თეა წულუკიანი - მართლაც თუ არსებობს თანხა, რომელიც მავანმა თვითმფრინავების დასაქირავებლად შეაგროვა, მინდა, მას თუ მათ მოვუწოდო, ეს თანხა მთლიანად ჩარიცხონ საქართველოში შექმნილ ფონდში

თეა წულუკიანი - მართლაც თუ არსებობს თანხა, რომელიც მავანმა თვითმფრინავების დასაქირავებლად შეაგროვა, მინდა, მას თუ მათ მოვუწოდო, ეს თანხა მთლიანად ჩარიცხონ საქართველოში შექმნილ ფონდში

access_time2020-03-31 23:40:50

თუ ეს ტყუილი არ არის და მართლაც არსებობს რამე თანხა, რომელიც მავანმა შეაგროვა თუ დონორებისგან მიიღო იმისთვის, რომ თვითმფრინავები იქირაოს, მინდა, მას თუ მათ მოვუწოდო, ეს თანხა მთლიანად ჩარიცხონ ფონდში, რომელიც საქართველოშია შექმნილი, ისე, რომ თავისთვის თეთრიც არ დაიტოვონ, – ამის შესახებ ვიცე პრემიერმა, იუსტიციის მინისტრმა, თეა წულუკიანმა საქართველოს პირველი არხის გადაცემაში „მოამბე“ განაცხადა.

 

„ამ ფონდში 82 პირმა 20 მილიონამდე ლარი უკვე ჩარიცხა. ფონდი გამჭვირვალედ იმართება და ეს 82 პირი, რომელმაც 20 მილიონი ლარი ჩარიცხა, ენდობა საქართველოს ხელისუფლებას, რომელმაც უკეთ იცის, როგორ მართოს ეს თანხა კორონავირუსთან ეფექტური ბრძოლის მიზნებისთვის“, – განაცხადა წულუკიანმა.

 

მისი თქმით, ახლა კეკლუცობის და იაფფასიანი სპეკულაციების დრო არ არის, რასაც ოპონენტები მიჩვეული არიან.

 

„ახლა იმის დროა, ყველა დასერიოზულდეს და თუ ვერ სერიოზულდება, აიღონ ეს ფული, თუ მართლაც არსებობს და ფონდში ჩარიცხონ. ეს რეალურად დაეხმარება პრევენციას და იმ ადამიანებს, ვინც დაავადებულია, ან საქართველოში ჩამოსვლა სურს, რადგან იმ ქვეყანაში, სადაც იმყოფება, ვირუსი მძვინვარებს“, – განაცხადა წულუკიანმა.

 

როგორც ვიცე-პრემიერმა აღნიშნა, ოპონენტები სანთლით ეძებენ საკითხებს, თუ რა უსაყვედურონ ხელისუფლებას, რადგან პოლიტიკურ სცენაზე თითქმის უკვე აღარ, თუ ვეღარ ჩანან.

 

„ჩვენ ვხედავთ, რომ ამ ადამიანების მხრიდან მიმდინარეობს საკითხების ძებნა, ვაითუ, ხელისუფლებამ რამე ხარვეზი და შეცდომა დაუშვას, რომ შემდეგ, აქედან რაღაც ააგონ. რაც შეეხება კონკრეტულ საკითხს – ჩვენ ფული ვიშოვეთ, ამ ფულით მოდით, ჩვენს თანამემამულეებს ჩამოვიყვანთო და ხელისუფლებას რაღაცას მოუწოდებენ, ეს არის ღია კარის მტვრევა. ყველა ვხედავთ, რომ ხელისუფლება, საგარეო საქმეთა სამინისტრო, როგორც ამ პროცესის ფლაგმანი, ყველაფერს აკეთებს. ყოველ დილით, პრემიერ-მინისტრი საკითხების ნუსხაში სწორედ ჩვენი თანამემამულეების საკითხს გადის. ჩვენი პრემიერი დღეს მაგალითად, ჩვენს არასრულწლოვან თანამემამულეებზე იყო შეწუხებული და ზრუნავს იმაზე, რომ უცხოეთში მყოფი ამგვარი პირები პირველ რიგში დაბრუნდნენ“, – განაცხადა წულუკიანმა.

 

მისივე თქმით, თუ ადამიანი პოლიტიკური სპეკულირებით არ არის დაკავებული, ამ საკითხთან დაკავშირებით არ არსებობს რამე მოწოდების ადგილი.

 

„ჩვენ ვნახეთ ხელისუფლების ძალისხმევით ქვეყანაში დაბრუნებული საქართველოს ასეულობით მოქალაქე. მიმდინარეობს მათი ეფექტური მართვა კარანტინის, თუ მკურნალობის რეჟიმში“, – განაცხადა თეა წულუკიანმა.

1tv.ge





„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას

„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას
access_time2020-05-26 12:00:56
ამერიკის შეერთებული შტატების პრეზიდენტი დონალდ ტრამპი საქართველოს პრემიერ-მინისტრ გიორგი გახარიას დამოუკიდებლობის დღესთან დაკავშირებით მისალოც წერილს უგზავნის. აშშ-ის პრეზიდენტი საქართველოს მთავრობის მეთაურისთვის გამოგზავნილ მილოცვაში ხაზს უსვამს ათწლეულების განმავლობაში აშშ-სა და საქართველოს შორის მტკიცე პარტნიორობას, რომელიც საერთო ღირებულებებს და ინტერესებს ეფუძნება. „ძვირფასო პრემიერ-მინისტრო! ამერიკელი ხალხის სახელით, გულწრფელად მოგესალმებით და გილოცავთ...

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე
access_time2020-05-25 20:00:15
სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში რომ გაეხვა, ამის შესახებ ინფორმაცია სომხეთის ყოფილმა ელჩმა ვატიკანში მიკაელ მინასიანმა გაავრცელა. „კომერსანტმა“ მოიპოვა მასალა, სადაც მინასიანი თავის ვიდეომიმართვაში განმარტავს, რომ სქემის მიხედვით, სომხეთის პრემიერ-მინისტრის ნიკოლ ფაშინიანის ოჯახი სიგარეტის ექსპორტს ახორციელებს და ეს...

მთავრობამ Air Baltic-ს საქართველოს მიმართულებით ფრენების განახლების ნებართვა მისცა

მთავრობამ Air Baltic-ს საქართველოს მიმართულებით ფრენების განახლების ნებართვა მისცა
access_time2020-05-25 19:30:03
„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანების მიმოსვლის დროს უსაფრთხოება იქნება დაცული. ეს არის სწრაფი და ეფექტური გზა იქითკენ, რომ ჩვენ, ზაფხულის სეზონზე, შევძლოთ ვუმასპინძლოთ ტურისტებს როგორც ლატვიიდან, ასევე მთლიანად ბალტიის ქვეყნებიდან უსაფრთხოების ყველა ნორმის დაცვით,” – განაცხადა ეკონომიკისა და მდგრადი განვითარების...

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა
access_time2020-05-25 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.      ეროვნული ბანკის მიერ გამოქვეყნებული 25 მაისის ვაჭრობის შედეგად, ქართული ლარის კურსი აშშ დოლართან...

უძრავი ქონების პლკატფორმა Livo იპოთეკური სესხების 4%-იან სუბსიდირებას ვარაუდობს

უძრავი ქონების პლკატფორმა Livo იპოთეკური სესხების  4%-იან სუბსიდირებას ვარაუდობს
access_time2020-05-25 18:00:49
უძრავი ქონების პლკატფორმა Livo ვარაუდობს, რომ მთავრობა იპოთეკურ სესხებს 4%-ით დაასუბსიდირებს.როგორც პლატფორმის დამფუძნებელმა გადაცემა „ბიზნესპარტნიორში“ განაცხადა, თუ სახელმწიფო ამ გადაწყვეტილებას მიიღებს, წელს თბილისში საცხოვრებელი ქონების დონე 2019 წლის მაჩვენებელს დაუბრუნდება. კითხვაზე თუ აქვს მოლოდინი რომ მთავრობა იპოთეკური სესხების 4%-ით სუბსიდირებაზე დადებით გადაწყვეტილებას მიიღებს, გიორგი ჩუმაშვილი ამბობს, რომ ეს არის ერთადერთი ჭეშმარიტი, სწორი და სამართლიანი...


მსგავსი სიახლეები

up