თენგიზ ცერცვაძე - საქართველოში კორონავირუსის დიაგნოსტიკა და მკურნალობა მსოფლიოს საუკეთესო პრაქტიკის გათვალისწინებით ხორციელდება

თენგიზ ცერცვაძე - საქართველოში კორონავირუსის დიაგნოსტიკა და მკურნალობა მსოფლიოს საუკეთესო პრაქტიკის გათვალისწინებით ხორციელდება

access_time2020-03-27 00:12:39

საქართველოში კორონავირუსის დიაგნოსტიკა და მკურნალობა მსოფლიოს საუკეთესო პრაქტიკის გათვალისწინებით ხორციელდება, – განაცხადა თბილისის ინფექციური საავადმყოფოს გენერალურმა დირექტორმა, თენგიზ ცერცვაძემ საქართველოს პირველი არხის საინფორმაციო პროგრამა „მოამბეში“.



„საქართველოში კორონავირუსის დიაგნოსტიკა და მკურნალობა ხორციელდება ერთიანი, უნიფიცირებული სქემით და ჩვენი შეფასებითა და ვარაუდით, მსოფლიოს საუკეთესო პრაქტიკის გათვალისწინებით. ჩვენი მიზანი იყო, გამოგვეყენებინა მსოფლიოს საუკეთესო პრაქტიკა. ანუ, თითოეული ქვეყნისგან აგვეღო ის, რაც ძლიერი, წარმატებული მხარე იყო და არ გაგვემეორებინა ის შეცდომები, რაც რიგმა განვითარებულმა ქვეყნებმა დაუშვეს. ეს იყო კლინიკური ჯგუფის შექმნის ერთი მიზანი“, – განაცხადა ცერცვაძემ.



მისი თქმით, მეორე მიზანი ის იყო, რომ დიაგნოსტიკა და მკურნალობა საქართველოს ყველა ქალაქში განხორციელებულიყო ერთიანი, უნიფიცირებული, დღესდღეობით, მსოფლიოში საუკეთესოდ მიჩნეული სქემით.




„ეს ძალიან მნიშვნელოვანია. წინააღმდეგ შემთხვევაში შეიძლებოდა, ისე მომხდარიყო, რომ სხვადასხვა გამოცდილების, ცოდნისა და შეხედულებების მქონე მედიცინის მუშაკებს დიაგნოსტიკისა და მკურნალობის პროცესი განსხვავებულად წარემართათ და ეს ყოველთვის არ ყოფილიყო ოპტიმალური და შედეგი შეიძლებოდა, უარესი ყოფილიყო“, – განაცხადა ცერცვაძემ.



ამ განცხადებით თენგიზ ცერცვაძემ გადაცემის წამყვანის შეკითხვას უპასუხა, იყენებენ თუ არა საავადმყოფოები მკურნალობის საერთო პროტოკოლს, თუ არის ინდივიდუალური მიდგომებიც.



ინფექციური საავადმყოფოს გენერალურმა დირექტორმა ასევე განაცხადა, რომ უახლოეს დღეებში კიდევ რამდენიმე პაციენტის გამოჯანმრთელებას ელოდება.



1tv.ge








21 სექტემბერი - რეგიონში ქართული ლარი და თურქული ლირა გაუფასურდა

21 სექტემბერი - რეგიონში ქართული ლარი და თურქული ლირა გაუფასურდა
access_time2020-09-21 18:05:22
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 21 სექტემბრის ვაჭრობის შედეგად, ქართული ლარის კურსი 1 თეთრით გაუფასურდა და ერთი...

დღის Top 10 საინტერესო ამბავი

დღის Top 10 საინტერესო ამბავი
access_time2020-09-21 21:00:56
დღის Top 10 საინტერესო ამბავი: 1. გაზრდილი ხელფასები, ბანკების სუბსიდირება და რეკორდული ვალი - პანდემიური ბიუჯეტის პარადოქსები COVID-19-ის გავრცელებამ საქართველოს 2020 წლის სახელმწიფო ბიუჯეტზე დიდი გავლენა მოახდინა. პანდემიისგან გამოწვეულმა ეკონომიკურმა კრიზისმა ბიუჯეტის შემოსავლები მნიშვნელოვნად შეამცირა. ამავე დროს,...

ფულის გათეთრება და საეჭვო ტრანზაქციები - ქართული ბანკები საერთაშორისო ჟურნალისტურ გამოძიებაში მოხვდნენ

ფულის გათეთრება და საეჭვო ტრანზაქციები - ქართული ბანკები საერთაშორისო ჟურნალისტურ გამოძიებაში მოხვდნენ
access_time2020-09-21 17:00:17
ფულის გათეთრებასა და საეჭვო ტრანზაქციებზე გამომძიებელ ჟურნალისტთა საერთაშორისო გაერთიანების (ICIJ)  კვლევაში ქართული ბანკებიც მოხვდნენ.  ანგარიში ამერიკული კომერციული ბანკების მიერ 1997-2017 წლებში რეგისტრირებულ საეჭვო ტრანზაქციების სიას ეფუძნება, რომლის ჯამური მოცულობაც $2 ტრილიონს შეადგენს. ამ ტრანზაქციების უმეტესობა ევროპის, აშშ-ის და აზიის წამყვანი ბანკების მიერ იყო განხორციელებული და ფულის გათეთრების მომეტებულ რისკებს შეიცავდა. FinCEN-ის მონაცემებში...

Forbes: მსოფლიო ახალი კარანტინის ზღვარზეა

Forbes: მსოფლიო ახალი კარანტინის ზღვარზეა
access_time2020-09-21 19:00:29
კორონავირუსით დაავადებულთა სწრაფმა ზრდამ შესაძლოა მთელ რიგ ქვეყნებს ახალი კარანტინის შემოღება აიძულოს. მათი უმეტესობა ყველანაირად ამას ეწინაამღდეგება თუმცა, ტენდენციის გაძლიერების შემთხვევაში მათ, შესაძლოა სხვა არჩევანი არც დარჩეთ.   საფრანგეთში პარასკევს დაავადებულთა რაოდენობა 10 000-ით გაიზრდა  - ეს მაისის შემდეგ მაქსიმალური ზრდაა.   პორტუგალია დღეში 770 დაინფიცირებულზე იტყობინება - ის ყველაზე მაღალი მაჩვენებელია 5 თვის მანძილზე,...

ლარსაც კორონავირუსი შეეყარა?!

ლარსაც კორონავირუსი შეეყარა?!
access_time2020-09-21 15:15:46
ლარს კორონავირუსი შეეყარა და ხელოვნურ სუნთქვაზეა გადაყვანილიო, ხუმრობენ ეროვნულ ვალუტაზე, მაგრამ საქმე სახუმაროდ ნამდვილად არა გვაქვს, რადგან ბოლო ორ კვირაში ლარი დოლარის მიმართ თითქმის 14 თეთრით გაუფასურდა. წლის დასაწყისიდან დღემდე საქართველოს ეროვნულმა ბანკმა (სებ) ბაზარს 400 მილიონ დოლარზე მეტი მიაწოდა. ბოლო ორ კვირაში ორჯერ გაყიდა 40-40 მილიონი, მაგრამ ლარის კურსს ვერც ამან უშველა. ექსპერტების თქმით, ლარი “შავ დღეშია” და ეროვნული ვალუტის მკვეთრი გაუფასურების არაერთ მიზეზს...


მსგავსი სიახლეები

up