თემურ ჭყონია „ქართული ოცნების“ ლიდერის ირაკლი კობახიძის მიერ გიორგი გახარიას მეტსახელის („ბოლი“. რედ.) გასაჯაროებასთან დაკავშირებით ამბობს, რომ გუნდის შიგნით რა ხდება არ იცის, ხოლო გარეთ - ბიზნესმენთა წრეში, გახარიას ცუდი რეპუტაცია არ ჰქონდა.

„ნორმალური ბიზნეს-ომბუდსმენი იყო, არ მახსენდება შემთხვევები, ვინმეს რამე შეპირებოდა და არ შეესრულებინა. შეიძლება იყო ასეთი ფაქტები, მაგრამ ჩემთვის უცნობია. როგორც წესი, ბიზნესომბუდსმენი ხელისუფლების მიერ ინიშნება, მაგრამ მისი მთავარი ფუნქციაა, ბიზნესის მხარდამჭერი და ქომაგი იყოს. რამდენად გაართვა თავი გახარიამ, დღევანდელი გადასახედიდან ამის შეფასება გამიჭირდება.  რაც შეეხება გახარიას უკვე პრემიერის პოსტზე, მაშინაც ვახერხებდი მასთან ნორმალურ ურთიერთობას. ის, რომ ,,ბოლი“ იყო, შინაურის ნათქვამია, ვინც ცხადია, ჩემზე უკეთ იცნობდა, მაგრამ მე ასეთ შეფასებას გავემიჯნებოდი, ასეთი შეფასებისთვის არც შესაბამისი არგუმენტები მაქვს“, - ამბობს თემურ ჭყონია „კომერსანტთან“ საუბარში.

„ქართული ოცნების“ თავმჯდომარემ ირაკლი კობახიძემ „პალიტრანიუსის“ 30 ივლისის გადაცემაში „360 გრადუსი“ პარტია საქართველოსთვის თავმჯდომარე გიორგი გახარია შემდეგი სიტყვებით შეაფასა: „გუნდის შიგნით მისი ზედმეტსახელი იყო „ბოლი“ - ადამიანი, რომელიც ბევრს საუბრობს, მაგრამ საქმეს ნაკლებს აკეთებს“.