გამო, – ამის შესახებ თბილისის მერმა, კახა კალაძემ ჟურნალისტებს განუცხადა. მისივე თქმით, რაც შეეხება წერეთლისა და ვაჟა-ფშაველას ქუჩების რეაბილიტაციას, პროცესი ქეთევან დედოფლისა და მელიქიშვილის ქუჩებზე სამუშაოების დასრულების შემდეგ დაიწყება. „ეს სამუშაოები დაიწყება მას...


მსგავსი სიახლეები

up