თეა წულუკიანი - მეწარმეთა კანონის რეფორმას არა მხოლოდ დარგობრივი უწყებები, არამედ ჩვენი ბიზნესმენებიც მრავალი წელი ელოდნენ

თეა წულუკიანი - მეწარმეთა კანონის რეფორმას არა მხოლოდ დარგობრივი უწყებები, არამედ ჩვენი ბიზნესმენებიც მრავალი წელი ელოდნენ

access_time2020-08-13 13:51:40

მეწარმეთა კანონის რეფორმას, არა მხოლოდ დარგობრივი უწყებები, ეკონომიკის სამინისტრო, ფინანსთა სამინისტრო, არამედ ჩვენი ბიზნესმენებიც მრავალი წელია, ელოდნენ,- ამის შესახებ იუსტიციის მინისტრმა, თეა წულუკიანმა მთავრობის დღევანდელი სხდომის დასრულების შემდეგ განაცხადა.


მინისტრის თქმით, მნიშვნელოვანია, რომ ბევრი ახალი რეგულაცია შემოდის, რომელიც ხელმძღვანელობას გაუწევს, როგორც მეწარმეებს, ასევე მოსამართლეებს დავის შემთხვევაში.


„დღეს ჩვენ დავასრულეთ მრავალწლიანი პროცესი, საქართველოს კანონის სრულიად ახალ პროექტზე მუშაობისა, რომელსაც ჰქვია საქართველოს კანონი მეწარმეთა შესახებ. ამ კანონით, რომელსაც, დარწმუნებული ვარ, საქართველოს პარლამენტში ფართო მხარდაჭერა ექნება, ჩავანაცვლებთ 1994 წელს მიღებულ მეწარმეთა შესახებ კანონს, რომელიც მიუხედავად 2008 წელს განხორციელებული ცვლილებებისა, საერთოდ არ პასუხობს თანამედროვეობას, არ პასუხობს ბიზნესწრეების ინტერესებს, არ პასუხობს იმ გამჭვირვალობისა და განჭვრეტადობის ფუძემდებლურ პრინცებს, რომელიც თავისუფალი მეწარმეობისთვის აუცილებელია. ჩვენ ამ პროექტზე, რა თქმა უნდა, ვიმუშავეთ თავად ბიზნესსასოციაციებთან, საჯარო რეესტრსა და მის რეგისტრატორებთან, დაინტერესებულ უწყებებთან, რომ საზოგადოებისთვის შეგვათავაზებინა ევროპული სტანდარტის კანონის პროექტი. მნიშვნელოვანია, რომ ძალიან ბევრი, ახალი რეგულაცია შემოდის, რომელიც არასავალდებულო ხასიათისა, ანუ დისპოზიციურია, მაგრამ ხელმძღვანელობას გაუწევს, როგორც მეწარმეებს, ასევე, რაც კიდევ უფრო მნიშვნელოვანია, მოსამართლეებს დავის შემთხვევაში“,- განაცხადა წულუკიანმა.


თეა წულუკიანის ინფორმაციით, თითოეული თავი ეთმობა, სათანადოდ, სხვადასახვა სამართლებრივი ფორმის სამეწარმეო ორგანიზაციებს, იქნება ეს სააქციო საზოგადოება, შეზღუდული პასუხისმგებლობის საზოგადოება, სოლიდარული პასუხისმგებლობის საზოგადოება, კოოპერატივი თუ კომანდიტური საზოგადოება.



„ასევე, შემოდის სხვადასხვა ევროპული სტანდარტი, მათ შორის სადამფუძნებლო დოკუმენტების საჯარო რეესტრში წარდგენის მიმართულებით. ეს არის მასშტაბური რეფორმა. ეს არის ის რეფორმა, რომელსაც არა მხოლოდ დარგობრივი უწყებები, ეკონომიკის სამინისტრო, ფინანსთა სამინისტრო, არამედ ჩვენი ბიზნესმენებიც მრავალი წელია ელოდნენ და 2013 წელს მათთან ერთად დაწყებული ეს პროცესი დღეს დასრულდა“, – განაცხადა მინისტრმა.


ასევე, მინისტრის განცხადებით, აღნიშნული კანონის პროექტში ევროპული, ევროკავშირის დირექტივებიც არის გადმოტანილი.


„ამ კანონპროექტს გავლილი აქვთ რეგულირების შეფასების ანალიზი და ის ორი კვირით, როგორც ეს ამ კატეგორიის კანონის პროექტებს ეკუთვნის, გამოქვეყნდება საქართველოს საკანონმდებლო მაცნეზე. კიდევ ერთხელ მინდა, მიუხედავად შვიდწლიანი მუშაობის პროცესისა, ყველას შევთავაზო ბოლო კომენტარების გამოთქმა მაცნეს მეშვეობით, ვიდრე ამ რეფორმის წარდგენასა და დაცვას დავიწყებთ უკვე საკანონმდებლო ორგანოში. ყველა ბიზნესოპერატორს მინდა მივულოცო ეს სიახლე და იმედი გამოვთქვა, რომ პირველი იანვრიდან, როცა კანონი შევა ძალაში, საქართველოში, იქნებიან ისინი ქართველი თუ უცხოელი ბიზნესმენები, იმუშვებენ კიდევ უფრო თავისუფალ გარემოში, იმ გარემოში, რომელიც მათ ხელს უწყობს და რაც მთავარია, დავის შემთხვევაში, სათანადოდ იცავს“, – განაცხადა წულუკიანმა.


1tv.ge





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up