IPM კვლევითი ინსტიტუტი სატელევიზიო სარეკლამო ბაზარს მიმოიხილავს და ამჯერად აზარტული თამაშების სფეროს სარეკლამო სტატისტიკას აქვეყნებს.
2020 წელს ტელევიზიაში, აღნიშნულ კატეგორიაში, სულ გავიდა 143,502 სარეკლამო რგოლი, ქრონომეტრაჟის მოცულობამ შეადგინა 2,000,616 წამი, ხოლო განხორციელებულმა ინვესტიციამ - 153.9 მილიონი ლარი.
2020 წელს სატელევიზიო რეკლამის მონიტორინგის მონაცემების მიხედვით, სარეკლამო რგოლების გასვლის რაოდენობით, ლიდერობს „აჭარაბეთი“ – 70,584 რგოლით, მეორე ადგილზეა „კრისტალბეთი“ – 23,974, ხოლო მესამეზე კი Europe-Bet - 19,196.
ქრონომეტრაჟის პარამეტრში ლიდერობს „აჭარაბეთი“, რომელმაც 1 029 446 წამის სარეკლამო რგოლი განათავსა, მეორე ადგილზეა „კრისტალბეთი“ – 309 883 წამი, მესამეზე კი კვლავ Europe-Bet - 287,726 წამი.
2020 წელს, ტელევიზიით, აზარტული თამაშების სფეროს წარმომადგენლებმა რეკლამის განთავსებაზე ოფიციალური პრაის ლისტის მიხედვით სულ დახარჯეს 153.9 მილიონი ლარი. მათგან ყველაზე მეტი ინვესტიცია განახორციელა „აჭარაბეთმა“, რომლის დანახარჯი მოცემულ პერიოდში შეადგენს - 64.4 მილიონ ლარს.
აზარტული სფეროს TOP 5 -ის დანახარჯები 2020 წელს (მლნ ლარი):
Adjara Bet Totalizatori — 64.4
Europe-Bet — 27.8
CrystalBet — 26.3
Crocobet — 15.2
Betlive — 15.1
gbc.ge