თენგიზ ფხალაძე - გუშინ კიდევ ერთხელ ჩავაგდეთ სახელმწიფოებრიობის ტესტი - ეს არის სირცხვილი!

თენგიზ ფხალაძე - გუშინ კიდევ ერთხელ ჩავაგდეთ სახელმწიფოებრიობის ტესტი - ეს არის სირცხვილი!

access_time2021-03-31 12:40:00

სირცხვილია, როდესაც უცხო ქვეყნის დიპლომატი გვეუბნება, რომ უნდა ვიფიქროთ ჩვენს სამშობლოზე და ჩვენი სამშობლოს ინტერესებზე, ეს არის სირცხვილი! ასე, რომ ეს არის მოცემულობა და ამას ევროპულობასთან და ევროპულ პოლიტიკასთან არაფერი აქვს საერთო, - ამის შესახებ „ინტერპრესნიუსს“ საერთაშორისო ურთიერთობების საკითხებში პრეზიდენტის ყოფილმა მრჩეველმა, თენგიზ ფხალაძემ განუცხადა, რითაც შეაფასა ხელისუფლებასა და ოპოზიციას შორის უშედეგოდ დასრულებული მოლაპარაკების მეორე რაუნდი, რომელსაც ევროპის საბჭოს პრეზიდენტის პირადი წარმომადგენელი, კრისტიან დანიელსონი მედიატორობდა.


თენგიზ ფხალაძის განცხადებით, გუშინ კიდევ ერთხელ ჩავაგდეთ სახელმწიფოებრიობის ტესტი, რაც ძალიან სამწუხაროა, რომ ეს ასე მოხდა.


„მე მგონი, ძალიან ნათელი და სრულიად გასაგები შეფასება მისცა თავად დანიელსონმა, რომ ლიდერები უნდა წავიდნენ კომპრომისებზე და თავად უნდა გაუმკლავდნენ გამოწვევებს. მან აღნიშნა, რომ ამისთვის მხარეები მზად არ იყვნენ, თუმცა მან ისიც აღნიშნა, რომ ევროპულ მისწრაფებებზე როდესაც ვლაპარაკობთ, უნდა გავითვალისწინოთ, რომ ამას სჭირდება კომპრომისები, განსაკუთრებით იმ პარტიისგან, რომელიც ხელისუფლებაშია და მაღალ ამბიციებთან ერთად დიდი პასუხისმგებლობაც მოდის. აი, ეს იყო ძალიან მძიმე შეფასება, ისევე, როგორც მისი ბოლო ფრაზა, რომ ის ბრიუსელში ჩაიტანს ინფორმაციას, რომ საქართველოში არის ძლიერი სამოქალაქო საზოგადოება და მას იმედი აქვს, რომ საქართველო სწორედ სამოქალაქო საზოგადოების დახმარებით მოახერხებს ამ მძიმე ფურცლის გადაშლას. ანუ, ეს მეტყველებს იმაზე, რომ საქართველოში პოლიტიკური კლასი არის უმწიფარი და პოლიტიკური ელიტა აბსოლუტურად შორს დგას იმ სტანდარტებიდან, რასაც ჰქვია ევროპული პოლიტიკის სტანდარტები. ეს არის ძალიან სამწუხარო“, - განაცხადა ფხალაძემ.


მისივე თქმით, სამწუხაროდ, ვართ სიტუაციაში,როდესაც თუ არ იმარჯვებს ევროპული გზა, ეს ავტომატურად იმას ნიშნავს, რომ იმარჯვებს რუსეთი.



„რაც შეეხება ევროპულ არჩევანს, რამდენიც არ უნდა ვილაპარაკოთ, რომ ჩვენი არჩევანი არის ევროპული, ეს უნდა დამტკიცდეს საქმით. ევროპულ სახელმწიფოებში ასე არ იქცევიან. სირცხვილია, როდესაც უცხო ქვეყნის დიპლომატი გვეუბნება, რომ უნდა ვიფიქროთ ჩვენს სამშობლოზე და ჩვენი სამშობლოს ინტერესებზე, ეს არის სირცხვილი! ასე, რომ ეს არის მოცემულობა და ამას ევროპულობასთან და ევროპულ პოლიტიკასთან არაფერი საერთო არ აქვს. რაც შეეხება თავად მოლაპარაკებებს, მე არ მაქვს იმის განცდა, რომ ჩვენი პარტნიორები ხელს ჩაიქნევენ. არა, ჩვენი პარტნიორები კიდევ შეეცდებიან, რომ ეს სიტუაცია გამოასწორონ, მაგრამ საქართველოს ევროპული სწრაფვა უკვე დაზარალდა, რაც უკვე მოვახერხეთ, იმიტომ, რომ ჩვენ უკვე განვიხილებით სხვა ტიპის სახელმწიფოების რიგში, სადაც პოლიტიკური ელიტა არის უმწიფარი და რომელიც ვერ აცნობიერებს, რა არის ეროვნული ინტერესი და რა არის პარტიის ინტერესი“, - განაცხადა თენგიზ ფხალაძემ.


შეგახსენებთ, რომ გუშინ, ოპოზიციისა და ხელისუფლების მოლაპარაკებების მეორე რაუნდიც უშედეგოდ დასრულდა. მედიატორ კრისტიან დანიელსონის ჩართულობით მხარეები რამდენიმე საათის განმავლობაში მსჯელობდენ. შეხვედრაზე მედიატორებმა პოლიტიკურ მხარეებს კრიზისიდან გამოსვლის თაობაზე მათ მიერვე მომზადებული დოკუმენტი გააცნეს, თუმცა, პოლიტიკურმა პარტიებმა დოკუმენტს ხელი არ მოაწერეს.



IPN.GE






თემურ ჭყონია: ბიზნესი დღეს მეტს დაასაქმებდა, რომ არა კვალიფიციური კადრების დეფიციტი

თემურ ჭყონია: ბიზნესი დღეს მეტს დაასაქმებდა, რომ არა კვალიფიციური კადრების დეფიციტი
access_time2021-08-03 14:00:17
ბიზნესმენ თემურ ჭყონიას აზრით, საქართველოში ბიზნესს ახალი სამუშაო ადგილების შექმნის შესაძლებლობა ჯერჯერობით არ აქვს. გარდა იმისა, რომ ერთ-ერთი ხელისშემშლელი გარემოება პანდემიაა, ჭყონიას ინფორმაციით, დიდი დაბრკოლებაა კადრების დეფიციტი და რომ არა ეს პრობლემა, შრომის ბაზარზე შეიძლება სიტუაცია გაცილებით უკეთესი ყოფილიყო. ,,დღევანდელი ტექნოლოგიები და შრომის ბაზარზე არსებული მოცემულობა, განსაკუთრებით კადრებთან დაკავშირებით, არ შეესაბამება ბაზრის მოთხოვნებს.  მაღალი დონის...

„გრინ კაპიტალისა“ და საოპერაციო კომპანია „ფრონტერა ისტერნის“ ადვოკატი აშშ-ის ელჩს საქართველოს მთავრობასთან შუამდგომლობის თხოვნით მიმართავს

„გრინ კაპიტალისა“ და  საოპერაციო კომპანია „ფრონტერა ისტერნის“ ადვოკატი  აშშ-ის ელჩს საქართველოს მთავრობასთან შუამდგომლობის თხოვნით მიმართავს
access_time2021-08-03 12:55:26
„გრინ კაპიტალისა“ და  საოპერაციო კომპანია „ფრონტერა ისტერნის“ ადვოკატი გიორგი ქიშმარია  აშშ-ის ელჩს კელი დეგნანს საქართველოს მთავრობასთან შუამდგომლობის თხოვნით მიმართავს. ამის შესაძებ კომპანიის ვრცელ წერილშია ნათქვამი, რომელსაც „კომერსანტი“ უცვლელად გთავაზობთ:   „ამერიკის შეერთებული შტატების საელჩოს საქართველოში და მის აღმატებულებას  ქალბატონ კელი დეგნანს   ევროკავშირის წარმომადგენლობის ხელმძღვანელს საქართველოში მის აღმატებულებას ბატონ...

"კრედიტინფო საქართველო" რამდენიმე მილიონიან ახალ სისტემას სექტემბრიდან აამოქმედებს

access_time2021-08-03 11:55:40
„კრედიტინფო საქართველომ“ ბიუროს მდგრადობისა და სტაბილურობის მეტი გარანტიის უზრუნველსაყოფად რამდენიმე მილიონიანი ინვესტიცია ჩადო ახალი სისტემის დანერგვაში. „კრედიტინფო საქართველოს“ გენერალური დირექტორის ალექსანდრე გომიაშვილის თქმით, სისტემა სექტემბრიდან ამუშავდება. ამ და სხვა მნიშვნელოვან საკითხებზე სწორედ „კრედიტინფო საქართველოს“ გენერალურ დირექტორს ვესაუბრეთ: პანდემიამ მნიშვნელოვანი ბიძგი მისცა კომპანიებს თავიანთი სისტემების გასავითარებლად,...

ინფლაცია 10–წლიან მაქსიმუმზეა

ინფლაცია 10–წლიან მაქსიმუმზეა
access_time2021-08-03 11:30:49
ინფლაციის განაკვეთმა 2021 წლის ივლისში 11.9%-ს მიაღწია, რაც 2011 წლის მაისის შემდეგ ყველაზე მაღალი მაჩვენებელია. ორნიშნა პროცენტული მაჩვენებლითაა გაძვირებული როგორც საკვები, ასევე ჯანდაცვა. ამის შესახებ ინფორმაციას საქსტატი ავრცელებს. წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 14.1 პროცენტით, რაც წლიურ ინფლაციაზე 4.43...

კორონავირუსით ინფიცირების 4 827 ახალი შემთხვევა საქართველოში

კორონავირუსით ინფიცირების 4 827 ახალი შემთხვევა საქართველოში
access_time2021-08-03 11:06:09
Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 43 932 ტესტი, გამოვლინდაკორონავირუსით ინფიცირების 4 827 ახალი შემთხვევა, გამოჯანმრთელდა 1 895 პირი, დადებითობის დღიური მაჩვენებელი არის 10.99 % ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 43 932 კვლევა ტესტით, მათ შორის 15 258 კვლევა ანტიგენის ტესტით და 28 674 PCR ტესტით. ქვეყანაში კოვიდ-19-ის პანდემიის გავრცელებიდან დღემდე გამოვლენილი...


მსგავსი სიახლეები

up