„თელიანი ველის“ ახალი ბრენდის ღვინოები ბრიტანეთის ღვინის მაღაზიებში გამოჩნდება

„თელიანი ველის“ ახალი ბრენდის ღვინოები ბრიტანეთის ღვინის მაღაზიებში გამოჩნდება

access_time2020-05-23 16:00:03

თელიანი ველის“ გამორჩეული ღვინოები ბრიტანეთის ღვინის მაღაზიებში გამოჩნდება. ამ ბაზრისთვის ქართული ღვინის გაცნობა კომპანიამ ორი ბრენდით Glekhuri და „თელიანი ველის“ პრემიუმ ხაზი Winery 97-ით გადაწყვიტა.


როგორც „კომერსანტს“ „თელიანი ველის“ კომერციულმა დირექტორმა ირაკლი ბოკუჩავამ განუმარტა, პროექტზე მუშაობა ერთი წელია მიმდინარეობს და პარტნიორების მხრიდან დიდი დაინტერესებისა და ღვინის ხარსხის დამსახურებით ინგლისში ახალი ღვინოები ძალიან მალე გაიყიდება.


პროექტზე მუშაობა დაახლოებით, ერთი წლის წინ, თებერვალ-მარტში დავიწყეთ და მიზნად დავისახეთ ბრიტანეთის ბაზარზე შესვლა. მივიღეთ მონაწილეობა ადგილობრივ გამოფენაში, გვქონდა შეხვედრები ადგილობრივ იმპორტიორებთან. ამ საქმეში ძალიან დაგვეხმარა ღვინის ეროვნული სააგენტო და ღვინის მაგისტრი, ქალბატონი სარა ებოტი.  ჩვენს მეღვინეებთან ერთად სპეციალურად ბრიტანელი მომხმარებლისთვის შევარჩიეთ ღვინო, რომელმაც პოტენციური პარტნიორის მოწონება დაიმსახურა. ეს ღვინოებია გლეხურის სერიიდან, ქისი ქვევრი და კისისხევი საფერავი ქვევრი, რომელიც მსოფლიოსა და საქართველოში დიდიხანია წარმატებით სარგებლობს და საერთაშორისო კონკურსებზე უმაღლესი შეფასება აქვს. ასევე, Teliani Valley Winery 97-ის ხაზიდან გაუფილტრავი საფერავი, საფერავი და ქარვისფერი კახური #8,”-  განმარტავს ირაკლი ბოკუჩავა.



რაც შეეხება ღვინის საექსპორტო ფასს, „თელიანი ველის“ კომერციულმა დირექტორმა აღნიშნა, რომ ახალი ღვინოები ხარისხის შესაბამისად მაღალ საფასო სეგმენტს განეკუთვნება და იმედი გამოთქვა, რომ მალე საპატიო ადგილს დაიკავებს იტალიური და ფრანგული ღვინოების გვერდით.



პროდუქცია გაიყიდება ღვინის მაღაზიებში და „თელიანი ველი“ მოხვდება მაღალ საფასო კატეგორიაში სტანდარტულად ფრანგული, იტალიური და სხვა საინტერესო ღვინის მწარმოებელი ქვეყნების გვერდით.  ათასამდე ადამიანმა დააგემოვნა ჩვენი ღვინო მასტერკლასებისა და შეხვედრების დროს და მათთვის აღნიშნული საფასო სეგმენტი მისაღებია ღვინისა და ბრენდის ხარისხიდან გამომდინარე.


ამ ბაზარზე ახალი ქვეყნების კატეგორიას მივეკუთვნებით, თუმცა გვჯერა რომ გაიზრდება ცნობადობა და ცალკე კუთხეც გამოეყოფა ქართულ ღვინოს.“ - აღნიშნა ირაკლი ბოკუჩავამ.



„თელიანი ველის“ პარტნიორია ღვინის იმპორტიორი კომპანია - „ბუტინო“, რომლის პორტფელში 1400 ღვინოა და წლის განმავლობაში 44 მილიონ ბოთლზე მეტს ყიდის. „ბუტინო“ განსაკუთრებული სიფრთხილით არჩევს საუკეთესო და მაღალი ხარისხის პროდუქციას მსოფლიოს სხვადასხვა ღვინის მწარმოებელი ქვეყნებიდან.


წლის მეორე ნახევარში, კომპანია „თელიანი ველი“ განახლებული ასორტიმენტითა და ბრენდებით ამერიკის ბაზარზეც გეგმავს ცვლილებებს.

 



მარიამ მორგოშია





კრიპტოვალუტის მაინინგის გამო აფხაზეთი ენერგოკოლაფსის ზღვარზეა

კრიპტოვალუტის მაინინგის გამო აფხაზეთი ენერგოკოლაფსის ზღვარზეა
access_time2020-09-23 20:00:02
ამ დღეებში აფხაზეთის დე ფაქტო რესპუბლიკის მთავრობამ კრიპტოვალუტის მოპოვების რეგულირების თაობაზე კანონი მიიღო.   პარალელურად კი არ აღიარებული რესპუბლიკის სახელმწიფო ენერგეტიკული კომპანია „ჩერნომორენერგო“-ს დირექტორმა მიხაილ ლოგუამ განაცხადა, რომ უახლოეს პერიოდში სავარაუდოდ ენერგიის პერიოდული გათიშვები დაიწყება.   „ისეთი დატვირთვა ენერგოსისტემაზე, როგორიც დღეს არის არასდროს ყოფილა, მაშინაც კი, როდესაც ტურისტული სეზონი ძალიან აქტიური იყო. დღეს მოხმარება...

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია
access_time2020-09-23 19:00:54
„დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან“, - ასე ეხმაურება „არქი ჯგუფის“ დამფუძნებელი ილია წულაია კომერსანტის სტატიას, სადაც თამარაშვილის ქუჩაზე მცხოვრები მოსახლეობის პროტესტზეა საუბარი. მმართველი გუნდის დეპუტატი აცხადებს, რომ ძველი იპოდრომის ტერიტორიაზე დეველოპერული კომპანია მშენებლობას დარღვევების გარეშე, კანონის სრული დაცვით ახორციელებს.   „მესმის რომ მეზობლებს არ სიამოვნებთ მშენებლობა, ერჩიათ როდესაც ​გადმოიხედავდნენ...

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს
access_time2020-09-23 18:13:22
საქართველოში ამერიკის შეერთებული შტატების სამი ყოფილი ელჩი, ჯონ ტეფტი, უილიამ კორტნი და კენეტ იალოვიცი საქართველოში დემოკრატიისა და ბიზნესგარემოს უკუსვლის შესახებ გამოცემა The National Interesrt-ში ერთობლივ სტატიას აქვეყნებენ.   დიპლომატები აღნიშნავენ, რომ პოლარიზებული პოლიტიკური ვითარება, საარჩევნო პროცესში არსებული დარღვევები და საერთაშორისო ინვესტორთა შევიწროების...

23 სექტემბერი - რეგიონში ქართული ლარი და თურქული ლირა უფასურდება

23 სექტემბერი - რეგიონში ქართული ლარი და თურქული ლირა უფასურდება
access_time2020-09-23 18:05:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. დღეს გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 23...

ქართული მოცვი ევროპაში ვერ გადის

ქართული მოცვი ევროპაში ვერ გადის
access_time2020-09-23 16:00:59
იმის მიუხედავად, რომ ლურჯ მოცვზე  ევროკავშირში საქართველოდან შესაძლო ექსპორტზე დიდ იმედებს ამყარებდნენ, ამ პროდუქტმა ევროპის ბაზარზე ადგილი ჯერ ვერ დაიმკვიდრა.   2020 წლის განვლილ პერიოდში ექსპორტზე 650 ტ ლურჯი მოცვი გავიდა, თუმცა 99%  რუსეთში გაიყიდა.   კომპანია „ეფკოს“ დირექტორის იოანე მორჩილაძეს თქმით, ქართული ლურჯი მოცვი სრულფასოვნად ევროპაში ექსპორტზე არც გასულა.   „თუ ვსაუბრობთ მნიშვნელოვან რაოდენობაზე, ევროკავშირში...


მსგავსი სიახლეები

up