თენგიზ ცერცვაძე - პირბადის ტარების მოთხოვნა ძალაში კიდევ დიდხანს დარჩება

თენგიზ ცერცვაძე - პირბადის ტარების მოთხოვნა ძალაში კიდევ დიდხანს დარჩება

access_time2021-05-27 23:00:00

პიკმა გადაიარა, მაგრამ ჯერჯერობით მესამე ტალღა დაძლეული არ არის - ყველაფერი უნდა გავაკეთოთ, რომ ზაფხულში ეკონომიკა გაიხსნას და ადამიანები ზაფხულის პერიოდში ნორმალურ ცხოვრებას დაუბრუნდნენ, - ამის შესახებ ინფექციური საავადმყოფოს დირექტორმა თენგიზ ცერცვაძემ ჟურნალისტებთან საუბრისას განაცხადა.


მისივე თქმით, პირბადეების გამოყენების მაჩვენებლის 90%-მდე გაზრდა შეზღუდვების და აკრძალვების მოხსნის საშუალებას გააჩენს, თუმცა პირბადის ტარების მოთხოვნა ძალაში დიდხანს დარჩება.


„ნაწილობრივ საფუძველი გვაქვს ვილაპარაკოთ, რომ პიკმა გადაიარა, მაგრამ ჯერჯერობით მესამე ტალღა დაძლეული არ არის. თუ მესამე ტალღის პიკში გვქონდა 1500-1700 ახალი შემთხვევა, ახლა გვაქვს 1000-1200 ახალი შემთხვევა. მივდივართ სტაბილიზაციისკენ მიუხედავად იმისა, რომ ვაქცინაცია საქართველოში სამწუხაროდ, დაიწყო დაგვიანებით და ახლა იკრებს ძალას და ტემპს.


გარდა ამისა, მინიმალური შეზღუდვები იყო საქართველოში ბოლო ორი თვის მანძილზე და ახლა პრაქტიკულად აღარ დარჩა შეზღუდვები თუ არ ჩავთვლით „კომენდანტის საათს“. ფაქტობრივად, შეზღუდვები საქართველოში არ არის, მაშინ როცა ჯერ კიდევ რჩება სერიოზული შეზღუდვები ევროპის ქვეყნებში, თუმცა იქაც დაიწყეს ნელნელა მოხსნა.



ჩვენთან ისევ დაბალია პირბადეების გამოყენების მაჩვენებელი - იყო 40%, ახლა მოიმატა და არის 70%, მაგრამ ეს მაინც დაბალია, 90% მაინც უნდა იყოს პირბადეების გამოყენების მაჩვენებელი, რომ მყარი ეფექტი გვქონდეს.


დღეისთვის სრულად, ორი დოზით ვაქცინირებულია 20 000-მდე ადამიანი, ხოლო ერთჯერადად ვაქცინირებულია 100 000-მდე ადამიანი. ეს დასაწყისისთვის კარგია, მაგრამ ისე, ძალიან ცოტაა. სხვა ქვეყნების მაგალითმა გვაჩვენა, რომ პოპულაციური იმუნიტეტის მიღწევისთვის აუცილებელია, რომ მოსახლეობის 2/3 აიცრას. იმ ქვეყნებმა, რომლებიც ამ მაჩვენებელს მიუახლოვდნენ, მოახერხეს ახალი შემთხვევების დრამატული შემცირება და შესაბამისად, გარდაცვალების შემთხვევების დრამატული შემცირებაც. ახლა ჩვენ ძალისხმევა უნდა მივმართოთ ძირითადად ორი მიმართულებით: გავაძლიეროთ ვაქცინაციის ტემპი და გავზარდოთ პირბადეების გამოყენების მაჩვენებელი და დავიცვათ სოციალური დისტანცია. კარგი ის არის, რომ მიუხედავად აი ამ მესამე ტალღის საკმაოდ მაღალი პიკისა, ჯანდაცვის სისტემა დაწყებული სასწრაფო დახმარებიდან გაგრძელებული ოჯახის ექიმით და ჰოსპიტალური სექტორით გამართულად და აბსოლუტურად შეუფერხებლად მუშაობს. არც ერთი შეფერხება მესამე ტალღის დროს, განსხვავებით მეორე ტალღისგან არ დაფიქსირებულა. საქართველოზე გაცილებით ძლიერი ეკონომიკის და ჯანდაცვის სისტემის მქონე ქვეყნები ასე კარგად და გამართულად ვერ უმკლავდებიან მესამე ტალღას, მაგრამ არ შეიძლება კლინიკური სექტორი მუდმივად გვყავდეს ასეთი წნეხის ქვეშ და არ შეიძლება, რომ მაინც შეზღუდვები რჩებოდეს ქვეყანაში. ამიტომ ორი რამ - მასიური ვაქცინაცია და პირბადეების გამოყენების გაზრდა 90%-მდე, საშუალებას მოგვცემს რაც შეიძლება მალე მოვხსნათ შეზღუდვები და აკრძალვები. დარჩება მხოლოდ პირბადის ტარება - ეს დიდხანს დარჩება კიდევ იმიტომ, რომ ყველა იმ ქვეყანაში, რომელმაც წარმატებული ვაქცინაცია ჩაატარა, მაინც რჩება პირბადეები. ჩვენი ამოცანაა, რომ ზაფხულში შევიდეთ სტაბილური მდგომარეობით, რათა ზაფხული იყოს სრულფასოვანი ჩვენი მოსახლეობისთვისაც და ტურისტული სექტორისთვისაც. ყველაფერი უნდა გავაკეთოთ, რომ ზაფხულში ეკონომიკა გაიხსნას და ადამიანები ზაფხულის პერიოდში დაუბრუნდნენ ნორმალურ ცხოვრებას“, - განაცხადა ცერცვაძემ.


IPN.GE






ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...

თემურ ჭყონია: ბიზნესი დღეს მეტს დაასაქმებდა, რომ არა კვალიფიციური კადრების დეფიციტი

თემურ ჭყონია: ბიზნესი დღეს მეტს დაასაქმებდა, რომ არა კვალიფიციური კადრების დეფიციტი
access_time2021-08-03 14:00:17
ბიზნესმენ თემურ ჭყონიას აზრით, საქართველოში ბიზნესს ახალი სამუშაო ადგილების შექმნის შესაძლებლობა ჯერჯერობით არ აქვს. გარდა იმისა, რომ ერთ-ერთი ხელისშემშლელი გარემოება პანდემიაა, ჭყონიას ინფორმაციით, დიდი დაბრკოლებაა კადრების დეფიციტი და რომ არა ეს პრობლემა, შრომის ბაზარზე შეიძლება სიტუაცია გაცილებით უკეთესი ყოფილიყო. ,,დღევანდელი ტექნოლოგიები და შრომის ბაზარზე არსებული მოცემულობა, განსაკუთრებით კადრებთან დაკავშირებით, არ შეესაბამება ბაზრის მოთხოვნებს.  მაღალი დონის...

„გრინ კაპიტალისა“ და საოპერაციო კომპანია „ფრონტერა ისტერნის“ ადვოკატი აშშ-ის ელჩს საქართველოს მთავრობასთან შუამდგომლობის თხოვნით მიმართავს

„გრინ კაპიტალისა“ და  საოპერაციო კომპანია „ფრონტერა ისტერნის“ ადვოკატი  აშშ-ის ელჩს საქართველოს მთავრობასთან შუამდგომლობის თხოვნით მიმართავს
access_time2021-08-03 12:55:26
„გრინ კაპიტალისა“ და  საოპერაციო კომპანია „ფრონტერა ისტერნის“ ადვოკატი გიორგი ქიშმარია  აშშ-ის ელჩს კელი დეგნანს საქართველოს მთავრობასთან შუამდგომლობის თხოვნით მიმართავს. ამის შესაძებ კომპანიის ვრცელ წერილშია ნათქვამი, რომელსაც „კომერსანტი“ უცვლელად გთავაზობთ:   „ამერიკის შეერთებული შტატების საელჩოს საქართველოში და მის აღმატებულებას  ქალბატონ კელი დეგნანს   ევროკავშირის წარმომადგენლობის ხელმძღვანელს საქართველოში მის აღმატებულებას ბატონ...

"კრედიტინფო საქართველო" რამდენიმე მილიონიან ახალ სისტემას სექტემბრიდან აამოქმედებს

access_time2021-08-03 11:55:40
„კრედიტინფო საქართველომ“ ბიუროს მდგრადობისა და სტაბილურობის მეტი გარანტიის უზრუნველსაყოფად რამდენიმე მილიონიანი ინვესტიცია ჩადო ახალი სისტემის დანერგვაში. „კრედიტინფო საქართველოს“ გენერალური დირექტორის ალექსანდრე გომიაშვილის თქმით, სისტემა სექტემბრიდან ამუშავდება. ამ და სხვა მნიშვნელოვან საკითხებზე სწორედ „კრედიტინფო საქართველოს“ გენერალურ დირექტორს ვესაუბრეთ: პანდემიამ მნიშვნელოვანი ბიძგი მისცა კომპანიებს თავიანთი სისტემების გასავითარებლად,...

ინფლაცია 10–წლიან მაქსიმუმზეა

ინფლაცია 10–წლიან მაქსიმუმზეა
access_time2021-08-03 11:30:49
ინფლაციის განაკვეთმა 2021 წლის ივლისში 11.9%-ს მიაღწია, რაც 2011 წლის მაისის შემდეგ ყველაზე მაღალი მაჩვენებელია. ორნიშნა პროცენტული მაჩვენებლითაა გაძვირებული როგორც საკვები, ასევე ჯანდაცვა. ამის შესახებ ინფორმაციას საქსტატი ავრცელებს. წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 14.1 პროცენტით, რაც წლიურ ინფლაციაზე 4.43...


მსგავსი სიახლეები

up