თემურ ბასილია: ამერიკაში  ბანკის ტოპ-მენეჯერს კი არა, რიგით თანამშრომელსაც კი ეკრძალება სხვა სფეროებში ინვესტირება ინტერესთა კონფლიქტის გამო

თემურ ბასილია: ამერიკაში ბანკის ტოპ-მენეჯერს კი არა, რიგით თანამშრომელსაც კი ეკრძალება სხვა სფეროებში ინვესტირება ინტერესთა კონფლიქტის გამო

access_time2019-05-22 10:00:19

 „აშშ-ში არაპროფილური ბიზნესები ბანკებს არ აქვთ. ინტერესთა კონფლიქტის გამო, იქ საბანკო დაწესებულების ტოპ-მენეჯერს კი არა, რიგით თანამშრომლებსაც კი არ აქვთ სხვა სფეროებში ფასიანი ქაღალდების ყიდვის უფლებაც კი. თქვენ თუ მუშაობთ JPMorgan–ში და გინდათ თქვენი ხელფასის ნაწილი დააბანდოთ, ამას მარეგულირებლის მიერ გაცემული ნებართვის გარეშე ვერ გააკეთებთ. დავიჯერო, ეს საქართველოს ეროვნულ ბანკში არ იციან? ძალიან კარგად იციან,“- ასე აფასებს საქართველოს ყოფილი ყოფილი ვიცე პრემიერი, თემურ ბასილია „კომერსანტთან“ დღეს ქვეყანაში მოქმედ საბანკო სისტემას არაპროფილურ საქმიანობასთან დაკავშირებით.


„საქართველოში ამბობენ, რომ ეს პრობლემა არ არის. არადა, როგორ არ არის? თუ ჩვენ მივისწრაფვით თავისუფალი საბაზრო ეკონომიკის დამკვიდრებისთვის, ვნახოთ როგორ არის ეს საკითხი აშშ-ში. შეერთებულ შტატებში იციან, რომ ყურადღებით უნდა იყვნენ საბანკო სისტემის მიმართ, რაც გულისხმობს იმას, რომ არ მოხდეს ასეთი კონგლომერატების შექმნა. არ მოხდეს ინტერესთა კონფლიქტები, რომელიც შეიძლება საბოლოო ჯამში გადაიზარდოს დიდ კონგლომერატებში და, პრაქტიკულად, მოსპოს კონკურენცია, რომელიც თავისუფალი საბაზრო ეკონომიკის საფუძველი და პრინციპია,“-აცხადებს ბასილია. 


მისი ინფორმაციით, საქართველოში ბანკებმა დოკუმენტურად გამიჯნეს არაპროფილური აქტივები, მაგრამ პრაქტიკაში არაფერი შეცვლილა. ბანკები ისევ აგრძელებენ ამ მიმართულებით მოქმედებას, ხდება მონოპოლიების ჩამოყალიბება. ეს კი ყველაზე ცუდი რამეა. ბასილიას შეფასებით, მომავალში ეს შეიძლება ქვეყნის განვითარების შემაფერხებელ ფაქტორად მოგვევლინოს.


„მონოპოლია კლავს კონკურენციას. არადა, სწორედ კონკურენციაა ეკონომიკური ზრდის ხელშემწყობი. ჩვენ დღეს საქმე გვაქვს არა მხოლოდ ბანკების მონოპოლიასთან, არამედ, ბანკების მიერ არაპროფილურ ბიზნსებში არსებული კომპანიების მონოპოლიებზე. მაგალითად, სამედიცინო, ფარმაცევტული, სამშენებლო სფეროები.



მე არ მინდა სახელების, გვარების და კონკრეტული კომპანიების დასახელება, მაგრამ მაქვს არაერთი მაგალითი იმისა, რომ ბანკები დღემდე ფლობენ არაპროფილურ ბიზნესებს. მაგალითად, 2-3 თვის წინ, საქართველოში, ერთ-ერთი საკმაოდ გავლენიანი ბიზნეს ჯგუფი ინტერესდებოდა მიეღო ფინანსური რესურსი ერთ-ერთი ასევე ყველაზე გავლენიანი ბანკისგან. იცით რა მოხდა? ბანკმა „გადაგდება“ დაუპირა, ანუ ამ საფინანსო ინსტიტუტს უნდოდა ამ ბიზნესის წაღება. უბრალოდ, ეს ბიზნეს ჯგუფი იმდენად გავლენიანია, რომ დაიცვა თავისი ინტერესები და ბანკი დააყენეს თავის ადგილზე. აი ეს მაგალითი არსებობს. მაგრამ ყველას ხომ არ შეუძლია ამის გაკეთება?“-აღნიშნავს ბასილია.


ყოფილი ვიცე პრემიერის განცხადებით, საფინანსო სფეროს რეფორმების მიმართ საკმაოდ კრიტიკულადაა განწყობილი. ადამიანების განწყობის ჩამოყალიბების ერთ-ერთი ფაქტორი ბანკების მიერ განხორციელებული არასწორი საფინანსო პოლიტიკაა. ბანკებს და საფინანსო დაწესებულებებს ხელ-ფეხი გაუხსნეს და, პრაქტიკულად, ყველაფრის უფლება მისცეს. მათ შორის, ადამიანების, როგორც კლიენტების არასწორად და არასამართლიანად დაჩაგვრის.


„შეიძლება ხმამაღალი ნათქვამი იყოს, მაგრამ ეროვნული ბანკი აშკარად არ ასრულებდა და არ ასრულებს საზედამხედველო ფუნქციას, არ ახორციელებს მომხმარებელთა უფლებების დაცვას,“-ასეთია თემურ ბასილიას პოზიცია.



სოფო ქსოვრელი 





მიხეილ დაუშვილი - კლინიკებისთვის ტარიფების გათანაბრების საკითხზე შუალედურ, დაბალანსებულ მოდელზე უნდა შევჯერდეთ

მიხეილ დაუშვილი - კლინიკებისთვის ტარიფების გათანაბრების საკითხზე შუალედურ, დაბალანსებულ მოდელზე უნდა შევჯერდეთ
access_time2019-11-19 14:10:33
„უნდა შევჯერდეთ შუალედურ, დაბალანსებულ მოდელზე, რომელშიც ბიზნესის ინტერესები მაქსიმალურად იქნება დაცული“, – ამის შესახებ ბიზნესომბუდსმენმა, მიხეილ დაუშვილმა განაცხადა საყოველთაო ჯანდაცვის პროგრამის ფარგლებში გასაწევ სერვისებზე კლინიკებისთვის ტარიფების გათანაბრების გადაწყვეტილებასთან დაკავშირებით. ამასთან, მისი თქმით, სახელმწიფო რეგულაციებს გარკვეული მიზნებით იღებს, ხშირ შემთხვევაში, ეს არის მომხმარებლებისა და მოქალაქეების უფლებების...

კომერციულ ბანკებში დოლარის ფასმა 3 ლარს გადააჭარბა

კომერციულ ბანკებში დოლარის ფასმა 3 ლარს გადააჭარბა
access_time2019-11-19 14:20:50
კომერციულ ბანკებში ეროვნული ვალუტის ღირებულება 3 ლარს აჭარბებს.დღევანდელი მონაცემებით, TBC ბანკის ვალუტის გაცვლის სისტემაში ერთი აშშ დოლარის ღირებულება 3.0030 ლარია, საქართველოს ბანკში კი ერთი დოლარის ფასი ამ დროისათვის 3,0020 ლარი. ეროვნული ბანკის ოფიციალური კურსით, დოლარის ფასი 2.9736 ლარია. აღსანიშნავია, რომ ეროვნული ვალუტა დოლართან მიმართებით გუშინ 0.13 თეთრით...

საქართველოში დიზელის საწვავზე „ევრო 5“ სტანდარტის ამოქმედება 2021 წლამდე გადავადდა

საქართველოში დიზელის საწვავზე „ევრო 5“ სტანდარტის ამოქმედება 2021 წლამდე გადავადდა
access_time2019-11-19 13:24:14
საქართველოში დიზელის საწვავზე „ევრო 5“ სტანდარტის ამოქმედება 2021 წლამდე გადავადდა. ამის შესახებ მთავრობის დადგენილება გამოიცა.ახალი სტანდარტის ამოქმედება 2020 წლის პირველი იანვრიდან იგეგმებოდა. თუმცა, ბიზნესგაერთიანებები დადგენილების გადავადებას ითხოვდნენ. სპეციალისტები ამბობდნენ, რომ „ევრო 5“-ის ამოქმედების შემდეგ, საწვავის მიწოდებას საქართველოში აზერბაიჯანი ვეღარ შეძლებდა და დიზელის შემოტანა მხოლოდ რუსეთიდან იქნებოდა შესაძლებელი. ამასთან,...

კახა ოქრიაშვილის ინიციატივა მთავრობას-„ბიზნესომბუდსმენი პრემიერს ბიზნესის წარმომადგენლებმა უნდა წარუდგინონ“

კახა ოქრიაშვილის ინიციატივა მთავრობას-„ბიზნესომბუდსმენი  პრემიერს  ბიზნესის წარმომადგენლებმა უნდა წარუდგინონ“
access_time2019-11-19 12:54:38
ბიზნესმენი და  დეპუტატი კახა ოქრიაშვილი ინიციატივით გამოდის და  აცხადებს, რომ ბიზნესომბუდსმენი  პრემიერს  ბიზნესის წარმომადგენლებმა უნდა წარუდგინონ, რის შემდეგაც  შერჩეული კანდიდატის  აღნიშნულ პოსტზე დაამტკიცება მოხდება. „ბიზნესომბუდსმენი არ უნდა იყოს პრემიერის დანიშნული, ან შეიძლება იყოს, მაგრამ აუცილებელია კანდრიდატურები ბიზნესასოციაციებმა მიაწოდონ. იმედი მაქვს, რომ ახალი კადრი იქნება ბიზნესისა და სამართლიანობის დამცავი....

კერხერის ოფიციალურ წარმომადგენლობას საქართველოში დიდი სიახლე აქვს!

კერხერის ოფიციალურ წარმომადგენლობას საქართველოში დიდი სიახლე აქვს!
access_time2019-11-18 21:35:20
1 ნოემბრიდან იანვრის ბოლომდე ბრენდი კერხერის წარმომადგენლობა საქართველოში ეროვნული კამპანიის ფარგლებში მომხმარებელს სთავაზობს ყველაზე მოთხოვნად საყოფაცხოვრებო მტვერსასრუტს  VC3 _ს 349 ლარად 485 ლარის ნაცვლად 2 წლიანი გარანტიით. ეს მოდელი გამოირჩევა მისი განსაკუთრებული ტექნიკური მახასიათებლებით:  იგი არის ენერგო ეფექტური, რადგან მოიხმარს მხოლოდ 700 ვატს, რაც სრულიად შეესაბამება ევროპის სავალდებულო სტანდარტებს და აქვს საკმაოდ მძლავრი შესრუტვა, რომლითაც მარტივად...


მსგავსი სიახლეები

up