თენგიზ ფხალაძე აშშ-ირანის მოვლენების გავლენაზე: საქართველო ტერორისტულ აქტებთან დაკავშირებით ყურადღებით უნდა იყოს

თენგიზ ფხალაძე აშშ-ირანის მოვლენების გავლენაზე: საქართველო ტერორისტულ აქტებთან დაკავშირებით ყურადღებით უნდა იყოს

access_time2020-01-05 20:00:17

„ამ ეტაპზე გამოვრიცხავ ფართომასშტაბიან სამხედრო კონფლიქტს აშშ-სა და ირანს შორის, თუმცა საქართველო ყურადღებით უნდა იყოს ტერორისტული აქტების მიმართ, რომლებიც, შესაძლოა, განხორციელდეს ამერიკელების მიმართ მსოფლიოს ნებისმიერ ქვეყანაში. ერთ-ერთ ასეთ ადგილად კი, შესაძლოა, საქართველოც იყოს მიჩნეული“,

 - უთხრა რადიო თავსიუფლებას საზოგადოებრივ საქმეთა ინსტიტუტის პოლიტიკის პროგრამის ხელმძღვანელმა თენგიზ ფხალაძემ.

თენგიზ

თენგიზ ფხალაძე

მისი შეფასებით, სწორედ ამიტომ არის საჭირო დღეს საქართველოს მხრიდან ანტიტერორისტული ღონისძიებების გაძლიერება.

ექსპერტი საქართველოს ხელისუფლებას სიფრთხილისკენ მოუწოდებს მიუხედავად თავისივე ვარაუდისა, რომ დღეს ფართომასშტაბიანი კონფლიქტი ორ ქვეყანას შორის მოსალოდნელი არ არის.

თენგიზ ფხალაძის განცხადებით, ამერიკის შეერთებულმა შტატებმა თავისი ქმედებით მკაფიოდ დაადასტურა ის, რომ ამერიკა ყოველთვის გასცემს პასუხს თავდასხმას, რომელიც მსოფლიოს ნებისმიერ წერტილში შეიძლება ამერიკელებზე განხორციელდეს და დაუსჯელს არავის დატოვებს:


„ეს ნათლად იყო გაცხადებული პენტაგონის განცხადებაში“, - უთხრა მან რადიო თავისუფლებას:

„ცხადია, ბაღდადის საერთაშორისო აეროპორტში განხორციელებულ სამხედრო ოპერაციას შოკი მოჰყვა ირანში, სადაც სამდღიანი გლოვაა გამოცხადებული. არც ირანის ხელისუფლების მწვავე განცხადებებია გასაკვირი, თუმცა, მიუხედავად ამისა, მე მაინც ვფიქრობ, რომ უნდა ველდოოთ არა ფართომასშტაბიან კონფლიქტს, რომლისთვისაც დღეს ირანის ხელისუფლება მზად არ არის, არამედ საპასუხო წერტილოვან ქმედებებს. ჩემი შეფასებით, არც ამერიკა ისწრაფვის დღე კონფლიქტისკენ - ის მაქსიმალურად ცდილობს იმ კერების შემცირებას, სადაც ამერიკელი სამხედროები არიან ჩართულები. ამიტომ მე არც ჰუმანიტარული კატასტროფას და ლტოლვილების ნაკადებს არ ველი“.

თენგიზ ფხალაძე გამორიცხავს, რომ ამ ეტაპზე საქართველოს ან ერთი ან მეორე ქვეყნის სასარგებლოდ არჩევნის გაკეთება მოუწიოს და საომარ ქ,ედებებში ჩაერთოს, მაგრამ ეს ეს არ ნიშნავს იმას, რომ ქვეყანა უნდა მოდუნდეს. პირიქით, მისი შეფასებით, საქართველომ ახლა ძალიან დიდი სიფრთხილით უნდა მიადევნოს ყურადღება იმას, თუ როგორ განვითარდება მოვლენები ერთი მხრივ, მეზობელ ირანში და მეორე მხრივ, რა ნაბიჯებს გადადგამს საქართველოს სტრატეგიული პარტნიორი ამერიკის შეერთებული შტატები.

აშშ-სა და ირანს შორის ბოლო დღეებში ვითარება დაიძაბა მას შემდეგ, რაც 31 დეკემბერს ერაყის დედაქალაქში საპროტესტო გამოსვლების მონაწილეები შეეცადნენ შტურმით აეღოთ საელჩოს შენობების კომპლექსი და მის ტერიტორიაზე შეჭრილიყვნენ. მას შემდეგ, რაც მოიერიშეები უშიშროების ძალებმა მოიგერიეს, ისინი საელჩოს შენობასთან დაბანაკდნენ. ოთხშაბათს დილას კვლავ ეცადნენ საელჩოს ტერიტორიაზე შეჭრას, მაგრამ ამჯერად აშშ-ის სამხედროებმა შეაჩერეს ცრემლსადენი გაზის გამოყენებით.

შეკრებილები აკრიტიკებენ აშშ-ის მიერ განხორციელებულ ავიადარტყმებს შიიტური მოძრაობა „ჰიზბოლას“ ბაზების წინააღმდეგ, რასაც 25 ადამიანი ემსხვერპლა.

3 იანვარს კი, ბაღდადის საერთაშორისო აეროპორტში განხორციელებული სარაკეტო იერიშის დროს მოკლეს ირანის ისლამური რევოლუციის გუშაგთა კორპუსის ქვედანაყოფის „ყუდსის ძალების“ ლიდერი, გენერალი ყასემ სოლეიმანი.

პენტაგონის წარმომადგენელმა დაადასტურა, რომ ეს იყო ამერიკული სამხედრო ოპერაცია, რომელიც პრეზიდენტ ტრამპის განკარგულებით განხორციელდა. სოლეიმანი ითვლებოდა ერთ-ერთ ყველაზე გავლენიან ფიგურად ისლამური რევოლუციის გუშაგთა კორპუსსა და ირანის სამხედრო სტრუქტურებში.

სარაკეტო თავდასხმისას სოლეიმანთან ერთად მოკლულია აბუ მაჰდი ალ მუჰანდისი, შეიარაღებული დაჯგუფება სახალხო მობილიზაციის ძალების მეთაურის მოადგილე.

 

რადიო „თავისუფლება“




სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული
access_time2022-09-24 23:00:00
თბილისში კოსტავას 68-ში მდებარე სსიპ „საზოგადოებრივი მაუწყებლის“ შენობა მორიგ აუქციონზე იყიდება. მიმდინარე აუქციონზე, რომელიც 30 სექტემბერსაა ჩანიშნული, ობიექტის საწყისი ღირებულება დღგ-ს გარეშე 65 000 000 ლარს, ხოლო დღგ-ს ჩათვლით 76 700 000 ლარს შეადგენს, რომელიც მყიდველს შემდეგი გრაფიკით უნდა გადაიხადოს: 45% - ხელშეკრულების დადებიდან 1 თვეში; 20% - არაუგვიანეს 2022 წლის 31...

ევროპის ავტომობილების ბაზარი პანდემიამდელ ზრდის დონეს დაუბრუნდა

ევროპის ავტომობილების ბაზარი პანდემიამდელ ზრდის დონეს დაუბრუნდა
access_time2022-09-25 11:00:20
აგვისტოს თვეში, ევროპაში ავტომობილების გაყიდვები 4,4%-ით გაიზარდა, რაც 650,305 მანქანას შეადგენს.    ევროპის ავტომობილების მწარმოებელთა ასოციაციის (ASEA) მონაცემებით, ეს პირველი დადებითი შედეგი იყო 13 თვიანი ვარდნის...

ბელარუსმა მარცვლეულის ექსპორტის აკრძალვა 6 თვით გაახანგრძლივა

ბელარუსმა მარცვლეულის ექსპორტის აკრძალვა 6 თვით გაახანგრძლივა
access_time2022-09-24 21:01:27
ბელარუსის მინისტრთა საბჭომ ქვეყნიდან ხორბლისა და სხვა მარცვლეულის ექსპორტზე აკრძალვა, კიდევ ექვსი თვით გაახანგრძლივა. ამავდროულად, რეზოლუციის მოქმედება არ ვრცელდება ბელარუსის რესპუბლიკის გარეთ ექსპორტირებულ საქონელზე ევრაზიის ეკონომიკური კავშირის (EAEU) წევრ ქვეყნებში. ბელარუსიდან დროებითი ექსპორტისთვის აკრძალული საქონლის სიაშია ხორბალი, ჭვავი, ქერი, სიმინდი, ფეტვი, წიწიბურა, შვრია და სხვა...

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა
access_time2022-09-24 18:00:05
რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც საომარ მოქმედებებში მონაწილეობაზე უარის თქმის შემთხვევაში თავისუფლების 10 წლამდე ვადით შეზღუდვას ითვალისწინებს, - ინფორმაციას რუსული მედია ავრცელებს. მათივე ცნობით, შესაბამისი დოკუმენტი გამოქვეყნებულია იურიდიული ინფორმაციის ოფიციალურ ინტერნეტ პორტალზე. ამასთან, კანონი დეზერტირობისთვის, ან სამხედრო მოსამსახურეების მიერ გაწვევის შემთხვევაში სამხედრო სამსახურში გამოუცხადებლობის...

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე
access_time2022-09-24 17:20:47
საცობები ყოველთვის იყო თბილისში, მაგრამ ასე გადამეტებით არ ყოფილა, ეს გამოწვეულია ქეთევან დედოფლისა და მელიქიშვილის ქუჩებზე მიმდინარე მნიშვნელოვანი და საშვილიშვილო სამუშაოების გამო, – ამის შესახებ თბილისის მერმა, კახა კალაძემ ჟურნალისტებს განუცხადა. მისივე თქმით, რაც შეეხება წერეთლისა და ვაჟა-ფშაველას ქუჩების რეაბილიტაციას, პროცესი ქეთევან დედოფლისა და მელიქიშვილის ქუჩებზე სამუშაოების დასრულების შემდეგ დაიწყება. „ეს სამუშაოები დაიწყება მას...


მსგავსი სიახლეები

up