საერთაშორისო რეკომენდაცით ყველა ქვეყანას უნდა ჰქონდეს ერთი სახელმწიფო დაწესებულება მაინც, რომელსაც შესაძლებლობა ექნება განსაკუთრებით საშიშ და მძიმე ინფექციებით ავადმყოფებს უმკურნალოს და საქართველოს, ერთადერთს მსოფლიოში, დღემდე ასეთი დაწესებულება არ ჰქონდა. უფრო სწორად, ჰქონდა ჩვენი დაწესებულების სახით, რომელსაც საკუთარი შენობა-ნაგებობები და ტერიტორია არ ჰქონდა, - ამის შესახებ ჟურნალისტებს ინფექციური საავადმყოფოს ხელმძღვანელმა, თენგიზ ცერცვაძემ განუცხადა.
მისივე თქმით, სახელმწიფოს ყოველწლიურად კომპანია „ავერსისთვის“ უხდებოდა გადაეხადა საიჯარო ხელშეკრულების ღირებულება, ძალიან სოლიდური თანხა, დაახლოებით, ნახევარი მლნ ლარი, რაც ასევე სერიოზულ ტვირთად აწვა სახელმწიფოს.
„ამიერიდან, მართალია სერიოზული თანხაა გამოყოფილი, მაგრამ ეს ყოველწლიური ტვირთი რამდენიმე წელიწადში შეიძლება უფრო სერიოზული გამხდარიყო, ვიდრე ეს ერთჯერადად გამოყოფილი თანხა და ეს პრობლემაც მოიხსნება. ბოლოს, მინდა იცოდეთ, საერთაშორისო, მსოფლიო პრაქტიკითა და რეკომენდაციებით, მსოფლიოში ყველა ქვეყანას უნდა ჰქონდეს და აქვს პრაქტიკულად, სახელმწიფო დაქვემდებარებაში მყოფი, ერთი სახელმწიფო დაწესებულება მაინც, სულ ცოტა ერთი, რომელსაც ექნება შესაძლებლობა, მოემსახუროს განსაკუთრებით საშიში, მძიმე და გადამდები ინფექციებით ავადმყოფებს. ეს რომ აუცილებელია, ძალიან თვალსაჩინოდა დაანახა მთელ ქვეყანას კოვიდ პანდემიამ, რომელიც არ არის ყველაზე მძიმე, მიუხედავად იმ მძიმე და ტრაგიკული შემთხვევებისა, რაც მთელ მსოფლიოში მოიტანა. მაგალითად, მომავალში რომ გავრცელდეს ებოლას ცხელების პანდემია, ეს იქნება გაცილებით უფრო სერიოზული პრობლემა“, - განაცხადა ცერცვაძემ.
მისივე თმით, მთავრობის დადგენილებაში რამდენიმე ვარინატი განიხილება და ჯერ ვერ შეჯერდნენ, ამიტომ კონკრეტული შენობა ან მშენებლობის დაწყება მითითბული არ არის.
ინფექციურ საავადმყოფოს 40 მლნ ლარამდე თანხა გამოეყოფა, რომლის ძირითადი მიზნობრიობა იქნება შენობის აშენება ან შეძენა, რაც უფრო ეფექტური და სწრაფი გადაწყვეტილება იქნება. ეს პრობლემა ჩვენ უახლოეს პერიოდში უნდა გადავწყვიტოთ, - ამის შესახებ საქართველოს პრემიერ-მინისტრმა, გიორგი გახარიამ მთავრობის სხდომაზე განაცხადა.
imedinews.ge