თემურ ჭყონია „ზედაზენის“ ახალ პროდუქტზე: „მე ასეთი სასმელი არ გამიგია“

თემურ ჭყონია „ზედაზენის“ ახალ პროდუქტზე: „მე ასეთი სასმელი არ გამიგია“

person access_time2016-05-06 14:30:10

გაზიანი სასმელების ქართულ ბაზარზე ახალი ბრენდი შემოვიდა. Royal Crown Cola–ს იგივე RC Cola–ს ჩამოსხმა „ზედაზენმა“ დაიწყო. 

 

„ზედაზენის" დამფუძნებელი ცეზარ ჩოჩელი „კომერსანტთან" ამბობს, რომ კომპანიის სტრატეგიაა, სასმელმა სერიოზული ადგილი დაიმკვიდროს ადგილობრივ ბაზარზე და ექსპორტზეც იყოს წარმოდგენილი. ჩოჩელის ინფორმაციით, Royal Crown Cola–ს ექსპორტზე გასატანად მოლაპარაკებები მიდის ევროპის რამდენიმე ქვეყანასთან. ივნისიდან პირველი პარტია გაიგზავნება 5 ქვეყანაში, მათ შორის საფრანგეთსა და მოლდოვაში.

 

RC Cola 250 და 500 გრამიან, ასევე 1.5 და 2 ლიტრიან ბოთლებში იქნება ჩამოსხმული. როგორც ჩოჩელი ამბობს, სასმელი ბაზარზე მომხმარებლისთვის მისაღები ფასით გაიყიდება, თუმცა ფასს ბიზნესმენი არ აკონკრეტებს.

 

„აზროვნების ინდივიდუალობა, უცვლელი გემო და თავისუფლება - სწორედ ეს თვისებები გამოარჩევს RC Cola-ს სხვა გამაგრილებელი სასმელებისგან" - აცხადებენ "ზედაზენში".


კითხვაზე, ვინ იქნება RC cola-ს  კონკურენტი და რა უპირატესობა ექნება ბაზარზე არსებულ სხვა სასმელებთან შედარებით, ჩოჩელი ამბობს, რომ კონკურენტებთან „მეგობრულად ითანამშრომლებს“.

 

იქნება თუ არა ახალი სასმელი კონკურენტუნარიანი ბაზარზე, სადაც უკვე დამკვიდრებული პოზიციები აქვთ „კოკა–კოლას“ და „პეპსის?“  „კომერსანტმა“ ორივე კონკურენტის პოზიციები მოისმინა.

 


„კოკა-კოლა ბოთლერს ჯორჯიას" პრეზიდენტ თემურ ჭყონიასთვის უცნობია რა სასმელია RC Cola და საერთოდ რა შემადგენლობისაა. რაც შეეხება კონკურენციას, ბიზნესმენი ამბობს, რომ „ზედაზენმა" ძალიან ბევრი უნდა იმუშაოს,რომ „კოკა-კოლას" კონკურენტი გახდეს.

 

„მე ეგეთი სასმელი არ გამიგია, როგორ შეიძლება „კოკა-კოლას" გაუწიოს რაღაც გაურკვეველი წარმოშობის სასმელმა კონკურენცია.  RC cola-ს შემადგენლობა უცნობია"-აცხადებს ჭყონია.


რაც შეეხება ფასებს, ჭყონიას თქმით, მისთვის არ არის ცნობილი რა სეგმენტის დაკავებას აპირებს ‘ზედაზენი", თუმცა, ჭყონიას ცნობით, ზოგადად, ბიზნესმენის მხრიდან იაფიან სეგმენტში შესვლა არასწორია. „მომხმარებელმა უნდა იცოდეს, რომ იაფი არასდროს არ არის კარგი. როდესაც ბიზენსმენი იაფიან სეგმენტს ეძებს, ეს ბიზნეს უწესობაა. არ შეიძლება ბიზნესმენმა  დაბალი შემოსავლის მქონე ადამიანი გამოიყენოს  და მას უხარისხო პროდუქტი მიჰყიდოს"-აცხადებს ჭყონია.


ბაზარზე Royal Crown Cola-ს შემოსვლას აფასებენ „პეპსის" მწარმოებელ კომპანია „იბერია რეფრეშმენთსშიც". კომპანიის გაყიდვების დირექტორი ლევან კასრაძე ამბობს, რომ ბაზარზე ჯანსაღი კონკურენცია კარგია, თუმცა ნებისმიერი ახალი მოთამაშე მათთვის კონკურენტია და დრო აჩვენებს რამდენად შეძლებს ახალი ბრენდი ბაზარზე ადგილის დამკვიდრებას.


კასრაძის თქმით, RC cola ამ სფეროში მყოფი ადამიანებისთვის ცნობილია და „პეპსი" გაცილებით დიდი ბრენდია საერთაშორისო ბაზარზე, ვიდრე RC Cola. თუმცა, მას ბაზარზე თავისი ადგილი აქვს.


რაც შეეხება საფასო პოლიტიკის გადახედვას, კასრაძის განცხადებით, გაზირებული სასმელების ბაზარზე ფასები არ არის ერთ დონეზე და ყველა კომპანიას განსხვავებული აქვს. ახალი სასმელი რომელ საფასო პოლიტიკაში შევა, მისთვის უცნობია, თუმცა კასრაძის თქმით, რა საფასო სეგმენტშიც არ უნდა იყოს, „პეპსი" მაინც უფრო ცნობადი ბრენდია და აქედან გამომდინარე, რეალიზაციაც შესაბამისი იქნება. კასრაძის ცნობით, კომპანიას უალკოჰოლო, გაზიანი სასმელების ბაზარზე 26 პროცენტიანი წილი უჭირავს.

 

Royal Crown Cola-ს წარმოება ამერიკაში 1905 წლიდან დაიწყო. პირველად მისი რეცეპტი 1905 წელს კლოდ ა. ჰეჩერმა ჯორჯიაში შეიმუშავა, სწორედ იმ პერიოდში, როდესაც მსგავსი სასმელების პოპულარობა სწრაფად იზრდებოდა. წარმოების დასაწყისში RC Cola-ს დასამზადებლად ჰეჩერი კოკა-კოლის სიროპს იყენებდა, თუმცა მოგვიანებით საკუთარი  ფორმულის შედგენა გადაწყვიტა. 

 

Royal Crown Cola-ს სახელი ყოველთვის ერთი და იგივე სახელით არ გამოდიოდა. 1910 წელს მას Chero-Cola დაერქვა, თუმცა 1934 წელს ისევ ძველი სახელი ეწოდა.




აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“
access_time2019-09-19 15:20:57
„ეროვნულ-დემოკრატიული ინსტიტუტის“ (NDI) კვლევის შედეგების მიხედვით, გამოკითხულთა 49 პროცენტი ფიქრობს, რომ ქვეყანა არასწორი მიმართულებით ვითარდება, 63 პროცენტი ფიქრობს, რომ საქართველოს ეკონომიკური მდგომარეობა ცუდია. გამოკითხულთა 84 პროცენტი პასუხისმგებლობას ხელისუფლებას და მთავრობას აკისრებს.   საზოგადოებრივი აზრის კვლევა, რომელიც 13-29 ივლისს ჩატარდა, ნათლად აჩვენებს იმ მძიმე სოციალურ-ეკონომიკურ მდგომარებას,  რომელიც დღეს ქვეყანაშია შექმნილი....

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ
access_time2019-09-19 15:00:53
საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის საკითხი მთავრობაში არ განიხილება. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები, - განაცხადა ნათია თურნავამ ჟურნალისტის მიერ...

თინა ტურძილაძე: „ჩვენი სისტემის პირობებში, სადაც არა გვაქვს ჯენერიკების სწორი სტრატეგია, ფასრეგულაციით დაწყება სწორი არ არის“

თინა ტურძილაძე: „ჩვენი სისტემის პირობებში, სადაც  არა გვაქვს ჯენერიკების სწორი სტრატეგია, ფასრეგულაციით დაწყება სწორი არ არის“
access_time2019-09-19 16:15:58
ჯანდაცვის კონსულტანტი თინა ტურძილაძე რამდენიმე დღის წინ, ჯანდაცვის მინისტრის, ეკატერინე ტიკარაძის განცხადებას ეხმაურება, რომლის მიხედვითაც შესაძლოა სახელმწიფომ მედიკამენტების ფასები ნაწილობრივ დარეგულიროს. როგორც ტურიძილაძე განმარტავს,მედიკამენტების ფასის რეგულირება ფასის შეკავების მექანიზმია, რომელიც როგორც წესი, ფარმაცევტული დანახარჯის შესამცირებლად და მედიკამენტებზე ხელმისაწვდომობის გასაზრდელად გამოიყენება. საერთაშორისო პრაქტიკამ აჩვენა, რომ დამოუკიდებლად ეს ინსტრუმენტი ეფექტური...

საქართველოდან ექსპორტი დსთ-ს ქვეყნებში 24 პროცენტით, ევროკავშირში კი, 25 პროცენტით გაიზარდა

საქართველოდან ექსპორტი დსთ-ს ქვეყნებში 24 პროცენტით, ევროკავშირში კი, 25 პროცენტით გაიზარდა
access_time2019-09-19 12:24:14
საქსტატის მონაცემებით, 2019 წლის იანვარ-აგვისტოში საქართველოდან ექსპორტი 2 411.6 მლნ. აშშ დოლარს შეადგენდა, რაც წინა წლის ანალოგიურ მაჩვენებელზე 12.4 პროცენტით მეტია.საქართველოდან დსთ-ის ქვეყნებში ექსპორტირებულია 1 274.0 მლნ. აშშ დოლარის საქონელი, რაც 24.2 პროცენტით აღემატება წინა წლის შესაბამის მაჩვენებელს და ქვეყნის მთლიანი ექსპორტის 52.8 პროცენტს შეადგენს. საქართველოდან ევროკავშირის ქვეყნებში განხორციელდა 571.1 მლნ. აშშ დოლარის ექსპორტი, რაც 25.3 პროცენტით მეტია წინა...

მაია ცქიტიშვილი-„გამოვხატავ ჩვენს პატივისცემას NDI და IRI მიმართ, თუმცა, მათი ქართველი პარტნიორები ყოველთვის სწორად არ ასახავენ რეალურ განწყობებს“

მაია ცქიტიშვილი-„გამოვხატავ ჩვენს პატივისცემას  NDI და  IRI  მიმართ, თუმცა,  მათი ქართველი პარტნიორები ყოველთვის სწორად არ ასახავენ  რეალურ განწყობებს“
access_time2019-09-19 12:15:40
„კიდევ ერთხელ გამოვხატავ ჩვენს პატივისცემას ისეთი ინსტიტუტების მიმართ როგორებიცაა NDI, IRI და სხვა ასეთი ტიპის ავტორიტეტული ინსტიტუციები. თუმცა, სამწუხაროდ, წლების განმავლობაში ჩვენ გვქონდა საშუალება გვენახა, რომ მათი ქართველი პარტნიორები, რომლებიც ამ კვლევებს ატარებენ ყოველთვის სწორად არ ასახავენ იმ რეალურ განწყობებს, რომელიც ადგილზეა“-განაცხადა ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია...


მსგავსი სიახლეები

up