ბაზრობების დახურვა ეკონომიკის მდგომარეობას გააუარესებს, - ასე გამოეხმაურა ბიზნესმენი თემურ ჭყონია ვიცეპრემიერ მაია ცქიტიშვილის განცხადებას, რომლის მიხედვითაც, დღეის მდგომარეობით იმ ფონზე, როცა პოლიტიკურმა პროცესებმა უკვე ქუჩაში გადაინაცვლა, პანდემიის სამართავად ამ დრომდე არსებული წერტილოვანი შეზღუდვები საკმარისი არაა და შესაძლოა დღის წესრიგში, ბაზრების, ბაზრობების და სავაჭრო ცენტრების დახურვაც დადგეს.
როგორც მინისტრი ამბობს, ეს საჭირო დროს და საჭირო ადგილებში მოხდება, თუმცა, მთავრობის ამ განცხადებას თემურ ჭყონია არ მიესალმება და პროგნოზირებს, რომ მსგავსი გადაწყვეტილება ქვეყნის ისედაც დასუსტებულ ეკონომიკას, უფრო მეტად მძიმე მდგომარეობაში ჩააგდებს.
ახლა საპირწონედ დგას ადამიანების სიცოცხლე და ეკონომიკა, თუმცა ის შეფერხებები, რაც იქნება, ეკონომიკას დაანგრევს. ჩვენ ძალიან მყიფე ეკონომიკა გვაქვს. ის ფინანსური თუ სხვა სახის მარაგები, რაც დღეს ხალხს აქვს, ახალი ჩაკეტვების შემთხვევაში, არასაკმარისი იქნება. ხალხმა სახელმწიფოსაც რომ სთხოვოს დახმარება, მაინც ვერ მიიღებს, რადგან სახელმწიფოსაც არ აქვს ამის შესაძლებლობა, - განაცხადა თემურ ჭყონიამ.
bm.ge
თემურ ჭყონია
